କ୍ୟାରିୟର କାଉନସେଲିଂ କାର୍ଯ୍ୟକ୍ରମ
Rasmita Behera
ବୁଗୁଡ଼ା : ସ୍ଥାନୀୟ ପିପୁଲ୍ସ କଲେଜରେ କ୍ୟାରିୟର କାଉନସିଲିଂ ଏବଂ କମ୍ପୁ୍ୟଟର ଆୱାରନେସ୍ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । କଲେଜ ସଭାଗୃହରେ ଆୟୋଜିତ ଉକ୍ତ କାର୍ଯ୍ୟକ୍ରମକୁ ଅଧ୍ୟକ୍ଷ ହରିକୃଷ୍ଣ ନାୟକ ଉଦ୍ଘାଟନ କରିଥିବା ବେଳେ ଏଥିରେ କ୍ୟାରିୟର କାଉନସିଲିଂ କୋଅର୍ଡିନେଟର ଅଧ୍ୟାପକ ଆତ୍ମପ୍ରକାଶ ନାୟକ ଓ କୋ-କୋଅର୍ଡିନେଟର ଅଧ୍ୟାପକ ଚୌଧୁରୀଙ୍କ ସମେତ ଅଧ୍ୟାପକ ଜୟରାମ ବିଷୋୟୀ, ପ୍ରଦୀପ କୁମାର ଦାଶ, ହିମାଂଶୁ ଶେଖର ରଥ, ଦିଲ୍ଲୀପ ସାହୁ, ଶଙ୍କର ପରିଡା ଓ ଅଧ୍ୟାପିକା ରଶ୍ମିତା ପଟ୍ଟନାୟକ ପ୍ରମୁଖ ଯୋଗ ଦେଇ +୩ର ଛାତ୍ରଛାତ୍ରୀଙ୍କୁ ମାର୍ଗ ଦର୍ଶନ କରିଥିଲେ । ଏଥିରେ ସାଧନ କର୍ମୀ ଭାବେ ଛତ୍ରପୁରସ୍ଥ ଓକେସିଏଲ୍ ସଂଯୋଜିକା ରେଖା ମହାନ୍ତି ଏବଂ ସ୍ଥାନୀୟ ଶ୍ରେୟାମ୍ କମ୍ପୁଟର ଏଡୁକେସନ କୋଅର୍ଡିନେଟର ଲକ୍ଷ୍ମୀ ସ୍ୱାଇଁ ଯୋଗଦେଇ ଛାତ୍ରଛାତ୍ରୀଙ୍କୁ କାର୍ଯ୍ୟନିର୍ବାହର ସଠିକ୍ ପନ୍ଥା ଗ୍ରହଣ ନିମନ୍ତେ ଆବଶ୍ୟକୀୟ ସୁପରାମର୍ଶ ପ୍ରଦାନ କରିଥିଲେ । ଏଥି ସହ ବିଭିନ୍ନ ପ୍ରତିଯୋଗିତାମୂଳକ ପରୀକ୍ଷାରେ କୃତକାର୍ଯ୍ୟ ହେବା ସକାଶେ କମ୍ପ୍ୟୁଟର ସଚେତନତା ଜରୁରୀ ବୋଲି ମତବ୍ୟକ୍ତ କରିବା ସହ ଛାତ୍ରଛାତ୍ରୀଙ୍କୁ ଏ ଦିଗରେ ସଚେତନ କରିଥିଲେ ।
