ଜେଏସପିଏଲ୍ ପକ୍ଷରୁ ଓପି ଜିନ୍ଦଲଙ୍କ ପୁଣ୍ୟତିଥି ପାଳିତ

 ଅନୁଗୁଳ  : ଜିନ୍ଦଲ ଷ୍ଟିଲ ଆଣ୍ଡ ପାୱାର ପକ୍ଷରୁ ଅନୁଗୁଳ ପ୍ଲାଣ୍ଟ ପରିସରରେ ଜେଏସପିର ପ୍ରତିଷ୍ଠାତା ଓମ୍ ପ୍ରକାଶ ଜିନ୍ଦଲଙ୍କ ୨୦ତମ ପୁଣ୍ୟତିଥି ପାଳିତ ହୋଇଛି  । ଏହି ଶ୍ରଦ୍ଧାଞ୍ଜଳି କାର୍ଯ୍ୟକ୍ରମରେ ଜେଏସପିର କର୍ମଚାରୀ ଓ ସ୍ଥାନୀୟ ଲୋକମାନେ ଅଂଶଗ୍ରହଣ କରିଥିଲେ  । ଆୟୋଜିତ ହୋଇଥିବା ଏକ ରକ୍ତଦାନ ଶିବିରରେ ୭୫୧ ୟୁନିଟ ରକ୍ତ ସଂଗ୍ରହ କରାଯାଇଥିଲା  । ଜିନ୍ଦଲ ନଗରର ଦେବଭୂମି ମନ୍ଦିରରେ ଅଖଣ୍ଡ ଶ୍ରୀରାମ ଚରିତ ମାନସ ପୂଜା ସହିତ ଏହି କାର୍ଯ୍ୟକ୍ରମ ଆରମ୍ଭ ହୋଇଥିଲା  । ଏଥିରେ କାର୍ଯ୍ୟନିର୍ବାହୀ ନିଦେ୍ର୍ଦଶକ (ଅନୁଗୁଳ ଶାଖା) ପଙ୍କଜ ମଲହାନ, କାର୍ଯ୍ୟନିର୍ବାହୀ ନିଦେ୍ର୍ଦଶକ ଦାମୋଦର ମିତ୍ତଲ, ମୁଖ୍ୟ ମାନବ ସମ୍ବଳ ଅଧିକାରୀ ଦିଲୀପ ସିହ୍ନାଙ୍କ ସମେତ ବିଭିନ୍ନ ବିଭାଗର ବିଭଗୀୟ ମୁଖ୍ୟ ଏବଂ ସେମାନଙ୍କ ପରିବାରର ସଦସ୍ୟ ଓପି ଜିନ୍ଦଲ(ବାଉଜୀ)ଙ୍କୁ ପୁଷ୍ପମାଲ୍ୟ ଅର୍ପଣ କରିଥିଲେ  ।
ଜିନ୍ଦଲ ଫାଉଣ୍ଡେସନ ପକ୍ଷରୁ ଅନୁଗୁଳ ଜିଲ୍ଲା ସ୍ୱାସ୍ଥ୍ୟ ପ୍ରଶାସନକୁ ଏକ ମୁକ୍ତିରଥ ଦାନ କରାଯାଇଛି  । ଏହି ମୁକ୍ତିରଥ ଅନୁଗୁଳ ଜିଲ୍ଲା ଡାକ୍ତରଖାନାରେ ରହିବ ଏବଂ ଅତ୍ୟାବଶ୍ୟକ ସେବା ଉବଲବ୍ଧ କରିବ  । ମୃତବ୍ୟକ୍ତିଙ୍କ ଶବକୁ ସମ୍ମାନଜନକ ଭାବେ ତାଙ୍କ ସମ୍ପର୍କୀୟଙ୍କ ପାଖକୁ ପହଞ୍ଚାଇବା କ୍ଷେତ୍ରରେ ଏହି ରଥ ସେବା ଯୋଗାଇଦେବ  । ଜେଏସପିର ମୁଖ୍ୟ ମାନବ ସମ୍ବଳ ଅଧିକାରୀ ଦିଲୀପ ସିହ୍ନା, ଜିଲ୍ଳା ମୁଖ୍ୟ ଚିକିସôା ଓ ଜନସ୍ୱାସ୍ଥୃ୍ୟ ଅଧିକାରୀ ଡାକ୍ତର ଶିବାନନ୍ଦ ମହାନ୍ତିଙ୍କୁ ଓପଚାରିକ ଭାବେ ଗାଡିର ଚାବି ପ୍ରଦାନ କରିଥିଲେ  । ଏହାସହିତ ଜିନ୍ଦଲ ଫାଉଣ୍ଡେସନ ପକ୍ଷରୁ ବିଭିନ୍ନ ସମାଜିକ ସଂଗଠନଗୁଡିକୁ ଶୁଖିଲା ରାସନ ସାମଗ୍ରୀ ବଣ୍ଟନ କରାଯାଇଥିଲା  । 
