ରାହୁଲଙ୍କ ସମାବେଶରେ ସାମିଲ ହେବ ବିଞ୍ଝାରପୁର କଂଗ୍ରେସ
Rasmita Behera
4609
ବିଞ୍ଝାରପୁର, : ରବିବାର କଂଗ୍ରେସ ଯୁବରାଜ ରାହୁଲ ଗାନ୍ଧି ଓଡିଶାଗସ୍ତରେ ଆସି ସାଲେପୁର ଠାରେ ନିର୍ବାଚନୀ ପ୍ରଚାର କରିବା ପୂର୍ବକ ସାଧାରଣ ସଭାରେ ଯୋଗଦେବାର କାର୍ଯ୍ୟକ୍ରମ ରହିଛି । ରାହୁଲଙ୍କ ଗସ୍ତକୁ ନେଇ ରାଜ୍ୟ କଂଗ୍ରେସରେ ଉସôାହ ଦେଖିବାକୁ ମିଳିଥିବା ବେଳେ ବିଞ୍ଝାରପୁର ନିର୍ବାଚନ ମଣ୍ଡଳିରେ ମଧ୍ୟ ରାହୁଲଙ୍କ ଗସ୍ତକୁ ନେଇ କର୍ମୀଙ୍କ ମଧ୍ୟରେ ବେଶ ଉସôାହ ଦେଖିବାକୁ ମିଳିଛି । ରାହୁଲଙ୍କ ସଭାରେ ବିଞ୍ଝାରପୁର କଂଗ୍ରେସରୁ ୫ଶହରୁ ଊଦ୍ଧ୍ୱର୍ କର୍ମୀ ଯୋଗଦେବେ ବୋଲି ଜଣାପଡିଛି । କଂଗ୍ରେସ ନେତ୍ରୀ ତଥା ବିଞ୍ଝାରପୁର ବିଧାନସଭା ଆସନରୁ କଂଗ୍ରେସ ପ୍ରାର୍ଥୀ କନକଲତା ମଲ୍ଲିକ ରାହୁଲ ଗାନ୍ଧିଙ୍କ ଗସ୍ତକୁ ସଫଳ କରିବା ପାଇଁ କର୍ମୀ ମାନଙ୍କୁ ଆହ୍ୱାନ ଦେଇଛନ୍ତି । ଆଗାମି ଦିନରେ ରାହୁଲଙ୍କ ନେତୃତ୍ୱକୁ ଲୋକେ ପସନ୍ଦ କରି କଂଗ୍ରେସ ପ୍ରତି ଆକୃଷ୍ଠ ହେବା ସହିତ ରାଜ୍ୟରୁ ବିଜେଡି ଓ ବିଜେପିକୁ ସାଧାରଣ ନିର୍ବାଚନରେ ଲୋକେ କଡା ଜବାବ ଦେବେ ବୋଲି କନକଲତା ପ୍ରକାଶ କରିଛନ୍ତି ।
