ଜୋତା ଭିତରେ ଥିଲା ସାପ : ଇଞ୍ଜିନିୟର ମୃତ

Sep 3, 2025 - 16:04

5886

ବେଙ୍ଗାଲୁର: ଜୋତା ଭିତରେ ଥିଲା ସାପ । ଜୋତା ପିନ୍ଧିବା କ୍ଷଣି ସାପ ଚୋଟ ମାରିଥିଲା । ଫଳରେ ଜଣେ ଯୁବ ସଫ୍ଟୱେୟାର ଯନ୍ତ୍ରୀ ମଞ୍ଜୁ ପ୍ରକାଶଙ୍କର ମୃତୁ୍ୟ ଘଟିଛି । ପୁଲିସର ପ୍ରାରମ୍ଭିକ ଅନୁସନ୍ଧାନ ଅନୁଯାୟୀ, ଜୋତା ଭିତରେ ଏକ ସାପ ଗୁଡ଼େଇ ହୋଇ ରହିଯାଇଥିଲା । ଫଳରେ ତା’ ଭିତରେ ସାପ ରହିଛି ବୋଲି ସେ ଜାଣିପାରିନଥିଲେ । ଜୋତା ପିନ୍ଧିବା ବେଳେ ସାପ ତାଙ୍କୁ ଚୋଟ ମାରିଥିଲା । ତା’ପରେ ସେ ଶୋଇ ପଡ଼ିଥିଲେ । ତେବେ ସକାଳେ ତାଙ୍କ ବନ୍ଧୁ ଜୋତା ଭିତରେ ଏକ ସାପ ମରି ପଡ଼ିଥିବା ଦେଖିବାକୁ ପାଇଥିଲେ । ତୁରନ୍ତ ସେ ପରିବାରବର୍ଗଙ୍କୁ ଡାକି ମଞ୍ଜୁଙ୍କୁ ଉଠାଇବାକୁ ଚେଷ୍ଟା କରିଥିଲେ । ହେଲେ ପରେ ସେ ମୃତୁ୍ୟ ବରଣ କରିଥିବା ଜଣାପଡ଼ିଥିଲା । ମଞ୍ଜୁଙ୍କର ଗୋଟିଏ ଗୋଡ଼ ଦୁର୍ଘଟଣାକାରଣରୁ ବଧିର ହୋଇଯାଇଥିବାରୁ ସେ ସାପ ଚୋଟ ଓ ଯନ୍ତ୍ରଣା ସମ୍ପର୍କରେ ଜାଣିପାରିନଥିବା କୁହାଯାଉଛି । ଅପରପକ୍ଷରେ କାଳେ ତାଙ୍କ ମୃତୁ୍ୟର ଅନ୍ୟ କୌଣସି କାରଣ ଥିବ ସେଥିପାଇଁ ପୁଲିସ୍ ତଦନ୍ତ ଜୋରଦାର କରିଛି ।