ରାସ୍ତା ନିର୍ମାଣରେ ଅନିୟମିତତା ଅଭିଯୋଗ
Rasmita Behera
ାା ପ୍ରଭାନୁ୍ୟଜ୍ ।ା ବୈଶିଙ୍ଗା: ଗମନାଗମନ କ୍ଷେତ୍ରରେ ରାଜ୍ୟ ଓ କେନ୍ଦ୍ର ସରକାର ରାସ୍ତା ନିର୍ମାଣ ପାଇଁ କୋଟି କୋଟି ଟଙ୍କା ବଜେଟରେ ବ୍ୟୟ ବରାଦ କରୁଛୁନ୍ତି ସତ ମାତ୍ର ବିଭାଗୀୟ ଅଧିକାରୀଙ୍କ ଖାମଖିଆଲି କାର୍ଯ୍ୟ ପାଇଁ ଅଯଥାରେ ଅର୍ଥ ଶ୍ରାଦ୍ଧ ହେଉଛି । ଜନସାଧାରଣରଙ୍କୁ ସୁଫଳ ମିଳିପାରୁ ନଥିବା ଘଟଣା ସମସ୍ତଙ୍କୁ ବ୍ୟଥିତ କରିଛି । କଲିକତାରୁ କେନ୍ଦୁଝରକୁ ଯୋଗାଯୋଗର ଦୂରତା କମ୍ ପାଇଁ ଏହି ରାସ୍ତା ରୁପସା ନିକଟସ୍ଥ ୬୦ ନଂ ଜାତୀୟ ରାଜପଥ ର ବରହମପୁର ଠାରେ ସଂଯୋଗ କରାଯିବାର ପରିକଳ୍ପନା କରାଯାଇ ଚାରିବର୍ଷ ତଳେ କାର୍ଯ୍ୟାରମ୍ଭ କରାଯାଇଥିଲା । କାର୍ଯ୍ୟର ଗତିଶୀଳତାରୁ ଯାହା ଅନୁମାନ କରାଯାଏ ଆଉ ଚାରି ବର୍ଷ ପରେ ମଧ୍ୟ କାର୍ଯ୍ୟ ସମାପ୍ତ ହୋଇ ନ ପାରେ । ତେବେ ଏଠାରେ ପ୍ରଶ୍ନ ଉଠୁଛି ଏହି ରାସ୍ତା କାମର ଟେଣ୍ଡର ନେଇଥିବା ଠିକାଦାର କାର୍ଯ୍ୟସାଇଟ୍କୁ କେବେ ଆସୁ ନ ଥିବାରୁ ପେଟି ଠିକାଦାର ନିଜ ମନ ଇଚ୍ଛା କାର୍ଯ୍ୟ କରୁଥିବାର ଗ୍ରାମବାସୀମାନେ ପ୍ରକାଶ କରିଛନ୍ତି । ଏହି ରାସ୍ତାର ବଡ କ୍ଷୀରପାଦା ଠାରୁ ପଦ୍ମପୁର ପର୍ଯ୍ୟନ୍ତ ଦୁଇ କିମି ରାସ୍ତାର ଉଭୟ ପାର୍ଶ୍ୱରେ ଥିବା ଗଛ ଗୁଡିକୁ ନ କାଟି ପ୍ରଶସ୍ତିକରଣ କାର୍ଯ୍ୟ କରାଯାଉଥିବାରୁ ପରବର୍ତ୍ତୀ ସମୟରେ ରାସ୍ତାର ସ୍ଥାୟିତ୍ୱ ଉପରେ ପ୍ରଶ୍ନବାଚୀ ସୃଷ୍ଟି କରିଛି । କିଛି ଚୋରା କାଠ ମାଫିଆ ଏଠାରେ ଥିବା ମୂଲ୍ୟବାନ ଶାଳ ଓ ଆକାଶିଆ ଗଛ କାଟି ନେବା ପାଇଁ ମସୁଧା କରୁଥିବା ବେଳେ ଗ୍ରାମବାସୀମାନେ ବିରୋଧ କରି ଜଙ୍ଗଲ ବିଭାଗକୁ ଜଣାଇଥିଲେ । କୋଟି କୋଟି ଟଙ୍କା ଖର୍ଚ୍ଚ କରି ରାସ୍ତା ନିର୍ମାଣ କରାଯିବା ସହ ପରବର୍ତ୍ତୀ ସମୟରେ ପୁଣି ଗଛ କାଟିବା ଏବଂ ରାସ୍ତାକୁ ପେଚ୍ ପକାଇବା ପରେ ଅଯଥା ଟଙ୍କା ଖର୍ଚ୍ଚ ହେବା ତଥା ରାସ୍ତାର ସ୍ଥାୟିତ୍ୱ କଣ ରହିବ ଏହା ସାଧାରଣରେ ଅସନ୍ତୋଷ ପ୍ରକାଶ ପାଇଛି ।
