ଅଖଣ୍ଡ ଚେତନା ଯଜ୍ଞ ଉତ୍ସବ
Rasmita Behera
5925
ବାଙ୍କୀ: ଡମପଡ଼ା ବ୍ଲକ ଅନ୍ତର୍ଗତ କୁଶପଙ୍ଗି ଗ୍ରାମର ପ୍ରସିଦ୍ଧ ଅନାହତ ଗୁମ୍ଫା ଠାରେ ମା’ଭୂମାଦେବୀଙ୍କ ପୀଠରେ ୧୭ତମ ଅଖଣ୍ଡ ଚେତନା ଧ୍ୱନୀ ଯଜ୍ଞ ଓ ବାର୍ଷିକ ଉତ୍ସବ ଅନୁଷ୍ଠିତ ହୋଇଯାଇଛି । ୩ଦିନ ବ୍ୟାପୀ ଏହି ଉତ୍ସବ ଆମ ପରିବାର ଚକ୍ରର ପ୍ରତିଷ୍ଠାତା କୁମାର ଅମୀୟଙ୍କ ତତ୍ତ୍ୱାବଦାନରେ ଭଜନ, ସଂକୀର୍ତ୍ତନ ଓ ହୋମଯଜ୍ଞ ପ୍ରଭୃତି ଅନୁଷ୍ଠିତ ହୋଇଥିଲା । ଉତ୍ସବରେ ସମ୍ମାନିତ ଅତିଥି ଭାବେ ଶିକ୍ଷାବିତ୍ ପ୍ରାଧ୍ୟାପକ ମନୋଜ କୁମାର ମହାପାତ୍ର, ସାମାଜିକ କର୍ମୀ ଅକ୍ଷୟ କୁମାର ସାମଲ, କବି ଲଲାଟେନ୍ଦୁ ପଣ୍ଡା, କବି ବଂଶୀଧର ମହାପାତ୍ର ପ୍ରମୁଖ ବହୁ ବ୍ୟକ୍ତି ଯୋଗଦାନ କରି ଉତ୍ସବର ସଫଳତା କାମନା କରିଥିଲେ । ଏହି ଅବସରରେ ଚାରଣଗୋଷ୍ଠୀ ବାଙ୍କୀର ସମ୍ପାଦକ ଅଶୋକ କୁମାର ଗିରିଙ୍କ ନେତୃତ୍ୱରେ ଭଜନ ପରିବେଷଣ କରାଯାଇଥିଲା ।
