ଓଏଏସ୍ କୃତିତ୍ୱ ଅମ୍ବିକାଙ୍କୁ ସମ୍ବର୍ଦ୍ଧନା
Rasmita Behera
ାା ପ୍ରଭାନୁ୍ୟଜ ।ା ବାଲେଶ୍ୱର: ସଫଳତା ପାଇଁ କଠିନ ପରିଶ୍ରମ ବିନା ଅନ୍ୟ କୌଣସି ସହଜ ମାର୍ଗ ନାହିଁ । ସମୟ ନିଷ୍ଠ ଓ ନିୟମନିଷ୍ଠ ହୋଇ ନିୟମିତ ଅଧ୍ୟୟନରେ ବ୍ରତୀ ରହିଲେ ଡେରିରେ ହେଲେ ବି ସଫଳତା ନିଶ୍ଚିତ ରୂପେ ଧରାଦିଏ ବୋଲି ଚଳିତ ବର୍ଷ ଓଏଏସ୍ ପରୀକ୍ଷାରେ ୨୧ ନମ୍ବର ସ୍ଥାନରେ ରହି ସଫଳତା ଅର୍ଜନ କରିଥିବା ଅମ୍ବିକା ଭୂୟାଁ ତାଙ୍କ ପ୍ରତିକ୍ରିୟାରେ କହିଛନ୍ତି । ସାମାଜିକ ସଂଗଠନ ମାନବ ଅଧିକାର ସୁରକ୍ଷା ସଂସଦ(ମାସ୍) ପକ୍ଷରୁ ଅମ୍ବିକାଙ୍କୁ ଦିଆଯାଇଥିବା ସମ୍ବର୍ଦ୍ଧନାର ଉତ୍ତର ଦେଇ ସେ ତାଙ୍କ ସଫଳତାର ଶ୍ରେୟ ନିଜ ବାପାମାଆ, ଶିକ୍ଷକଙ୍କୁ ଦେଇଥିବାବେଳେ ଈଶ୍ୱରଙ୍କର ଓ ଗୁରୁଜନମାନଙ୍କର ଆଶୀର୍ବାଦ ହିଁ ତାଙ୍କୁ ଏହି ସଫଳତା ଆଣିଦେଇଛି ବୋଲି ସେ କହିଛନ୍ତି । ଆଜିମାବାଦ ସ୍ଥିତ ବହିଘର ଲାଇବ୍ରେରୀ ଠାରେ ମାସ୍ର ସଭାପତି ଅଭୟ ଦାସଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ସମ୍ବର୍ଦ୍ଧନା ସଭାରେ ଅମ୍ବିକାଙ୍କ ବାପା ଗୋପିନାଥପୁରର ପଞ୍ଚାୟତ ହାଇସ୍କୁଲର ପ୍ରଧାନଶିକ୍ଷକ ତଥା ଶିକ୍ଷକନେତା ହରିପଦ ଭୂୟାଁ ଏବଂ ତାଙ୍କ ବଡ଼ଭାଇ ଊମାଶଙ୍କର ଭୂୟାଁ ବକ୍ତବ୍ୟ ପ୍ରଦାନ କରିଥିଲେ । ଏହି କାର୍ଯ୍ୟକ୍ରମରେ କବି ଡକ୍ଟର କାଳୀପଦ ପଣ୍ଡା, ରନôାକାର ଟାଉନ୍ ହାଇସ୍କୁଲର ପ୍ରଧାନଶିକ୍ଷକ ବିନୋଦ ବିହାରୀ ପଣ୍ଡା, ସାହିତି୍ୟକ ରମେଶ ଜେନା, ଶିବଶଙ୍କର ସାହୁ, ଯତୀନ୍ଦ୍ର ପୁହାଣ, ମାସ୍ର କୋଷାଧ୍ୟକ୍ଷ ଦିଲ୍ଲୀପ ଦାସ, ସଦସ୍ୟ ବିଜୟ ଦାସ ଅଧିକାରୀ, ମଞ୍ଜୁଲତା ବଳ, ପ୍ରଣିତା ମିଶ୍ର, ଚିତ୍ତରଞ୍ଜନ ଦାସ, ନିକୁଞ୍ଜ କିଶୋର ମହାନ୍ତି, ଅଶୋକ କୁମାର ଦାସ, ଲଳିତ ଦାସ, ଓମ୍ ପ୍ରୟାସ, ରବୀନ୍ଦ୍ର ଦାଶ, ବିଦ୍ୟାଧର ସେଠୀ, ମିନତୀ ଦାସ, ସୀତାନାଥ ଦାସ , ଜୁମର ପାତ୍ର ଓ ଅଧ୍ୟାପିକା ରାଜଶ୍ରୀ ପ୍ରମୁଖ ଉପସ୍ଥିତ ରହି ସମ୍ବର୍ଦ୍ଧନା ଓ ଆଶୀର୍ବଚନ ପ୍ରଦାନ କରିଥିଲେ । ଶେଷରେ ସଂଗଠନର ସାଧାରଣ ସଂପାଦକ ଦେବାଶିଷ ପଣ୍ଡା ଧନ୍ୟବାଦ ଅର୍ପଣ କରିଥିଲେ ।
