ନବାଗତା ଛାତ୍ରୀଙ୍କୁ ସ୍ୱାଗତ ଓ କୃତୀଛାତ୍ରୀ ସୁପ୍ରଭାଙ୍କୁ ସମ୍ବର୍ଦ୍ଧନା
Rasmita Behera
ାା ପ୍ରଭାନୁ୍ୟଜ ।ା ବ୍ୟାସନଗର: ବ୍ୟାସନଗର ସ୍ଥିତ ଇନ୍ଦିରା ଗାନ୍ଧୀ ମହିଳା ଡ଼ିଗ୍ରୀ ମହାବିଦ୍ୟାଳୟର ଓଡ଼ିଆ ସମ୍ମାନ ବିଭାଗ ପକ୍ଷରୁ ପ୍ରଥମ ବର୍ଷର ନବାଗତା ଛାତ୍ରୀଙ୍କୁସ୍ୱାଗତ ଓ କୃତୀ ଛାତ୍ରୀ ସୁଶ୍ରୀ ସୁପ୍ରଭା ସାହୁଙ୍କୁ ସମ୍ବର୍ଦ୍ଧନା ଦିଆଯାଇଛି । ଡିଗ୍ରୀ ମହାବିଦ୍ୟାଳୟର ଅଧ୍ୟକ୍ଷ ରନôାକର ଜେନାଙ୍କ ସଭାପିତତ୍ତ୍ୱରେ ଅନୁଷ୍ଠିତ କାର୍ଯ୍ୟକ୍ରମରେ ଅତିଥିଭାବେ ବିଭାଗୀୟ ମୁଖ୍ୟ ଅଧ୍ୟାପିକା ସୁମିତ୍ରା ରାଉତ ଯୋଗଦେଇ ସମ୍ପର୍କ ବାଣ୍ଟି ଚଳିବାକୁ ପରାମର୍ଶ ଦେଇଥିଲା ବେଳେ ଓଡିଆ ବିଭାଗର ଅଧ୍ୟାପକ ମଳୟ କୁମାର ମଲ୍ଲିକ ଶ୍ରେଣୀରେ ପଢ଼ାଯାଉଥିବା ପାଠକୁ ନିଷ୍ଠାର ସହ ପଢି ଭଲନମ୍ବର ରଖି ଉତ୍ତୀର୍ଣ୍ଣ ହୋଇ ମହାବିଦ୍ୟାଳୟର ଟେକରଖିବାକୁ ପରାମର୍ଶ ଦେଇଥିଲେ । ସମ୍ମାନିତ ଅତିଥିଭାବେ ବରିଷ୍ଠ ଅଧ୍ୟାପକ ପ୍ରଶାନ୍ତ କୁମାର ମାର ରାଉତ, ଅରୁଣ କୁମାର ମିଶ୍ର, ପଦ୍ମଭୁଷଣ ରାଉତରାୟ ଓ ଅଧ୍ୟାପିକା ରୋଜାଲିନା ମହାନ୍ତି, ସୂଚିତସ୍ମିତା ବେହେରା ଓ ଝୁନୁମଣି ଜେନା ପ୍ରମୁଖ ଯୋଗଦେଇ ଶିକ୍ଷା ଅଧ୍ୟୟନପ୍ରତି ଗୁରୁତ୍ୱ ଦେବା ସଙ୍ଗେ ସଙ୍ଗେ ଚରିତ୍ର ପ୍ରତି ବିଶେଷ ଧ୍ୟାନ ଦେବାକୁ ଛାତ୍ରୀମାନଙ୍କୁ ଉପଦେଶ ଦେଇଥିଲେ । ପ୍ରାରମ୍ଭରେ ଆବାହନି ସଙ୍ଗୀତ ସାଗରିକା ଜେନା, ପ୍ରିୟଙ୍କା ପ୍ରିୟଦର୍ଶିନୀ ବ୍ରହ୍ମ, ପ୍ରିୟଙ୍କା ପ୍ରିୟଦର୍ଶନୀ ମହାନ୍ତି, ସିଲି ସେଠୀ ଓ ଲିଜାରାଣି ରଥ ପରିବେଶଣ କରିଥିଲେ । ଏହି ଅବସରରେ ଚଳିତବର୍ଷ ରାମଦେବୀ ମହିଳା ବିଶ୍ୱ ବିଦ୍ୟାଳୟର ଓଡିଆ ବିଭାଗରେ ଟପ୍ସର ହୋଇ ଗୌରବ ଆଣିଥିବା ମହାବିଦ୍ୟାଳୟର ଛାତ୍ରୀ ସୁଶ୍ରୀ ସୁପ୍ରଭା ସାହୁଙ୍କୁ ବିଭାଗ ପକ୍ଷରୁ ପୁଷ୍ପଗୁଚ୍ଛ, ମାନପତ୍ର ଓ ଉତରୀୟ ଦିଆଯାଇ ଅତିଥିଙ୍କ ଦ୍ୱାରା ସମ୍ବର୍ଦ୍ଧିତ କରାଯାଇଥିଲା ।
