ଉଷୁ ପ୍ରତିଯୋଗିତା , ଅନୁଗୁଳକୁ ୧୭ପଦକ
Rasmita Behera
ାା ପ୍ରଭାନୁ୍ୟଜ ।ା ଅନୁଗୁଳ : ଓଡ଼ିଶା ରାଜ୍ୟ ବିଦ୍ୟାଳୟ କ୍ରୀଡା ସଂଗଠନ ଆନୁକୂଲ୍ୟରେ ବଲାଙ୍ଗୀର ସ୍ଥିତ ପୃଥୀରାଜ ଉଚ୍ଚ ବିଦ୍ୟାଳୟ ଠାରେ ୬୮ ତମ ବିଦ୍ୟାଳୟ ସମୂହ ଉଷୁ ପ୍ରତିଯୋଗିତା ୩ ଦିନ ଧରି ଅନୁଷ୍ଠିତ ହୋଇଯାଇଛି । ଏଥିରେ ଅନୁଗୋଳ ଜିଲ୍ଲାରୁ ପ୍ରାୟ ୨୧ ଜଣ ପ୍ରତିଯୋଗୀ ଅଂଶଗ୍ରହଣ କରି ୧୭ଟି ପଦକ ହାସଲ କରିଛନ୍ତି । ୩ ଟି ସ୍ୱର୍ଣ୍ଣ, ୮ଟି ରୌପ୍ୟ ଓ ୬ ଟି କାଂସ୍ୟ । ପ୍ରଥମ କରି ରାଜ୍ୟ ବିଦ୍ୟାଳୟ କ୍ରୀଡାରେ ଉଷୁ ଖେଳଟି ସାମିଲ ହୋଇଥିବାରୁ ଏଥିରେ କ୍ରୀଡାବିତ୍ ମାନଙ୍କର ଆଗ୍ରହ ବଢ଼ିଛି । ରାଜ୍ୟରେ ଅନୁଗୋଳ ୨ୟ ସ୍ଥାନ ଅଧିକାର କରିଥିବାରୁ ଜିଲ୍ଲାପାଳ, ଜିଲ୍ଲା ଶିକ୍ଷା ଅଧିକାରୀ, ଜିଲ୍ଲା କ୍ରୀଡା ଅଧିକାରୀ, ଶାରୀରିକ ଶିକ୍ଷା ଅଧିକାରୀ ଓ କ୍ରୀଡାବିତ୍ମାନେ ପ୍ରଶଂସା କରିବା ସହିତ ପିଲାମାନଙ୍କର ଭବିଷ୍ୟତ ଉଜ୍ୱଳ କାମନା କରିଛନ୍ତି । ଏଥି ସହିତ ଜିଲ୍ଲା କ୍ରୀଡା ଅଧିକାରୀ ଅକ୍ଷୟ କୁମାର ସିଠ, କ୍ରୀଡା ଶିକ୍ଷକ ଦୋଳ ଗୋବିନ୍ଦ ଦଳେଇ, ଦୁଷ୍ମତ ସାହୁ, କୋଚ ଚିତ୍ତରଞ୍ଜନ ମହନ୍ତ ଇତ୍ୟାଦି ରେଲୱେ ଷ୍ଟେସନ ଯାଇ କ୍ରୀଡାବିତ୍ ମାନଙ୍କୁ ସ୍ୱାଗତ ସମ୍ବର୍ଦ୍ଧନା ଜଣାଇଥିଲେ ।
