କାର୍ଗୋ ରୋପୱେ ଛିଣ୍ଡି ୬ ମୃତ
Rasmita Behera
ଗୁଜରାଟର ପଞ୍ଚମହଲ ଜିଲ୍ଲା ପାୱାଗଡ଼ ପାହାଡ଼ରେ ଥିବା ମନ୍ଦିର ନିର୍ମାଣ ପାଇଁ ତିଆରି ହୋଇଥିବା ରୋପୱେ ତାର ଛିଣ୍ଡି ଯାଇଛି । ଏଥିରେ ୬ ଜଣଙ୍କର ମୃତୁ୍ୟ ହୋଇଛି । ପଞ୍ଚମହଲ ଜିଲ୍ଲାପାଳ ଦୁଇ ଜଣ ଲିଫ୍ଟମ୍ୟାନ୍, ଦୁଇ ଜଣ ଶ୍ରମିକ ଓ ଅନ୍ୟ ଦୁଇଜଣଙ୍କ ସମେତ ଛଅ ଜଣଙ୍କର ମୃତୁ୍ୟ ନିଶ୍ଚିତ କରିଛନ୍ତି । ଏଥିରେ ଏହି ଦୁର୍ଘଟଣାଟି ଅପରାହ୍ନ ପ୍ରାୟ ସାଢେ ୩ଟା ସମୟରେ ଘଟିଥିଲା । ଘଟଣା ସମ୍ପର୍କରେ ସୂଚନା ପାଇବା ପରେ ସ୍ଥାନୀୟ ପୁଲିସ ଓ ଅଗ୍ନିଶମ ବାହିନୀ ଦଳ ତୁରନ୍ତ ଘଟଣାସ୍ଥଳରେ ପହଞ୍ଚିଥିଲେ । ପ୍ରଶାସନ ଦୁର୍ଘଟଣାର ତଦନ୍ତ ଆରମ୍ଭ କରିଛି ।
ପାୱାଗଡ଼ ମନ୍ଦିର ପ୍ରାୟ ୮୦୦ ମିଟର ଉଚ୍ଚÿତାରେ ଅବସ୍ଥିତ । ତୀର୍ଥଯାତ୍ରୀମାନେ ପ୍ରାୟ ୨୦୦୦ ପାହାଚ ଚଢ଼ିବାକୁ ବାଛିଥାନ୍ତି କିମ୍ବା ଶିଖରରେ ପହଞ୍ଚିବା ପାଇଁ କେବୁଲ କାର୍ ବ୍ୟବହାର କରିବାକୁ ପସନ୍ଦ କରନ୍ତି । ତଥାପି, ସାଧାରଣ ଲୋକଙ୍କ ବ୍ୟବହାର ପାଇଁ ରୋପ୍ୱେକୁ ଖରାପ ପାଗ ଯୋଗୁଁ ସକାଳଠାରୁ ବନ୍ଦ କରି ଦିଆଯାଇଥିଲା । ପାୱାଗଡ଼ ପାହାଡ଼ ଚମ୍ପାନେରରୁ ତିନୋଟି ପର୍ଯ୍ୟାୟରେ ଉଠିଛି ଓ ଏହାର ମାଳଭୂମି ୧୪୭୧ ଫୁଟ ଉଚ୍ଚତାରେ ଅବସ୍ଥିତ । ପାହାଡ଼ ଶୀର୍ଷରେ ଦେବୀ କାଳୀଙ୍କୁ ସମର୍ପିତ ଏକ ଅତ୍ୟନ୍ତ ମନ୍ଦିର ଅଛି । ଏହି ମନ୍ଦିର ଦର୍ଶନ ପାଇଁ ପ୍ରତିବର୍ଷ ପ୍ରାୟ ୨.୫ ନିୟୁତ ଶ୍ରଦ୍ଧାଳୁ ଆସିଥାନ୍ତି ।
