ଗୁରୁତର ଯୁବକଙ୍କୁୁ ମେଡିକାଲରେ ଭର୍ତ୍ତି କଲେ ତହସିଲଦାର
Rasmita Behera
ବ୍ୟାସନଗର: ପାଣିକୋଇଲିରୁ କାର୍ଯ୍ୟାଳୟକୁ ଆସୁଥିବା ବ୍ୟାସନଗର ତହସିଲଦାର ଦେବାଶିଷ ରାଉତ୍ ୨୦ନଂ ଜାତୀୟ ରାଜପଥର ଆଲିଆ ନିକଟରେ ଦୁର୍ଘଟଣାଗସ୍ତ ହୋଇପଡ଼ିଥିବା ଦୁଇ ଯୁବକକୁ ଉଦ୍ଧାର କରି ନିଜଗାଡ଼ିରେ ଆଣି ଯାଜପୁର ରୋଡ଼ ମେଡ଼ିକାଲରେ ଭର୍ତ୍ତି କରିଥିଲେ । ମେଡ଼ିକାଲରେ ଭର୍ତ୍ତି ହୋଇଥିବା ଯୁବକ ମଧ୍ୟରୁ ଜଣେ ଗୁରୁତର ଥିବାରୁ ପ୍ରାଥମିକ ଚିକିସôା ପରେ କଟକ ବଡ଼ ମେଡ଼ିକାଲକୁ ସ୍ଥାନାନ୍ତର କରାଯାଇଥିଲା । ମେଡିକାଲରୁ ମିଳିଥିବା ଖବର ମତେ ଭଦ୍ରକ ଜିଲା ବାରିକପୁର ଅଞ୍ଚଳର ସଞ୍ଜୟ ମଲ୍ଲିକ(୩୨) ଭଉଣୀ ବାହାଘର ନିମନ୍ତ୍ରଣ କାର୍ଡ଼ ଦେବାକୁ ସାଙ୍ଗ ଜ୍ୟୋତି ପ୍ରକାଶ ବାରିକ(୩୫) ସହ ବାଇକରେ ଯାଜପୁର ରୋଡ଼ ଅଭିମୁଖେ ଆସୁଥିଲେ । ୨୦ନଂ ଜାତୀୟ ରାଜପଥର ଆଲିଆ ନିକଟରେ କୌଣସି ଅଜଣାଗାଡ଼ି ଧକ୍କାରେ ଉଭୟ ସାଙ୍ଗ କ୍ଷତାକ୍ତ ହୋଇ ରାସ୍ତାରେ ପଡ଼ିଥିଲେ । ଏହି ସମୟରେ ପାଣିକୋଇଲିରୁ ଯାଜୁପର ରୋଡ଼ ଅଭିମୁଖେ ଆସୁଥିବା ବ୍ୟାସନଗର ତହସିଲଦାର ଦେବାଶିଷ ରାଉତ୍ କ୍ଷତାକ୍ତ ଯୁବକଙ୍କୁ ଦେଖି ତାଙ୍କ ପାଖରେ ଗାଡ଼ି ଅଟକାଇ ସେମାନଙ୍କୁ ନିଜ ଗାଡ଼ିରେ ଭର୍ତ୍ତିକରି ମେଡ଼ିକାଲରେ ଭର୍ତ୍ତି କରିଥିଲେ । ମେଡ଼ିକାଲରେ ଚିକିସôା ପରେ ଜ୍ୟୋତିର ଅବସ୍ଥା ଗୁରୁତର ଥିବାରୁ ତାଙ୍କୁ କଟକ ସ୍ଥାନ୍ତାନ୍ତର କରାଯାଇଥିଲା । ବ୍ୟାସନଗର ତହସିଲଦାରଙ୍କ ମହାନତାକୁ ସାଧାରଣରେ ପ୍ରସଂଶା କରାଯାଇଛି ।
