ମୁଖ୍ୟମନ୍ତ୍ରୀଙ୍କୁ ଧନ୍ୟବାଦ ଦେଲେ କୃଷକ ମୋର୍ଚ୍ଚା ରାଜ୍ୟ ସଭାପତି
Rasmita Behera
କେନ୍ଦୁଝର : କେନ୍ଦୁଝର ଜିଲ୍ଲାରେ ଚାଷୀଙ୍କୁ ଉଚିତ୍ ମୂଲ୍ୟ ମିଳିଥିବାରୁ ମୁଖ୍ୟମନ୍ତ୍ରୀଙ୍କୁ ଧନ୍ୟବାଦ ଦେଇଛନ୍ତି କୃଷକ ମୋର୍ଚ୍ଚା ରାଜ୍ୟ ସଭାପତି ମହେଶ୍ୱର ସାହୁ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଜୀ ଓ ଓଡ଼ିଶାର ମୁଖ୍ୟମନ୍ତ୍ରୀ ମୋହନଚରଣ ମାଝୀ ଚାଷୀଙ୍କ ଆୟକୁ ଦୁଇ ଗୁଣା କରିବା ପାଇଁ କେନ୍ଦ୍ର ଓ ରାଜ୍ୟ ସରକାରଙ୍କ ପକ୍ଷରୁ ବହୁ ପ୍ରକାରର କୃଷକ କଲ୍ୟାଣକାରୀ ଯୋଜନା ପ୍ରଣୟନ କରିଛନ୍ତି । ଓଡ଼ିଶା ରାଜ୍ୟ କୃଷି ପ୍ରଧାନ ରାଜ୍ୟ ଅଟେ ଓ ଧାନ ଚାଷ ପ୍ରଧାନ ଚାଷ ଅଟେ । ପୂର୍ବ ସରକାରରେ ୨୪ ବର୍ଷ ଶାସନ କାଳରେ ଓଡ଼ିଶାର ଚାଷୀ ଧାନ କିଣା ବିକାରେ ଘୋର ସଂକଟ ପରିସ୍ଥିତିର ସମୁଖୀନ ହେବାକୁ ପଡୁଥିଲା । ମାହନ ଚରଣ ମାଝୀ ସରକାର ଆସିବା ପରେ ଚାଷୀଙ୍କୁ ଚଳିତ ଖରିଫ ଧାନ କିଣାରେ କ୍ୱିଣ୍ଟାଲ ପ୍ରତି ୩୧୦୦ ଶହ ଟଙ୍କା ପ୍ରଦାନ କରବା ପାଇଁ ଘୋଷଣା କରିଥିଲେ ।
ଚଳିତ ଖରିଫ ଧାନ କିଣା କାରବାରକୁ ସ୍ୱଚ୍ଛତାର ସହିତ କରିବା ପାଇଁ ବିଜେପି ସରକାର ବ୍ୟାପକ ବ୍ୟବସ୍ଥା କରିଥିଲେ । ରାଜ୍ୟ ର ୩୦ ଗୋଟି ରାଜସ୍ୱ ଜିଲ୍ଲାରେ ସର୍ବ ମୋଟ ୪ ହଜାର ୧୯୩ ଗୋଟି ଧାନମଣ୍ଡୀ ଦ୍ୱାରା ଚାଷୀ ମାନଙ୍କ ଠାରୁ ଧାନ କ୍ରୟ କାର୍ଯ୍ୟ ରାଜ୍ୟ ସରକାର କରିଥିଲେ । ୨୦୨୩ - ୨୪ ବର୍ଷ ରେ ଖରିଫ ଧାନ ଓଡିଶା ରେ ୫୮ ଲକ୍ଷ ମୋଟ୍ରିକ ଟନ ସରକାର କିଣିଥିଲେ । ୨୦୨୪-୨୫ ବର୍ଷ ଖରିଫ୍ ଧାନ ୧୬ ଲକ୍ଷ ୫୯ ହଜାର ୧୪୧ ଜଣ ଚାଷୀ ମାନଙ୍କ ଠାରୁ ରାଜ୍ୟ ସରକାର ୭୩ ଲକ୍ଷ ୪୩ ହଜାର ୬୪୬ କୁଇଣ୍ଟାଲ ଧାନ ସଂଗ୍ରହ କରି ସମସ୍ତ ରୋକଡ୍ ଭଙ୍ଗ କରି ଇତିହାସ ସୃଷ୍ଟି କରିଛନ୍ତି ବୋଲି ବିଜେପି କୃଷକ ମୋର୍ଚ୍ଚା ରାଜ୍ୟ ସଭାପତି ମହେଶ୍ୱର ସାହୁ କହିଛନ୍ତି । କାର୍ଯ୍ୟକ୍ରମକୁ କେନ୍ଦୁଝର ଜିଲ୍ଲା ବିଜେପି ମିଡିଆ ସଂଯୋଜକ ବ୍ରଜକିଶୋର ରାୟ ସଂଯୋଜନା କରିଥିବା ବେଳେ, ଜିଲ୍ଲା କୃଷକ ମୋର୍ଚ୍ଚା ସଭାପତି ଭାଗିରଥି ସିଂହ, ବିଜେପି ନେତା ସୁବ୍ରତ ମହାନ୍ତି ଓ ବିଜେପି ଜିଲ୍ଲା କାର୍ଯ୍ୟାଳୟ ସମ୍ପାଦକ ପ୍ରକାଶଚନ୍ଦ୍ର ସୂତ୍ରଧର ଉପସ୍ଥିତ ଥିଲେ ।
