ମୋଦକ ଚୋରି ନେଇ ମିଛ କହୁଛନ୍ତି ବାଡ଼ଗ୍ରାହୀ ?
jagannath
Rasmita Behera
4809
ଭୁବନେଶ୍ୱର : ଶ୍ରୀମନ୍ଦିରକୁ ନେଇ ଏବେ ଅନେକ ବିବାଦୀୟ କଥା ସବୁ ସାମ୍ନାକୁ ଆସିବାରେ ଲାଗିଛି । ବଳଭଦ୍ରଙ୍କ ବାଡ଼ଗ୍ରାହୀ ମହାପ୍ରଭୁଙ୍କ ମୋଦକ ଚୋରି ହୋଇଥିବା ନେଇ ଅଭିଯୋଗ ଆଣିଛନ୍ତି । ୩୩୧ ମୂର୍ତ୍ତି ମୋଦକରୁ ୭୦ଟି କମ୍ କିଭଳି ରହିଲା ବୋଲି ବଳଭଦ୍ରଙ୍କ ବାଡ଼ଗ୍ରାହୀ ପ୍ରଶ୍ନ କରିଛନ୍ତି । ଅପରପକ୍ଷରେ ମୋଦକ ଚୋରି ହୋଇନାହିଁ ବୋଲି ଆଇନ୍ ମନ୍ତ୍ରୀ ପୃଥ୍ୱୀରାଜ ହରିଚନ୍ଦନ କହିଛନ୍ତି । ଏନେଇ ଶ୍ରୀମନ୍ଦିର ମୁଖ୍ୟ ପ୍ରଶାସକ ଅରବିନ୍ଦ ପାଢ଼ୀ ମଧ୍ୟ ପ୍ରତିକ୍ରିୟା ଦେଇଛନ୍ତି । ସେ କହିଛନ୍ତିଯେ, ମୋଦକ ଗଣତି ହୁଏନାହିଁ । ମହାପ୍ରଭୁଙ୍କ ମୋଦକ ଚୋରି ହୋଇନାହିଁ ବୋଲି ପ୍ରାଥମିକ ତଦନ୍ତରୁ ଜଣାପଡ଼ିଛି । ତେବେ ଏନେଇ ପୁଣି ତଦନ୍ତ କରାଯିବ ବୋଲି ସେ କହିଛନ୍ତି ।
ସେହିପରି ମନ୍ତ୍ରୀ ପୃଥ୍ୱୀରାଜ ହରିଚନ୍ଦନ କହିଛନ୍ତିଯେ, ମୋଦକ ଚୋରିକୁ ନେଇ ଏକ ଭ୍ରମ ସୃଷ୍ଟି କରାଯାଉଛି । ଏଥିରେ ସତ୍ୟତା ନଥିବା ଜଣାପଡ଼ିଛି । ସେହିପରି ସିସିଟିଭିରେ ଯାଞ୍ଚ କରାଯିବ ବୋଲି ଜାଣିବାକୁ ମିଳିଛି ।
