ଜଟିଳ ଟ୍ରାଫିକ୍ ସମସ୍ୟା, ଯାତାୟତା ବାଧାପ୍ରାପ୍ତ

 ସାଲେପୁରରୁ ସୁଜିତ ଭୂୟାଁ : ସାଲେପୁର ଅଞ୍ଚଳରେ ଦିନକୁ ଦିନ ଟ୍ରାଫିକ୍ ସମସ୍ୟା ଜଟିଳ ହେଉଛି । ପ୍ରଶାସନ ଏ ଦିଗରେ କୌଣସି ପଦକ୍ଷେପ ଗ୍ରହଣ କରୁନଥିବାରୁ ସନ୍ଧ୍ୟା ହେଲେ ସାଲେପୁର ବଜାରରେ ଜରୁରୀକାଳୀନ ଯାନବାହନ ଯାତାୟତରେ ଘୋର ବାଧା ସୃଷ୍ଟି ହେଉଛି । ରାସ୍ତାର ଉଭୟ ଉପରେ ଚାରିଚକିଆ ଯାନ ଠାରୁ ଆରମ୍ଭ କରି ଦୁଇଚକିଆ ଯାନ ରଖି ଲୋକମାନେ ରାସ୍ତାକଡ଼ରେ ଥିବା ଦୋକାନରୁ ବିଭିନ୍ନ ପ୍ରକାର ସାମଗ୍ରୀ କ୍ରୟ କରିବାକୁ ଯାଉଥିବାବେଳେ ରାସ୍ତା ଉପରେ ଘଣ୍ଟା ଘଣ୍ଟା ଧରି ଠିଆ ହୋଇ ରହୁଥିବା ଗାଡ଼ି ଯୋଗୁଁ ଟ୍ରାଫିକ୍ ସମସ୍ୟା ସୃଷ୍ଟି ହେଉଛି । ପୁଲିସ ସବୁ ଦେଖି ନ ଦେଖିଲା ଭଳି ଅଭିନୟ କରୁଛି । ସାଲେପୁର ବଜାରରେ ନିୟମିତ ସନ୍ଧ୍ୟା ହେଲେ ମାଛୁଆତି ଠାରୁ ଥାନା ଛକ ପର୍ଯ୍ୟନ୍ତ ବଜାରଟି ଜାମ୍ ରହୁଛି । ଫଳରେ ଏହି ୫୦୦ମିଟର ରାସ୍ତା ପାର ହେବା ପାଇଁ ପ୍ରାୟ ୨ଘଣ୍ଟାରୁ ଊଦ୍ଧ୍ୱର୍ ସମୟ ଲାଗୁଛି । ସାଲେପୁରରେ ଟ୍ରାଫିକ୍ ସମସ୍ୟା ଯୋଗୁଁ ଆମ୍ବୁଲାନ୍ସ ଠାରୁ ଆରମ୍ଭ କରି ଦମକଳ ଗାଡ଼ି ରାସ୍ତା ଜାମ୍ରେ ପଡି ଘଣ୍ଟା ଘଣ୍ଟା ଧରି ଅଟକି ରହୁଛି । ରାସ୍ତାର ଉଭୟ ପାଶ୍ୱର୍ରେ ଓ ରାସ୍ତା ଉପରେ କାର ମୋଟର ସାଇକେଲ୍ ଗୁଡିକ ପାର୍କିଂ କରିବା ଯୋଗୁଁ ଏହିଭଳି ସମସ୍ୟା ସୃଷ୍ଟି ହେଉଥିବାରୁ ଉକ୍ତ ରାସ୍ତାରେ ଭାରିଯାନ ଚଳାଚଳ ପାଇଁ ରୋକ ଲାଗିଥିଲେ ମଧ୍ୟ ନିୟମିତ ଶହ ଶହ ସଂଖ୍ୟକ ଆଇରନ୍ ଟ୍ରକ୍ ଠାରୁ ଆରମ୍ଭ କରି ବଡ଼ ବଡ଼ ଟ୍ରଲର ଉକ୍ତ ରାସ୍ତା ଦେଇ ଯାତାୟତ କରୁଥିବାରୁ ରାସ୍ତା ଜାମ୍ ହୋଇ ଟ୍ରାଫିକ୍ ସମସ୍ୟା ଦ୍ୱିଗୁଣିତ ହେଉଛି । ପୁଲିସ ପ୍ରଶାସନ ପକ୍ଷରୁ ସାଲେପୁରରେ ନିୟମିତ  ଦେଖାଦେଉଥିବା ଟ୍ରାଫିକ୍ ସମସ୍ୟାକୁ ସୁଧାରିବା ପାଇଁ କୌଣସି ପଦକ୍ଷେପ ଗ୍ରହଣ କରାଯାଉନାହିଁ । ଫଳରେ କେତେକ ଅମାନିଆ ବେପରୁଆ ଭାବେ ରାସ୍ତାର ଉଭୟ ପାଶ୍ୱର୍ରେ ଦୁଇଚକିଆ ଓ ଚାରିଚକିଆ ଯାନ ମନଇଚ୍ଛା ପାର୍କିଂ କରି ଘଣ୍ଟା ଘଣ୍ଟା ଧରି କୁଆଡେ ପଳାଇଯାଉଛନ୍ତି । ଫଳରେ ଏହି ସବୁ ସମସ୍ୟା ପାଇଁ ଦିନକୁ ଦିନ ସାଲେପୁର ଅଞ୍ଚଳରେ ଟ୍ରାଫିକ୍ ସମସ୍ୟା ବୃଦ୍ଧି ପାଇବାରେ ଲାଗିଛି । ବିଭାଗୀୟ ଉଚ୍ଚ କର୍ତ୍ତୃପକ୍ଷ ଏ ଦିଗରେ ଦୃଷ୍ଟି ଦେଇ ପ୍ରତିଦିନ ସନ୍ଧ୍ୟାରେ ସାଲେପୁର ସହରରେ ସୃଷ୍ଟି ହେଉଥିବା ଟ୍ରାଫିକ୍ ସମସ୍ୟାର ସୁଧାର ଆଣିବା ପାଇଁ ସାଲେପୁର ଅଞ୍ଚଳବାସୀଙ୍କ ପକ୍ଷରୁ ଦାବି ହେଉଛି ।