ସୀମା ମଲହାନ ଓ ଅନିତା ମିତ୍ତଲଙ୍କ ନେତୃତ୍ୱରେ ଜିନ୍ଦଲ ମହିଳା ସମିତିର ସଦସ୍ୟମାନେ, ବାଉଜୀଙ୍କ ମୂଲ୍ୟବୋଧ ଏବଂ ଦୂରଦୃଷ୍ଟିକୁ ସମ୍ମାନ ଜଣାଇ ବିଭିନ୍ନ ବିଭାଗର କର୍ମଚାରୀମାନଙ୍କ ସହିତ ମିଶି ଏକାଧିକ କାର୍ଯ୍ୟକମରେ ସାମିଲ ହୋଇଥିଲେ  ।
ଦୂରଦର୍ଶିତା ଓ ଉକ୍ରର୍ଷତାର ପ୍ରତୀକ ଓପି ଜିନ୍ଦଲ ଏକ ସାଧାରଣ କୃଷକ ପରିବାରରୁ ଆସି ଏକ ଅଗ୍ରଣୀ ଉଦ୍ୟୋଗପତି ଓ ଦୂରଦୃଷ୍ଟି ସଂପନ୍ନ ବ୍ୟକ୍ତି ଭାବେ ନିଜର ପରିଚୟ ସୃଷ୍ଟି କରିପାରିଥିଲେ  । ରାଷ୍ଟ୍ରନିର୍ମାଣରେ ତାଙ୍କ ଯୋଗଦାନ, ବିଶେଷକରି ଇସ୍ପାତ କ୍ଷେତ୍ରରେ ତାଙ୍କ ଯୋଗଦାନ ପାଇଁ ବେଙ୍ଗଲ ଚାମ୍ବର ଅଫ କମର୍ସ ଆଣ୍ଡ ଇଣ୍ଡଷ୍ଟ୍ରି ପକ୍ଷରୁ ତାଙ୍କୁ ଜୀବନବ୍ୟାପି ସାଧନା ପୁରସ୍କାର ପ୍ରଦାନ କରାଯାଇଥିଲା  । ତାଙ୍କ ଜୀବନକାଳ ମଧ୍ୟରେ ସେ, ହରିୟାଣା ବିଧାନସଭାର ସଦସ୍ୟ, ସଂସଦର ସଦସ୍ୟ ଏବଂ ହରିୟାଣା ସରକାରଙ୍କ ଶକ୍ତିମନ୍ତ୍ରୀ ଭାବରେ କାର୍ଯ୍ୟ କରିଥିଲେ  । ଆତ୍ମନିର୍ଭରଶୀଳତା ଓ ଶିଳ୍ପ ଉକ୍ରର୍ଷତା ପ୍ରତି ତାଙ୍କ ଅଟଳ ପ୍ରତିବଦ୍ଧତା, ସମାଜସେବା ଓ ରାଷ୍ଟ୍ର ନିର୍ମାଣର ମୂଲ୍ୟବୋଧକୁ ବଜାୟ ରଖି ଭାରତର ପ୍ରଗତିରେ ଯୋଗାଦାନ ଦେବା ପାଇଁ ଜେଏସପିର ମିଶନକୁ ମାର୍ଗଦର୍ଶନ ଦେଇଚାଲିଛି  । ଜେଏସପିର ଭୁବନେଶ୍ୱର କାର୍ଯ୍ୟାଳୟରେ ମଧ୍ୟ କର୍ମଚାରୀମାନେ ଓପି ଜିନ୍ଦଲଙ୍କ ୨୦ତମ ପୁଣ୍ୟତିଥି ପାଳନ କରାଯାଇଥିଲା  । ଏହି ଅବସରରେ ସଭାପତି ଏବଂ ଗୋଷ୍ଠୀ ସିଏସଆର ମୁଖ୍ୟ ପ୍ରଶାନ୍ତ ହେତା, ମେକ୍ ଇନ୍ ଇଣ୍ଡିଆ ଓ ଶିଳ୍ପ ନେତୃତ୍ୱାଧୀନ ସମାଜିକ ସମୃଦ୍ଧିର ମୂଳଦୂଆରେ ଓପି ଜିନ୍ଦଲଙ୍କ ଅବଦାନ ଉପରେ ଆଲୋକପାତ କରିଥିଲେ  ।