ବିଜୁଙ୍କ ଶ୍ରାଦ୍ଧ ବାର୍ଷିକୀରେ ଅଶୋକଙ୍କ ଶକ୍ତି ପ୍ରଦର୍ଶନ
Rasmita Behera
3588
ବ୍ୟାସନଗର: କୋରେଇରୁ କାହାକୁ ମିଳିବ ଟିକେଟ । ଏକଥା କାହାକୁ ଜଣାନାହିଁ । ବିଜୁ ଜନତା ଦଳ କାହାକୁ ଟିକେଟ ଦେଉଛି, ତାହାକୁ ସମସ୍ତେ ଅପେକ୍ଷା କରି ରହିଛନ୍ତି । ବିଧାୟକ ଅଶୋକ ବଳଙ୍କୁ ରିପିଟ କରାଯାଉଛି ବୋଲି ତାଙ୍କ ସମର୍ଥକ କହୁଥିବା ବେଳେ ନୂଆମୁହଁ କୋେଇଇ ଦେଖିବ ବୋଲି ମଧ୍ୟ ଚର୍ଚ୍ଚା ହେଉଛି । ବିଜୁ ଜନତା ଦଳ ପ୍ରାର୍ଥୀ ଘୋଷଣା ଯେତିକି ବିଳମ୍ବ କରୁଛି, ବିଭିନ୍ନ ଆଶାୟୀଙ୍କ ଦୃଦସ୍ପନ୍ଦନ ସେତିକି ବଢିଚାଲିଛି । ବିଧାୟକ ଅଶୋକ ଆଶା ଛାଡ଼ିନଥିବା ବେଳେ ଆଜି ବିଜୁ ବାବୁଙ୍କ ଶ୍ରାଦ୍ଧବାର୍ଷିକୀରେ ସମର୍ଥକଙ୍କୁ ଏକାଠି କରିଥିଲେ । ବ୍ୟାସନଗର ପୌରାଞ୍ଚଳର ନହକା ବାଇପାସ୍ ଠାରେ ଥିବା ବିଜୁ ବାବୁଙ୍କ ପ୍ରତିମୂର୍ତ୍ତିରେ ପୁଷ୍ପମାଲ୍ୟ ଅର୍ପଣ କରିବା ସହ ଶ୍ରଦ୍ଧାସୁମନ ଅର୍ପଣ କରିଥିଲେ ଅଶୋକ । ବିଜୁ ବାବୁଙ୍କ ଶ୍ରାଦ୍ଧ ତିଥିରେ କୋରେଇ ନିର୍ବାଚନ ମଣ୍ଡଳୀର ପଞ୍ଚାୟତରୁ ପୌରାଞ୍ଚଳ ପର୍ଯ୍ୟନ୍ତ କାର୍ଯ୍ୟକର୍ତ୍ତା ଏବଂ ନିର୍ବାଚିତ ପ୍ରତିନିଧି ଉପସ୍ଥିତ ରହିଥିଲେ ।
