"ବିଦ୍ୟାଳୟର ଉସôବ ହିଁ ଭବିଷ୍ୟତ ଗଠନ କରେ'
Rasmita Behera
ବେତନଟୀ: ବେତନଟୀ ବ୍ଳକ ସଠିଲୋ ଗ୍ରାମ ପଞ୍ଚାୟତ ଅନ୍ତର୍ଗତ ପୁରୁଣାପାଣି ପ୍ରାଥମିକ ବିଦ୍ୟାଳୟର ବାର୍ଷିକ ଉସôବ ମହା ସମାରୋହରେ ଅନୁଷ୍ଠିତ ହୋଇଛି । ଏଥିନିମନ୍ତେ ଅନୁଷ୍ଠିତ ସଭାରେ ପ୍ରଧାନଶିକ୍ଷକ ଜୟଚନ୍ଦ୍ର ଦାସ ଅଧ୍ୟକ୍ଷତା କରିଥିଲେ । ମୁଖ୍ୟ ଅତିଥିରୂପେ ବଡସାହି ବିଧାୟକ ସନାତନ ବଜୁଳୀ ଓ ମୁଖ୍ୟବକ୍ତା ଭାବେ ବେତନଟୀ ବିଇଓ ବିପ୍ଲବ କର ଉପସ୍ଥିତ ରାତ୍ରଛାତ୍ରୀମାନଙ୍କୁ ଶିକ୍ଷାଲାଭପ୍ରତି ଆଗ୍ରହୀ ହେବାକୁ ଆହ୍ୱାନ ଦେଇଥିଲେ । ଉପସ୍ଥିତ ତିନିଜଣ ସହ ଶିକ୍ଷାଧିକାରୀ ରମାକାନ୍ତ ମହାନ୍ତ, ଗୋପାଳଚନ୍ଦ୍ର ସେନାପତି, ଅପର୍ଣ୍ଣା ସାହୁଙ୍କ ସମେତ ଶିକ୍ଷାବିତ୍ ହରିଶଚନ୍ଦ୍ର ନନ୍ଦ ଗୋସ୍ୱାମୀ ଓ ସଚ୍ଚିଦାନନ୍ଦ ମହାନ୍ତି ଏବଂ ବରିଷ୍ଠ ସାମ୍ବାଦିକ ଅରୁଣ କୁମାର ଓତା ପ୍ରମୁଖ ଯୋଗ ଦେଇ ବିଦ୍ୟାଳୟରେ ବିଭିନ୍ନ ଉସôବ ପାଳନ ହିଁ ଛାତ୍ରଛାତ୍ରୀଙ୍କ ଭବିଷ୍ୟତ ଗଠନ କରିବାରେ ସହାୟକ ହୋଇଥାଏ ବୋଲି ପ୍ରକାଶ କରିଥିଲେ । ଏ ଦିଗରେ ଶିକ୍ଷକମାନଙ୍କର ପ୍ରମୁଖ ଭୂମିକାର ବର୍ଣ୍ଣନା କରିଥିଲେ । ପ୍ରାରମ୍ଭିକ ସଂଗୀତ ଶିକ୍ଷକ ବିଶ୍ୱଜିତ୍ ଦେବରଂଜନ ଦାସ ଗାନ କରିଥିବା ବେଳେ ଛାତ୍ରୀଗଣ ସ୍ୱାଗତ ନୃତ୍ୟ ପରିବେଷଣ କରିଥିଲେ ।ଶତାଧିକ ଅଭିଭାବକ ଓ ଛାତ୍ରଛାତ୍ରୀ ତଥା ସିଆରସିସି ସଂଜୟବାବୁଙ୍କ ଉପସ୍ଥିତିରେ ସମସ୍ତ ଅତିଥିଙ୍କ ମାଧ୍ୟମରେ କୃତି ଛାତ୍ରଛାତ୍ରୀଙ୍କୁ ବିଭିନ୍ନ ପ୍ରତିଯୋଗିତାର ସଫଳତା ନିମନ୍ତେ ପୁରସ୍କାର ଓ ମାନପତ୍ର ପ୍ରଦାନ କରାଯାଇଥିଲା । ଶେଷରେ ପ୍ରଧାନଶିକ୍ଷକ ଶ୍ରୀଦାସ ଧନ୍ୟବାଦ ଅର୍ପଣ କରିଥିଲେ ।
