ଟ୍ରାକ୍ଟର ଓଲଟି ଡ୍ରାଇଭର ମୃତ
Rasmita Behera
5194
ଧର୍ମଶାଳା: ଏହି ଥାନା ନେଉଳପୁର ଠାରେ ଏକ ଟ୍ରାକ୍ଟର ଓଲଟି ଡ୍ରାଇଭରଙ୍କ ମୃତୁ୍ୟ ଘଟିଛି । ମୃତକ ଗଙ୍ଗାଧରପୁର ପଞ୍ଚାୟତ ନୁଆଗାଁ ଗ୍ରାମର ଘନଶ୍ୟାମ ଗାଗରାଇ (୩୬) ହୋଇଥିବା ବେଳେ ଶନିବାର ଅପରାହ୍ନରେ ଟ୍ରାକ୍ଟର ଇଟା ନେଇ ନେଉଳପୁର ପାହାଡ ନିକଟକୁ ଯାଇଥିବା ବେଳେ ଭାରାସାମ୍ୟ ହରାଇ ଓଲଟି ପଡିଥିଲା । ଫଳରେ ଡ୍ରାଇଭର ଘନଶ୍ୟାମ ଗୁରୁତର ହୋଇଥିଲେ । ସ୍ଥାନୀୟ ଲୋକେ ତାଙ୍କୁ ଉଦ୍ଧାର କରି ବଡଚଣା ଡାକ୍ତରଖାନାରେ ଭର୍ତି କରିଥିଲେ । ହେଲେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ଖବର ପାଇ ଧର୍ମଶାଳା ପୁଲିସ ଘଟଣା ସ୍ତଳରେ ପହଁଚି ଦୁର୍ଘଟଣାଗ୍ରସ୍ତ ଟ୍ରାକ୍ଟର ଜବତ କରି ଘଟଣାର ତଦନ୍ତ କରୁଛି ।
