ପିଓଭିଏସର ଦ୍ୱାଦଶ ପ୍ରବାସୀ ଓଡ଼ିଆ ଦିବସ
Rasmita Behera
ଭୁବନେଶ୍ୱର : ପ୍ରବାସୀ ଓଡିଆ ବିକାଶ ସମିତିର ଦ୍ୱାଦଶ ପ୍ରବାସୀ ଓଡିଆ ଦିବସ ତଥା ବିଷୁବ ମିଳନ ନୂଆଦିଲ୍ଲୀର ଭାରତୀୟ ଜନସଂଚାର ସଂସ୍ଥା ପ୍ରେଖ୍ୟାଳୟରେ ରବିବାର ଦିନ ପାଳିତ ହୋଇଯାଇଛି । ପଣା ପିଇ ଓଡ଼ିଆ ଘରର ଖାଦ୍ୟ ଖାଇ ଓଡ଼ିଶୀ, ସମ୍ବଲପୁରୀ ସମେତ ବିଭିନ୍ନ ନୃତ୍ୟ ଗୀତର ତାଳେ ତାଳେ ପ୍ରବାସୀ ଓଡ଼ିଆ ଦିବସକୁ ଧୁମଧାମରେ ପାଳନ କରିଛନ୍ତି ପ୍ରବାସୀ ଓଡ଼ିଆ । ଏଥିରେ ମୁଖ୍ୟ ଅତିଥି ଭାବେ ଯୋଗ ଦେଇ ଭାରତ ବିକାଶ ପରିଷଦର ରାଷ୍ଟ୍ରୀୟ ସଂଗଠନ ସମ୍ପାଦକ ସୁରେଶ ଜୈନ 'ଉକôର୍ଷ ଓଡିଶା ଉକôୃଷ୍ଟ ଭାରତ' ବିଷୟବସ୍ତୁ ଉପରେ ଆଲୋକପାତ କରି ଉକôୃଷ୍ଟ ଭାରତ ନିର୍ମାଣରେ ଉକôର୍ଷ ଓଡ଼ିଶାର ଭୂମିକା ଅତ୍ୟନ୍ତ ଗୁରୁତ୍ୱପୂର୍ଣ ବୋଲି ଅଭିହିତ କରିଥିଲେ । ଏଥିରେ ପିଓଭିଏସ ଭଳି ସଂଗଠନ ମାନଙ୍କର ଭୂମିକା ଅତ୍ୟନ୍ତ ଗୁରୁତ୍ୱପୂର୍ଣ ବୋଲି ସେ କହିଥିଲେ । ଓଡିଶାକୁ ଉକôର୍ଷ କଳାର ରାଜ୍ୟ ଭାବେ ଅବଲୋକନ କରି ଜୈନ କହିଥିଲେ ଯେ ଭାରତର କଳା, ସାହିତ୍ୟ ଓ ବିଜ୍ଞାନ କ୍ଷେତ୍ରରେ ଓଡ଼ିଶାର ଅବଦାନ ଅନନ୍ୟ ।
ପ୍ରବାସୀ ଓଡ଼ିଆ ବିକାଶ ସମିତି ର ସଭାପତି ସୂର୍ଯ୍ୟ ନାରାୟଣ ମିଶ୍ର ତାଙ୍କ ଅଭିଭାଷଣ ରେ କହିଥିଲେ ଯେ ଏବେ ଓଡ଼ିଆ ମାନେ ଭାରତ ବର୍ଷରେ ବିଭିନ୍ନ କ୍ଷେତ୍ରରେ ନେତୃତ୍ୱ ନେଉଛନ୍ତି । ଓଡ଼ିଆ ମାନେ ଭାରତରେ ଶାସନ ପ୍ରଶାସନ ଚଳାଉଛନ୍ତି । ଆଜି ଓଡ଼ିଆ ପୁଅ ଧର୍ମେନ୍ଦ୍ର ପ୍ରଧାନ କେନ୍ଦ୍ର ଶିକ୍ଷାମନ୍ତ୍ରୀ, ଯେଉଁ ଶିକ୍ଷା ଆଜି ଭାରତବର୍ଷକୁ ପରିବର୍ତ୍ତନ କରୁଛି, ବୋଲି ସେ କହିଥିଲେ । ଅନୁଷ୍ଠାନର ଉପସଭାପତି ଚିନ୍ମୟ ମହାନ୍ତି ବାଜି ରାଉତ ଓ ଧର୍ମପଦଙ୍କ ଉଦାହରଣ ଦେଇ ଓଡ଼ିଆ ମାନେ କିପରି ତ୍ୟାଗ ଓ ବଳିଦାନର ପରାକାଷ୍ଠା ଦେଇଛନ୍ତି ସେ ସମ୍ପର୍କରେ ଆଲୋକପାତ କରିଥିଲେ । ଅନୁଷ୍ଠାନର ସହ ସାଧାରଣ ସମ୍ପାଦକ ପ୍ରିୟଦର୍ଶୀ ବଳ ଧନ୍ୟବାଦ ଅର୍ପଣ କରିଥିଲେ ଓ ଏହି ଅବସରରେ ଡକ୍ଟର ଶୈଳେନ୍ଦ୍ର ସ୍ୱାଇଁ ଙ୍କ ଦ୍ୱାରା ସମ୍ପାଦିତ ଅନୁଷ୍ଠାନର ବାର୍ଷିକ ପତ୍ରିକା ଉନ୍ମୋଚିତ ହୋଇଥିଲା । ଅନ୍ୟମାନଙ୍କ ମଧ୍ୟରେ ସୁଷାନ୍ତ ମହାପାତ୍ର, ପିୟୁଶ ମହାପାତ୍ର, ମଳୟ ପ୍ରଧାନ, ସନ୍ତୋଶ ରାଉତ ପ୍ରମୁଖ କାର୍ଯ୍ୟକ୍ରମ ପରିଚାଳନା କରିଥିଲେ ।
