ନିର୍ବାଚନୀ ଇସ୍ତାହାରକୁ ନେଇ ଖୁସି
Rasmita Behera
ବାଲିଅନ୍ତା: ଗଡ଼ଶ୍ରୀରାମପୁର ସ୍ଥିତ ବିଜେଡି କାର୍ଯ୍ୟାଳୟରେ ଗୁରୁବାର ଦଳୀୟ ଇସ୍ତାହାର ପ୍ରସଙ୍ଗ ଘୋଷଣା ଅବସରରେ କର୍ମୀ ସମାବେଶ ଅନୁଷ୍ଠିତ ହୋଇଯାଇଛି । ଜୟଦେବ ନିର୍ବାଚନମଣ୍ଡଳୀ ସଂଗଠକ କମଳ କୁମାର ପାତ୍ର ( ଚନ୍ଦନ )ଙ୍କ ସଭାପତିତ୍ୱରେ ଦଳୀୟ ବିଧାୟକ ପ୍ରାର୍ଥୀ ନବ କିଶୋର ମଲ୍ଲିକ ଏବଂ ଭୁବନେଶ୍ୱର ସାଂସଦ ପ୍ରାର୍ଥୀ ମନ୍ମଥ ରାଉତରାୟଙ୍କୁ ଶଙ୍ଖ ଚିହ୍ନରେ ଭୋଟ ଦେବାକୁ ସମବେତ ନେତୃବୃନ୍ଦ ବକ୍ତବ୍ୟ ଦେଇଥିଲେ । ଅନ୍ୟମାନଙ୍କ ମଧ୍ୟରେ ବାଲିଅନ୍ତା ବ୍ଲକ ବିଜେଡି ସଭାପତି ପ୍ରଦୀପ୍ତ ଜେନାମଣି, ବାଲିପାଟଣା ସଭାପତି କିଶୋର ଜେନା, ବାଲିପାଟଣା ବ୍ଲକ ଅଧ୍ୟକ୍ଷା ହରପ୍ରିୟା ଦାଶ, ବାଲିଅନ୍ତା ବ୍ଲକ ଅଧ୍ୟକ୍ଷା ବାସନ୍ତୀ ଖଟୁଆ, ଉପାଧ୍ୟକ୍ଷା ଇତିଶ୍ରୀ ଜେନା,୬ଟି ଜୋନର ଜିଲ୍ଲା ପରିଷଦ ସଭ୍ୟ, ପୂର୍ବତନ ବ୍ଲକ ସଭାପତି ଅଚ୍ୟୁତା ନନ୍ଦ ପାତ୍ର,ଜିଲ୍ଲା ପରିଷଦ ଉପାଧ୍ୟକ୍ଷ ଶରତ ଚନ୍ଦ୍ର ପଟ୍ଟନାୟକଙ୍କ ସମେତ ବହୁ ଛାମୁଆ ନେତୃବୃନ୍ଦ ଯୋଗ ଦେଇଥିଲେ । ସରକାରୀ ·କିରି, ନିଯୁକ୍ତି, ସ୍କୁଲ କଲେଜ ଛାତ୍ରଛାତ୍ରୀ ବୃତ୍ତି, ୧୦୦ ୟୁନିଟ ପିଛା ମାଗଣା ବିଦ୍ୟୁତ ଯୋଗାଣ, ବିଜୁ ସ୍ୱାସ୍ଥ୍ୟ କାର୍ଡ ଜରିଆରେ ଦୀର୍ଘ ମିଆଦି ରିହାତି ଋଣ ଯୋଜନା, ମିଶନ ଶକ୍ତି ଋଣ, ସାମାଜିକ ନିରାପତ୍ତା ଯୋଜନା, ଦେଢ଼ ଲକ୍ଷ ପର୍ଯ୍ୟନ୍ତ କୃଷିଋଣ ଛାଡ଼ ଆଦି ଦଳୀୟ ଇସ୍ତାହାରକୁ ସ୍ୱାଗତ ଜଣାଇଥିଲେ ।
