କଳିଙ୍ଗ ବିହାରରୁ ୨ ବେପାରୀ ଗିରଫ ; ୩ କେଜି ଗଞ୍ଜେଇ ଜବତ
Jitendra Sahu
ଭୁବନେଶ୍ୱର, ୧୬ା୪ : ବୁଲେଟରେ ଆସି କଳିଙ୍ଗ ବିହାର ଷ୍ଟେଟ୍ ବ୍ୟାଙ୍କ ଛକରେ କିଛି ଲୋକଙ୍କୁ ବେଆଇନ୍ ଗଞ୍ଜେଇ ବିକ୍ରି କରୁଥିବା ସମୟରେ ଦୁଇ ବେପାରୀଙ୍କୁ ମାଡି ବସିଲା ତମାଣ୍ଡୋ ଥାନା ପୁଲିସ । ପରେ ସେମାନଙ୍କ ତଲାସି ବେଳେ ସେମାନଙ୍କ ଠାରୁ ୩ କେଜି ଗଞ୍ଜେଇ, ୨ଟି ମୋବାଇଲ ଓ ଏକ ବୁଲେଟ୍ ଜବତ କରାଯାଇଛି । ଗିରଫ ୨ ଅଭିଯୁକ୍ତ ହେଲେ, ତମାଣ୍ଡୋ ସିଜୁପୁଟ୍ ଅଞ୍ଚଳର ବିପର୍ ସ୍ୱାଇଁ ଓ ରୀତିକେସନ ପ୍ରଧାନ ।
ସୂଚନାଯୋଗ୍ୟ ଯେ, ମଙ୍ଗଳବାର ସକାଳୁ ୨ ଜଣ ଗଞ୍ଜେଇ ବେପାରୀ ଏକ ବୁଲେଟରେ କଳିଙ୍ଗ ବିହାର ନିକଟ ଷ୍ଟେଟ୍ ବ୍ୟାଙ୍କ ଛକରେ କିଛି ଲୋକାଲ ବେପାରୀଙ୍କୁ ଗଞ୍ଜେଇ ବିକ୍ରି କରୁଥିବା ଖବର ତମାଣ୍ଡୋ ଥାନା ଅଧିକାରୀ ଜାଣିବାକୁ ପାଇଥିଲେ । ଖବର ପାଇବା ପରେ ଥାନାର ଏକ ଟିମକୁ ଘଟଣା ସ୍ଥଳକୁ ପଠାଇ ଅଚାନକ ଚଢ଼ାଉ କରି ୨ ବେପାରୀଙ୍କୁ ମାଡି ବସିଥିଲେ । ପରେ ସେମାନଙ୍କୁ ଥାନାକୁ ନେଇ ଥାନା କେସ ନମ୍ବର ୧୫୦ରେ ମାମଲା ରୁଜୁକରି ଏନଡିପିଏସ୍ ଆକ୍ଟରେ କୋର୍ଟ ଚାଲାଣ କରାଯାଇଛି । ଏମାନେ କନ୍ଧମାଳରୁ ଗଞ୍ଜେଇ ଆଣି ଏଠାରେ ଲୁଚାଇ ରଖିବା ସହ କିଛି କିଛି କରି ଲୋକଙ୍କୁ ବିକ୍ରି କରୁଥିବା ପୁଲିସ ଜାଣିବାକୁ ପାଇଛି ।
