ୟୁଟୁ୍ବ ସାଜିଲା ଗୁରୁ; ସଫଳତା ପାଇଲେ ଛାତ୍ର
Ramachandi Prasad
5862
ଯାଜପୁର: ୟୁଟୁ୍ବ ସାଜିଲା ଗୁୁରୁ । ୟୁଟୁ୍ୟବକୁ ଗୁରୁ କରି ଜଣେ ଛାତ୍ର ସଫଳତା ପାଇବା ସହ ଆଇଆଇଟିରେ ପାଠ ପଢିବା ପାଇଁ ଯୋଗ୍ୟତା ଅର୍ଜନ କରିଛନ୍ତି । ଛାତ୍ର ବିଞ୍ଝାରପୁର ବ୍ଲକ୍ ଅନ୍ତର୍ଗତ ଅରେଇ ପଞ୍ଚାୟତର ଦେବେନ୍ଦ୍ର କୁମାର ପଣ୍ଡାଙ୍କ ପୁଅ ଦିଗରାଜ୍ । ବରୁଣେଶ୍ୱର କଲେଜ୍ରୁ ଉଭୟ +୨ ଏବଂ ୩ ଶେଷ କରିବା ପରେ ଆଇଆଇଟିରେ ପାଠ ପଢିବା ପାଇଁ ଆରମ୍ଭ କରିଥିଲେ ପ୍ରସ୍ତୁତି । ମନୋରଂଜନ ମାଧ୍ୟମ ପାଲଟିଥିବା ୟୁଟୁ୍ୟବ କିନ୍ତୁ ଦିଗରାଜଙ୍କ ପାଇଁ ପାଲଟିଗଲା ଗୁରୁ । କୌଣସି କୋଚିଂ ସେଣ୍ଟର୍ ନୁହେଁ ବରଂ ଘରେ ୟୁଟୁ୍ୟବ ଏବଂ ଅନ୍ୟାନ୍ୟ ଆପ୍ରୁ ପାଠ ପଢ଼ି ଆଇଆଇଟିରେ ପଢିବାକୁ ପାଇଥିଲେ ଯୋଗ୍ୟତା । ଚଳିତ ବର୍ଷ ଆଇଆଇଟି ମାଡ୍ରାସ ଦ୍ୱାରା ପରିଚାଳିତ ହୋଇଥିବା ଜାମ ପ୍ରବେଶିକାରେ ସର୍ବ ଭାରତୀୟ ରାଙ୍କ ୧୭ ହାସଲ କରିଛନ୍ତି ଦିଗରାଜ । ଏହି ଖବର ତାଙ୍କ ପରିବାରରେ ଖୁସି ଆଣିଦେଇଥିବା ବେଳେ ୟୁଟୁ୍ୟବ ତାଙ୍କ ଭାଗ୍ୟ ବଦଳାଇ ଦେଇଥିବା କହିଛନ୍ତି ଦିଗରାଜ୍ ।
