ଟିକେଟ ପାଇଁ ବାପିଙ୍କ ଦାମ ପ୍ରେମ
Ramachandi Prasad
ଭୁବନେଶ୍ୱର : ବଂଚିଥିବାବେଳେ ବର୍ଷୀୟାନ ନେତା ଡାକ୍ତର ଦାମୋଦର ରାଉତଙ୍କୁ ପ୍ରତି ପାଦରେ ବିରୋଧ କରୁଥିଲେ ବାପି ସର୍ଖେଲ । ହେଲେ ଏବେ ବାପିଙ୍କୁ ଟିକେଟ ଚିନ୍ତା ଘାରିଛି । ଯେଉଁଥିପାଇଁ ଏବେ ତାଙ୍କର ଦାମ ପ୍ରେମ ଉଛୁଳିବାରେ ଲାଗିଛି । ଯାହା ଏବେ ପାରାଦୀପ ରାଜନୀତିରେ ଜୋରଦାର ଚର୍ଚ୍ଚା ସୃଷ୍ଟିକରିଛି ।
ମାର୍ଚ୍ଚ ୨୨ରେ ଡାକ୍ତର ଦାମୋଦର ରାଉତଙ୍କର ପରଲୋକ ହୋଇଥିଲା । ପାରାଦୀପ ଥିଲା ଦାମଙ୍କ କର୍ମଭୂମି । ଏବେବି ପାରାଦୀପ ଲୋକମାନେ ଦାମଙ୍କୁ ଝୁରୁଛନ୍ତି । ସେପଟେ ଟିକେଟ ପାଇବା ପାଇଁ ବାପି ସର୍ଖେଲ ନିଜ ପନôୀଙ୍କୁ ଆଗକୁ ଆଣିଛନ୍ତି । ବାପିଙ୍କୁ ବିଜେଡ଼ି ଦଳରେ ସାମିଲ କରିବାକୁ ରାଜି ନହେବାରୁ ତାଙ୍କ ପନôୀ ବିଜେଡ଼ିରେ ସାମିଲ ହୋଇଥିଲେ । ଆଶା କରାଯାଉଥିଲା ସମ୍ବିତଙ୍କ ବଦଳରେ ବାପିଙ୍କ ପନôୀଙ୍କୁ ଟିକେଟ ମିଳିବ । ସମ୍ବିତଙ୍କ ବିରୋଧୀଙ୍କୁ ଏକାଠି କରି ବାପି ମଧ୍ୟ ଗୋଟିଚାଳନା କରୁଥିଲେ । କିନ୍ତୁ ଦାମଙ୍କ ମୃତୁ୍ୟ ପରେ ସମ୍ବିତଙ୍କ ପ୍ରତି ସମବେଦନାର ସୁଅ ଛୁଟିଛି । ଦିବଂଗତ ନେତାଙ୍କ ପୁଅଙ୍କୁ ନବୀନ ଟିକେଟ ଦେବାର ବି ନଜିର ରହିଛି । ପ୍ରଥମ ଦଫା ତାଲିକାରେ ସୂର୍ଯ୍ୟ ନାରାୟଣ ପାତ୍ରଙ୍କ ପୁଅ ବିପ୍ଳବ ଓ ମହେଶ୍ୱର ମହାନ୍ତିଙ୍କ ପୁଅ ସୁନୀଲଙ୍କୁ ଟିକେଟ ମିଳିଛି । ତେଣୁ ସମ୍ବିତଙ୍କୁ ଦଳ ଟିକେଟ ଦେବାର ଯଥେଷ୍ଟ ସମ୍ଭାବନା ସୃଷ୍ଟିହୋଇଛି । ଏଭଳି ରାଜନୀତିକ ଚର୍ଚ୍ଚା ଭିତରେ ବାପିଙ୍କର ଏକ ଫୁଲପେଜ୍ ବିଜ୍ଞାପନ ଚର୍ଚ୍ଚା ସୃଷ୍ଟିକରିଛି । ଯେଉଁଥିରେ ଦାମଙ୍କ ପାଇଁ ଅଶ୍ରୁଳ ଶ୍ରଦ୍ଧାଞ୍ଜଳି ଲେଖି ସେ ବିଜ୍ଞାପନ ଦେଇଛନ୍ତି । ଡାକ୍ତର ଦାମୋଦର ରାଉତ ଫାଉଣ୍ଡେସନ ଓ ଟ୍ରଷ୍ଟର ସେ ସଭାପତି ବୋଲି ଉଲ୍ଲେଖ କରିଛନ୍ତି । ହଠାତ ବାପି ସର୍ଖେଲଙ୍କ ନେତୃତ୍ୱରେ ଫାଉଣ୍ଡେସନ ଗଠନକୁ ନେଇ ସାଧାରଣ ଲୋକମାନେ ରାଜନୀତିକ ବାସ୍ନା ବାରୁଛନ୍ତି । ଦାମଙ୍କ ଲୋକପ୍ରିୟତା ଆଳରେ ବାପି କିଛି ରାଜନୀତିକ ଚାଲ ଚଳାଉଥିବା ଚର୍ଚ୍ଚା ହେଉଛି ।
