ବର୍ଷା ସାଜିଲା କାଳ ଚିନ୍ତାରେ ଚାଷୀକୁଳ
Rasmita Behera
ନୀଳଗିରି : ବଙ୍ଗୋପସାଗରରେ ସୃଷ୍ଟି ହୋଇଥିବା ଲଘୁଚାପ ପ୍ରଭାବରେ ନୀଳଗିରିରେ କୋହଲା ପାଗ ସହ ଝିପିଝିପି ବର୍ଷା ଲାଗି ରହିଛି । ଅଦିନିଆ ଝିପିଝିପି ବର୍ଷା ଲାଗି ରହିଥିବାରୁ ଅନେକ ସ୍ଥାନରେ ଧାନ ଭିଜିବା ସହିତ କ୍ଷେତରେ ପାଣି ଜମିଛି । ଏବେ ଖେତରେ ଧାନ ପାଚିବା ସହ ବିଭିନ୍ନ ସ୍ଥାନରେ ଧାନ କଟା ମଧ୍ୟ ଆରମ୍ଭ ହୋଇଥିବା ବେଳେ ଲଘୁଚାପଜନିତ ବର୍ଷାକୁ ନେଇ ଚାଷୀକୁଳ ଏବେ ହତାଷ । କାରଣ ଧାନ ଗଜା ହୋଇଯିବାର ସମ୍ଭାବନା ସୃଷ୍ଟି ହୋଇଛି । ଚଳିତ ବର୍ଷ ନୀଳଗିରି ଅଞ୍ଚଳରେ ଚାଷ ଜମିରେ ଧାନ ଫସର ଭଲ ହୋଇଥିବା ବେଳେ ଏବେ ଅମଳ କାର୍ଯ୍ୟରେ ଲାଗି ପଡିଥିଲେ ଚାଷୀ ହେଲେ ବର୍ଷା ଯୋଗୁ ଧାନ ଗଜା ହୋଇଯିବାର ସମ୍ଭାବନାକୁ ନେଇ ଏବେ ଚିନ୍ତାରେ ପଡ଼ିଛନ୍ତି ଚାଷୀ । ଚାଷୀ ନିଜର ଜୀବନକୁ ପାଣି ଛଡେର କିପରି ନିଜର ଫସଲକୁ ସୁରକ୍ଷିତ ରଖି ପାରିବ ସେ କାର୍ଯ୍ୟରେ ଲାଗିପଡ଼ିଛି । ସବୁ ଧାନ ଖେତରୁ ନେବା ସମ୍ଭବ ହୋଇ ପାରୁନାହିଁ । ଅନ୍ୟପଟରେ ଗତ ଗୁରୁବାର ଅପେକ୍ଷା ଶୁକ୍ରବାର ଓ ଶନିବାର ବର୍ଷାର ପରିମାଣ ଆସ୍ତେ ଆସ୍ତେ ବୃଦ୍ଧି ପାଇବାରେ ଲାଗିଥିଲା । ତେବେ ଏହି ବର୍ଷା ଚାଷୀର ମୁଣ୍ଡ ବିନ୍ଧାର କାରଣ ପାଲଟିଛି । ନୀଳଗିରିରେ ଶହଶହ ହେକ୍ଟର ଜମିରେ ଧାନ କଟା ହୋଇ ପଡ଼ି ଥିବାରୁ ତାହା କ୍ଷେତ୍ରରେ ନଷ୍ଟ ହେବାକୁ ବସିଛି । ଏଥିପାଇଁ ବିଭାଗୀୟ ଉଚ୍ଚÿ କର୍ତ୍ତୃପକ୍ଷ ଦୃଷ୍ଟତି ଦେଇ କ୍ଷୟକ୍ଷତି ଯୋଗାଇ ଦେବା ପାଇଁ ଚାଷୀ ମହଲରୁ ଦାବି ହୋଇଛି ।
