ଖାଲି ପେଟରେ ହଳଦୀ ପାଣି ପିଇଲେ ମିଳିଥାଏ ଲାଭ

ସକାଳେ ଖାଲି ପେଟରେ ଖାଉଥିବା କିମ୍ବା ପିଉଥିବା ଖାଦ୍ୟ ଆପଣଙ୍କ ସ୍ବାସ୍ଥ୍ୟ ପ୍ରତି କିପରି ହେବ ତାହା ନିର୍ଣ୍ଣୟ କରେ। ଯଦି ଆପଣ ଖାଲି ପେଟରେ ସୁସ୍ଥ ଖାଦ୍ୟ ଖାଆନ୍ତି, ତେବେ ଆପଣ ସାରା ଦିନ ଆକ୍ଟିଭ୍‌ ରହିବେ। ଯଦି ଜଙ୍କଫୁଡ୍‌ କିମ୍ବା ଅସ୍ବାସ୍ଥ୍ୟକର ଖାଦ୍ୟ ସହିତ ଆପଣ ଦିନଚର୍ଯ୍ୟା ଆରମ୍ଭ କରନ୍ତି, ତେବେ ତୁରନ୍ତ  ରୋଗ ମାଡ଼ିଆସିବ। ଏପରି ସ୍ଥିତିରେ ଖାଲି ପେଟରେ ହଳଦୀ ପାଣି ପିଇବା ବହୁତ ଲାଭଦାୟକ ହୋଇଥାଏ।

ହଳଦୀ ହେଉଛି ଭାରତୀୟ ରୋଷେଇ ଘରେ ବ୍ୟବହୃତ ହେଉଥିବା ଏକ ସାଧାରଣ କିନ୍ତୁ ବହୁତ ଶକ୍ତିଶାଳୀ ମସଲା। ଏଥିରେ ଥିବା କରକ୍ୟୁମିନ ଏକ ଆଣ୍ଟିଅକ୍ସିଡାଣ୍ଟ, ପ୍ରଦାହ-ରୋଧକ ଏବଂ ରୋଗ ପ୍ରତିରୋଧକ ଶକ୍ତି ବୃଦ୍ଧିକାରୀ ବୋଲି ବିବେଚନା କରାଯାଏ। ବିଶେଷକରି ଯେତେବେଳେ ହଳଦୀକୁ ସକାଳେ ଖାଲି ପେଟରେ ଉଷୁମ ପାଣି ସହିତ ପିଇଥାନ୍ତି ଏହାର ଲାଭ ଆହୁରି ବଢ଼ିଯାଏ। ଆୟୁର୍ବେଦ ଏବଂ ବିଜ୍ଞାନ ଉଭୟ କୁହନ୍ତି ଯେ, ହଳଦୀ ପାଣି ସ୍ବାସ୍ଥ୍ୟ ପାଇଁ ଅନେକ ଉପାୟରେ ଲାଭଦାୟକ ହୋଇପାରେ। ଆୟୁର୍ବେଦ ବିଭାଗର ମୁଖ୍ୟ ଡାକ୍ତର ଏହାର ଉପାଦେୟ ବିଷୟରେ କହିଛନ୍ତି।

ହଳଦୀ ସହିତ ଉଷୁମ ପାଣି ଶରୀରରୁ ବିଷାକ୍ତ ଉପାଦାନ ବାହାର କରିବାରେ ସାହାଯ୍ୟ କରେ। ଏହା ଲିଭରକୁ ସଫା କରିବାରେ ସାହାଯ୍ୟ କରେ ଏବଂ ମେଟାବୋଲିଜିମକୁ ମଧ୍ୟ ସକ୍ରିୟ ରଖେ। ସକାଳେ ଏହାକୁ ପିଇବା ଦ୍ୱାରା ଆପଣ ସାରା ଦିନ ହାଲୁକା ଅନୁଭବ କରନ୍ତି।ହଳଦୀରେ ଥିବା ଗୁଣ ପାଚନ ଏନ୍‌ଜାଇମକୁ ସକ୍ରିୟ କରେ, ଯାହା ଖାଦ୍ୟକୁ ଶୀଘ୍ର ଏବଂ ସଠିକ ଭାବରେ ହଜମ କରିବାରେ ସାହାଯ୍ୟ କରେ। ଏହା ଗ୍ୟାସ, କୋଷ୍ଠକାଠିନ୍ୟ, ଏସିଡିଟି ଭଳି ସମସ୍ୟାରେ ଆରାମ ପ୍ରଦାନ କରେ ଏବଂ ଅନ୍ତନଳୀକୁ ସଫା କରିବାରେ ମଧ୍ୟ ସାହାଯ୍ୟ କରେ।ହଳଦୀରେ ଥିବା କରକ୍ୟୁମିନ ଶରୀରର ରୋଗ ପ୍ରତିରୋଧକ ଶକ୍ତିକୁ ମଜବୁତ କରେ। ଏହା ବ୍ୟାକ୍ଟେରିଆ ଏବଂ ଭାଇରସ ସହିତ ଲଢ଼ିବାରେ ସାହାଯ୍ୟ କରେ। ପ୍ରତିଦିନ ହଳଦୀ ପାଣି ପିଇବା ଥଣ୍ଡା ଏବଂ କାଶ ଭଳି ଋତୁକାଳୀନ ରୋଗକୁ ରୋକେ।ହଳଦୀ ମେଟାବୋଲିଜିମକୁ ତ୍ୱରାନ୍ବିତ କରେ ଏବଂ ଚର୍ବି କୋଷଗୁଡ଼ିକୁ ଜମା ହେବାରୁ ରୋକେ। ଉଷୁମ ପାଣି ଏବଂ ଲେମ୍ବୁ ସହିତ ସେବନ କଲେ, ଏହା ପେଟର ଚର୍ବି ହ୍ରାସ କରିବାରେ ମଧ୍ୟ ସାହାଯ୍ୟ କରିପାରେ।

