ମୁଖ୍ୟ ଚିକିତ୍ସାଧିକାରୀଙ୍କୁ ଅବସରକାଳୀନ ସମ୍ବର୍ଦ୍ଧନା
Rasmita Behera
କୁଜଙ୍ଗ: କୁଜଙ୍ଗ ଗୋଷ୍ଠି ସ୍ୱାସ୍ଥ୍ୟ କେନ୍ଦ୍ରରେ ଦୀର୍ଘଦିନ ଧରି ଅଧିକ୍ଷକ ଥିବା ସୁନାମଧନ୍ୟ ଚିକିତ୍ସକ ଡ. ପ୍ରସନ୍ନ ପଣ୍ଡାଙ୍କ ଅବସରକାଳୀନ ସମ୍ବର୍ଦ୍ଧନା ସଭା ସ୍ଥାନୀୟ ବିଦୁ୍ୟଲତା ମଣ୍ଡପରେ ଅନୁଷ୍ଠିତ ହୋଇଯାଇଛି । ଚିକିତ୍ସା ଅଧିକାରିଣୀ ଡ. କେତନା ପୁରୋହିତଙ୍କ ଅଧ୍ୟକ୍ଷତା ଓ ସୁମନ୍ତ ବେହେରାଙ୍କ ସଂଯୋଜନାରେ ଅନୁଷ୍ଠିତ କାର୍ଯ୍ୟକ୍ରମରେ ନିକଟ ଅତିତରେ ଅବସର ଗ୍ରହଣ କରିଥିବା ମହିଳା ସ୍ୱାସ୍ଥ୍ୟ ପରିଦର୍ଶିକା ନିର୍ମଳା ଓଝା, ପ୍ରେମଲତା ବାରିକ, ସୌଦାମିନି ଲେଙ୍କା, କାଂଚନବାଳା ରାଉଳ, ପ୍ରଭାତି ପାଣି, ଫାର୍ମାସିଷ୍ଟ ନିରଞ୍ଜନ ବର୍ଦ୍ଧନ, ମହିଳା ସ୍ୱାସ୍ଥ୍ୟ କର୍ମୀ ଅବନ୍ତୀ ରାଉତ, ନର୍ମଦା ଦାସଙ୍କୁ ଭବ୍ୟ ସ୍ୱାଗତ ସମ୍ବର୍ଦ୍ଧନା ପ୍ରଦାନ କରାଯିବା ସହ ସେମାନଙ୍କ ଅବଦାନକୁ ସ୍ମରଣ କରାଯାଇଥିଲା । ଉକ୍ତ କାର୍ଯ୍ୟକ୍ରମରେ କୁଜଙ୍ଗ ଇଣ୍ଡିଆନ୍ ବ୍ୟାଙ୍କର ଶାଖା ପରିଚାଳକ ସୁବ୍ରତ ସାହୁ, ଉପ-କୋଷାଗାର ଅଧିକାରୀ ଜନ୍ ମେଜର ଦଳାଇ, କୁଜଙ୍ଗ ଥାନା ଭାରପ୍ରାପ୍ତ ଅଧିକାରୀ ଅନିଲ କୁମାର ସାହୁ, ସବ୍ ଇନିସ୍ପେକ୍ଟର ରଶ୍ମୀରଂଜନ ସାହୁ, ବରିଷ୍ଠ ଚିକିତ୍ସାଧିକାରୀ ଡ. ସ୍ମୃତିରଞ୍ଜନ ମହାପାତ୍ର, ଡ. ଶିବ ପ୍ରସାଦ ସେଠି, ଡ. ଜୀବନଜ୍ୟୋତି ସ୍ୱାଇଁ, ଡ. ଐଶ୍ୱର୍ଯ୍ୟା ମହାନ୍ତି, ଡ. ସଞ୍ଜୟ ରାଜ୍, ଡ. ପ୍ରତିକ୍ ଦାସ, ଡ. ପ୍ରୀତମ ଶ୍ରୀକୁମାର, ପିଏଚ୍ଇଓ ସନ୍ଧ୍ୟାବତୀ ସାହୁ, ସ୍ୱାସ୍ଥ୍ୟ ପର୍ଯ୍ୟବେକ୍ଷକ ବିରଜା ପ୍ରସାଦ ମହାନ୍ତି, ଡ. ଦୁର୍ଗାପ୍ରସାଦ ମିଶ୍ର, ଡ. ସମ୍ବିତ୍ କୁମାର ଲେଙ୍କା ପ୍ରମୁଖ ଡ. ପଣ୍ଡାଙ୍କ କର୍ତବ୍ୟ ପରାୟଣ ଓ ଜୀବନଶୈଳି ତଥା କୁଜଙ୍ଗ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ସେବା ଯୋଗାଇବାର ଅବଦାନକୁ ସ୍ମରଣ କରାଇଥିଲେ । ଶେଷରେ ସେକ୍ସନ୍ ଅଫିସର ତନ୍ମୟ ବାରିକଙ୍କ ପ୍ରତ୍ୟକ୍ଷ ତତ୍ୱାବଧାନରେ ଏହି କାର୍ଯ୍ୟକ୍ରମରେ ଦିଲ୍ଲିପ ରାମ୍ ଓ ସାଥୀଙ୍କ ଦ୍ୱାରା ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଡ. ପଣ୍ଡାଙ୍କ ଜୀବନ ବ୍ୟାପୀ ସାଧନା ପାଇଁ ଗୋଷ୍ଠି ସ୍ୱାସ୍ଥ୍ୟ କେନ୍ଦ୍ରର ସମସ୍ତ ଡାକ୍ତର, କର୍ମଚାରୀ, ଷ୍ଟାଫ୍ନର୍ସ, ପୁଷ୍ପଗୁଚ୍ଛ ଓ ଉତ୍ତରୀୟ ଦେଇ ସମ୍ବର୍ଦ୍ଧିତ କରିଥିଲେ ।
