ମୁଖ୍ୟମନ୍ତ୍ରୀ ସ୍ୱତନ୍ତ୍ର ସହାୟତା ରାଶି ବିନିଯୋଗରେ ବିଫଳ : ଆଇଟିଡିଏ ଘେରିଲା ବିଜେଡି
Rasmita Behera
ନୀଳଗିରି : ପୂର୍ବତନ ବିଜେଡି ସରକାର ନୀଳଗିରି ଅଞ୍ଚଳର ବିଭିନ୍ନ ଉନ୍ନୟନ ପ୍ରକଳ୍ପ ଏବଂ ମନ୍ଦିରର ବିକାଶ ଓ ରକ୍ଷଣାବେକ୍ଷଣ ପାଇଁ ମୁଖ୍ୟମନ୍ତ୍ରୀ ସ୍ୱତନ୍ତ୍ର ଉନ୍ନୟନ ପାଣ୍ଠିରୁ ୧କୋଟି ୭୦ଲକ୍ଷରୁ ଊର୍ଦ୍ଧ୍ୱ ପାଣ୍ଠି ଯୋଗାଇ ଦେଇଥିବାବେଳେ, ବର୍ତ୍ତମାନର ଅପାରଗ ସରକାର ଉକ୍ତ ଟଙ୍କା ବିନିଯୋଗ କରିବାରେ ବିଫଳ ହୋଇଛନ୍ତି । ଫଳରେ ସମସ୍ତ ସହାୟତା ରାଶି ଫେରିଯିବାକୁ ବସିଛି । ଏନେଇ ନୀଳଗିରି ବିଜେଡିର ପୂର୍ବତନ ବିଧାୟକ ତଥା ରାଜ୍ୟ ବିଜେଡି ସାଧାରଣ ସମ୍ପାଦକ ଇଂ ସୁକାନ୍ତ କୁମାର ନାୟକଙ୍କ ନେତୃତ୍ୱରେ ପାଞ୍ଚଶହରୁ ଉର୍ଦ୍ଧ୍ୱ ପୁରୁଷ ଓ ମହିଳା ଶୁକ୍ରବାର ପୂର୍ବାହ୍ନ ୧୦ସମୟରେ ସମନ୍ୱିତ ଆଦିବାସୀ ଉନ୍ନୟନ ସଂସ୍ଥା (ଆଇଟିଡିଏ) କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ସହିତ ଧାରଣା ଦେଇଥିଲେ । ତକ୍ରାଳୀନ ବିଜେଡି ସରକାର ନୀଳଗିରି ନିର୍ବାଚନମଣ୍ଡଳୀର ବିଭିନ୍ନ ଭିତ୍ତିଭୂମୀ ଉନ୍ନୟନ ପ୍ରକଳ୍ପ ଓ ମନ୍ଦିରର ବିକାଶ ଏବଂ ରକ୍ଷଣାବେକ୍ଷଣ ପାଇଁ ୨୦୨୪ମସିହା ଫେବୃଆରୀ ୨୩ତାରିଖରେ ୧ କୋଟି ୧୫ ଲକ୍ଷ ୫୦ହଜାର ଏବଂ ମାର୍ଚ୍ଚ ୧ତାରିଖରେ ପୁନର୍ବାର ୫୫ଲକ୍ଷ ୫୦ହଜାର ତାଙ୍କର ସ୍ୱତନ୍ତ୍ରସହାୟତା ରାଶି ମୋଟ ୧ କୋଟି ୭୦ଲକ୍ଷରୁ ଊର୍ଦ୍ଧ୍ୱ ଟଙ୍କା ନୀଳଗିରି ଆଇଟିଡିଏ ମାଧ୍ୟମରେ ପ୍ରଦାନ କରିଥିଲେ । ମାତ୍ର ସରକାରଙ୍କ ଦୂରଦୃଷ୍ଟି ଏବଂ ବିଭାଗୀୟ କର୍ତ୍ତୃପକ୍ଷଙ୍କ କାଳକ୍ଷେପଣ ନୀତି ପାଇଁ ସମସ୍ତ ସହାୟତା ରାଶି ଫେରିଯିବାକୁ ବସିଛି । ଆଇଟିଡିଏ ପ୍ରକଳ୍ପ ଅଧିକାରୀ କାରୁ ସୋରେନଙ୍କୁ ଏକ ସ୍ମାରକପତ୍ର ମୁଖ୍ୟମନ୍ତ୍ରୀଙ୍କ ଉଦେ୍ଦଶ୍ୟରେ ପ୍ରଦାନ କରାଯାଇଥିଲା । ଏହି ଧାରଣାରେ ସୁକାନ୍ତ ନାୟକଙ୍କ ସମେତ ରେମୁଣାର ପୂର୍ବତନ ବିଧାୟକ ସୁଧାଂଶୁ ପରିଡା, ବିଜେଡିନେତା ଗଙ୍ଗାଧର ମିଶ୍ର, ସତ୍ୟନାରାୟଣ ମାକଳ, ରାଧାଗୋବିନ୍ଦ ଖଟୁଆ, ଉପେନ୍ଦ୍ର ଦାସ, ସମିତିସଭ୍ୟ ରାଜୀବ ଦାସବାବୁ, ସରପଞ୍ଚ ସୁରଥ ସିଂ, କୁଳମଣି ନାୟକ, ମାଳତୀ ମାର୍ଣ୍ଡୀ, ରଞ୍ଜିତା ଦାଣ୍ଡପାଟ, ବିନୋଦ ମହାନ୍ତି, ଶାନ୍ତିଲତା ବିଶ୍ୱାଳ, ପ୍ରଫୁଲ୍ଲ ପରିଡା, ସଞ୍ଜୟ ସିଂ, ପ୍ରଭାକର ବୁଗୁଡେଇ, ଅନ୍ତର୍ଯ୍ୟାମୀ ବୁଗୁଡାଇ ପ୍ରମୁଖ ବହୁ ନେତା ଓ କର୍ମୀ ସାମିଲ ଥିଲେ ।