ହଳଦୀର ଆଣ୍ଟିଅକ୍ସିଡାଣ୍ଟ ଗୁଣ ଶରୀରରେ ମୁକ୍ତ ରାଡିକାଲ୍ସ ସହିତ ଲଢ଼ିଥାଏ, ଯାହା ଚର୍ମକୁ ଚମକଦାର ରଖେ। ଏହା ବ୍ରଣ ଏବଂ ଦାଗ ଦୂର କରିବାରେ ମଧ୍ୟ ସାହାଯ୍ୟ କରେ। ଚର୍ମ ପ୍ରାକୃତିକ ଭାବରେ ଚମକଦାର ହେବାରେ ଲାଗେ।କିଛି ଗବେଷଣାରୁ ଜଣାପଡ଼ିଛି ଯେ, ହଳଦୀର ନିୟମିତ ସେବନ ବ୍ଲଡ୍‌ ସୁଗାର ଲେବଲକୁ ସନ୍ତୁଳିତ କରେ ଏବଂ ଖରାପ କୋଲେଷ୍ଟରଲ  ହ୍ରାସ କରିବାରେ ସାହାଯ୍ୟ କରେ। ଏହା ଡାଇବେଟିସ୍‌ ରୋଗୀଙ୍କ ପାଇଁ ଲାଭଦାୟକ ହୋଇପାରେ।

କିପରି ପ୍ରସ୍ତୁତ କରିବେ ହଳଦୀ ପାଣି?
ଏକ କପ୍‌ ଉଷୁମ ପାଣିରେ ଅଧ ଚାମଚ ହଳଦୀ ପାଉଡର (ଜୈବିକ) ମିଶାନ୍ତୁ। ଯଦି ଆପଣ ଚାହାନ୍ତି, ତେବେ ଆପଣ ଲେମ୍ବୁ ରସ୍‌ ଏବଂ ଚିମୁଟାଏ କଳା ଗୋଲମରିଚ ମଧ୍ୟ ମିଶାଇ ପାରିବେ (କଳା ଗୋଲମରିଚ କରକ୍ୟୁମିନର ପ୍ରଭାବକୁ ବୃଦ୍ଧି କରେ)। ଏହା ବ୍ୟତୀତ, କଞ୍ଚା ହଳଦୀକୁ ପାଣିରେ ଭଲ ଭାବରେ ମିଶାନ୍ତୁ। ଏହାକୁ କିଛି ମିନିଟ ପାଇଁ ଫୁଟାନ୍ତୁ ଏବଂ ଥଣ୍ଡା କରନ୍ତୁ। ଏହାକୁ ଛାଣି ପିଅନ୍ତୁ। ସକାଳେ ଖାଲି ପେଟରେ ଏହାକୁ ଧିରେ ଧିରେ ପିଇବା ଉଚିତ୍‌। ଖାଇବାର ଅତି କମ୍‌ରେ ୩୦ ମିନିଟ୍‌ ପୂର୍ବରୁ ପିଅନ୍ତୁ। ଯେଉଁମାନଙ୍କର ହଳଦୀ ପ୍ରତି ଆଲର୍ଜି ରହିଛି ସେମାନେ ଡାକ୍ତରଙ୍କ ପରାମର୍ଶ କରିବା ଜରୁରୀ ଅଟେ।