ଭିନ୍ନକ୍ଷମ ବ୍ୟକ୍ତିଙ୍କ କଙ୍କାଳ ଉଦ୍ଧାର
Rasmita Behera
ବ୍ରହ୍ମପୁର: ଗତ ୨୭ ଦିନ ତଳେ ଘରୁ ନିଖୋଜ ହୋଇଯାଇଥିବା ଜଣେ ଭିନ୍ନକ୍ଷମ ବ୍ୟକ୍ତିଙ୍କ ସାଇକେଲ୍ ଏବଂ ନର କଙ୍କାଳ ଉଦ୍ଧାର ହେବା ଘଟଣା ଅଞ୍ଚଳରେ ଚାଞ୍ଚଲ୍ୟ ଖେଳାଇ ଦେଇଛି । ସୂଚନା ପ୍ରକାରେ ବେଲଗୁଣ୍ଠା ବ୍ଲକ୍ ଶାସନ ପଞ୍ଚାୟତ ଅନ୍ତର୍ଗତ ନୁଣିପଡା ଗ୍ରାମର ରଙ୍କନିଧି ସ୍ୱାଇଁ (୫୦) ନାମକ ଜଣେ ବ୍ୟକ୍ତି ଘରୁ ନିଖୋଜ ହୋଇଯାଇଥିଲେ । ଅଞ୍ଚଳର ଜଣେ ଗାଈ ଚରାଳି ବିଞ୍ଚଣା ଠାରୁ ବଡ଼ ବୋର୍ସିଂ ଯିବା ରାସ୍ତା ଠାରୁ କିଛି ଦୂରରେ ରଙ୍କନିଧିଙ୍କ ସାଇକେଲ୍ ଏବଂ ସାଇକେଲ୍ ଠାରୁ କିଛି ଦୂରରେ ନର କଙ୍କାଳ ପଡିଥିବା ଦେଖି ଗାଆଁରେ ଖବର ଦେଇଥିଲା ଓ ଖବର ପାଇ ଘଟଣା ସ୍ଥଳକୁ ରଙ୍କନିଧିଙ୍କ ପରିବାର ଲୋକ ଯାଇ ରଙ୍କନିଧିଙ୍କ ସାଇକେଲ୍ ଏବଂ କଙ୍କାଳ ପାଖରେ ପଡିଥିବା ରଙ୍କନିଧିଙ୍କ ଲୁଗାପଟାରୁ ନର କଙ୍କାଳଟି ରଙ୍କନିଧିର ବୋଲି ଚିହ୍ନଟ କରିଥିଲେ । ଖବର ପାଇ ଘଟଣା ସ୍ଥଳରେ ପୁଲିସ୍ ଏବଂ ସାଇଣ୍ଟିଫିକ୍ ଟିମ୍ ପହଞ୍ଚି ସେଠାରେ ପଡିଥିବା ନର କଙ୍କାଳକୁ ଜବତ କରି ଫରେନ୍ସିକ୍ ଲ୍ୟାବ କୁ ପଠାଇଛନ୍ତି । ରିପୋର୍ଟ ଆସିବା ପରେ ରଙ୍କନିଧିଙ୍କ ମୃତୁ୍ୟର ପ୍ରକୃତ ରହସ୍ୟ ଜଣାପଡିବ ।
