ବରିଷ୍ଠ ନାଗରିକଙ୍କୁ ପରିଚୟ ପତ୍ର ପ୍ରଦାନ
Rasmita Behera
ପଟ୍ଟାମୁଣ୍ଡାଇ: ବରିଷ୍ଠ ନାଗରିକମଞ୍ଚ ଆନୁକୂଲ୍ୟରେ ଆୟୋଜିତ କେନ୍ଦ୍ରାପଡା ଆରକ୍ଷୀ ଅଧିକ୍ଷଙ୍କ ଦ୍ୱାରା ବିରିଷ୍ଠ ନାଗରିକ ପରିଚୟ ପତ୍ର ପ୍ରଦାନ କରାଯାଇଥିଲା । ପଟ୍ଟାମୁଣ୍ଡାଇ ବରିଷ୍ଠ ନାଗରିକ ସଂଘ କାଯ୍ୟାଳୟଠାରେ ଅନୁଷ୍ଠିତ ସଭାରେ ପ୍ରଫେସର ଅନିରୁଦ୍ଧ ରାଉଳ ସଭାପତିତ୍ୱ କରିଥିବାବେଳେ, ପଟ୍ଟାମୁଣ୍ଡାଇ ଆଦର୍ଶଥାନା ଅଧିକାରୀ ଶୁଶାନ୍ତ ସାହ ମୁଖ୍ୟଅତିଥି ଭାବେଯୋଗଦେଇ ସମାଜକୁ ବରିଷ୍ଠ ନାଗରିକଙ୍କ ଦିଗଦର୍ଶନର ଆବଶ୍ୟକତା ରହିଛି ବୋଲି କହିଥିଲେ । ଏହି ସଭାରେ ଅନ୍ୟମାନଙ୍କ ମଧ୍ୟରେ କାର୍ଯ୍ୟକାରୀ ସଭାପତି କଣ୍ଡୁରୀ ଚରଣ ସ୍ୱାଇଁ, ଉପାଧ୍ୟକ୍ଷ ଚର୍ତୁଭୁଜ ରାଉଳ, ସହସମ୍ପାଦକ ବିଜୟ ବେହେରା ପ୍ରମୁଖ ବରିଷ୍ଠ ନାଗରିକଙ୍କ ଉଦେ୍ଦଶ୍ୟ ବିଭିନ୍ନ ଦିଗରୁ ଆଲୋଚନା କରୁଥିବାବେଳେ, ସମ୍ପାଦକ ପ୍ରଫେସର ଭରତ ପାତ୍ର, ସମ୍ପାଦକୀୟ ବିବରଣୀ ପାଠକରିଥିଲେ । ସଭାରେ ଅର୍ଦ୍ଧଶାଧିକ ବରିଷ୍ଠ ନାଗରିକଙ୍କୁ ପରିଚୟପତ୍ର ପ୍ରଦାନ କରାଯାଇଥିଲା । କିରଣ ଭୂୟାଁ, ପ୍ରଫୁଲ୍ଲ ଲେଙ୍କା, ହରେକୃର୍ଷ୍ଣ ସାହୁ, ସୁରେଶଚନ୍ଦ୍ର ବେଜ, ସଚିତ୍ର ବେହୁରା, ପ୍ରମୋଦ ସାହୁ, କୃପାସିନ୍ଧୁ ଦାସ, ଗଦାଧର ଦାସ, ଲକ୍ଷ୍ମୀପ୍ରୀୟା ପାଢୀ ପ୍ରମୁଖଙ୍କୁ ପରିଚୟ ପତ୍ର ପ୍ରଦାନ କରାଯାଇଥିଲା । ଶେଷରେ ପାବନୀ ରାଉତ ଧନ୍ୟବାଦ ପ୍ରଦାନ କରିଥିଲେ ।
