ବଢୁଛି ଚୋରଙ୍କ ଦୌରାତ୍ମ୍ୟ
Rasmita Behera
3931
ତାଳଚେର : ତାଳଚେର ସହରରେ ଚୋରଙ୍କ ଦୌରାତ୍ମ୍ୟ ବଢ଼ି ଚାଲିଛି । ବିଳମ୍ବିତ ରାତିରେ ତାଳଚେର ସହରର ମହାଦେବ ବିହାରର ଏକ ଘରୁ ଚୋରି ହୋଇଛି । ଘରେ କେହି ନଥିବାର ସୁଯୋଗ ନେଇ ନଗଦ ଟଙ୍କା ଓ ସୁନା ଗହଣା ଚୋରି କରି ନେଇଛନ୍ତି ଦୁର୍ବୃତ୍ତ । ଏ ନେଇ ଥାନାରେ ଲିଖିତ ଅଭିଯୋଗ ପରେ ପୁଲିସ୍ ମାମଲା ରୁଜୁ କରି ତଦନ୍ତ ଚଳାଇଛି । ସୂଚନା ମୁତାବକ, ମହାଦେବ ବିହାରରେ ରହୁଥିବା ସରସ୍ୱତୀ ସାହୁ ପୁଅ ଦେହ ଖରାପ ଥିବାରୁ ସନ୍ଧ୍ୟାରେ ପାଳପୁର ସ୍ଥିତ ନିଜ ଗାଁକୁ ଯାଇଥିଲେ । ମାତ୍ର ଆଜି ସକାଳେ ତାଳଚେର ଫେରି ଦେଖିଲା ବେଳକୁ ତାଙ୍କ ଘରୁ ଚୋରି ହୋଇଥିଲା । ଦୁର୍ବୃତ୍ତ ଆଲମିରା ଭାଙ୍ଗି ୫ ହଜାର ଟଙ୍କା ଓ ହଳେ କାନଫୁଲ ସହିତ ଦାମୀ ଜିନିଷ ପତ୍ର ଚୋରି କରି ନେଇଛନ୍ତି । ପୂର୍ବରୁ କିଛି ଅସାମାଜିକ ବ୍ୟକ୍ତି ତାକୁ ଓ ଧମକ ଚମକ ଦେଇ ଓ ଆସୁଥିଲେ ବୋଲି ସେ ଏତଲାରେ ଦର୍ଶାଇଛନ୍ତି ।
