ସମ୍ରାଟ ଯୁବ କଂଗ୍ରେସ ସମ୍ପାଦକ
Rasmita Behera
ପଟ୍ଟାମୁଣ୍ଡାଇ : ରାଜନଗର ନିର୍ବାଚନମଣ୍ଡଳୀର ଟାଣୁଆ ଯୁବନେତା ପଟ୍ଟାମୁଣ୍ଡାଇ ପୌର ପରିଷଦ ୧୫ନଂ ୱାର୍ଡ କାଉନସିଲର ଅଳଭା ଗ୍ରାମର ସମ୍ରାଟ ଜେନାଙ୍କୁ ଅଖିଳ ଭାରତ ଯୁବକଂଗ୍ରେସ ସମ୍ପାଦକ ଭାବେ ଏଆଇସିସି ସାଧାରଣ ସମ୍ପାଦକ( ସଂଗଠନ ) କେସି ବେଣୁଗୋପାଳ ନିଯୁକ୍ତି ଦେଇଛନ୍ତି । ଏଥି ପାଇଁ ପୂର୍ବତନ ବିଧାୟକ ଚିନ୍ମୟ ବେହୁରା, ବରିଷ୍ଠ କଂଗ୍ରେସ ନେତା ରମାକାନ୍ତ ଦାଶ, ପିସିସି ସଭ୍ୟ ସଞ୍ଜୟ ରାଉତ, ରାଜନଗର କଂଗ୍ରେସ ପ୍ରାର୍ଥୀ ଅଶୋକ ପଢ଼ିଆରୀ,ଜିଲ୍ଲା ଓବିସି ଅଧକ୍ଷ ମଳୟ ଦାସ, ଦଳିତ ନେତା ସର୍ବେଶ୍ୱର ସେଠୀ, ପୂର୍ବତନ ଜିଲ୍ଲା ପରିଷଦ ସଭ୍ୟ ପ୍ରଭାତ ସେଠୀ, ଦିଲ୍ଲୀପ ସେଠୀ, ରବୀନ୍ଦ୍ର ବେହେରା ଓ ହେମନ୍ତ ବିଶ୍ୱାଳ ପ୍ରମୁଖ ଲୋକସଭାର ବିରୋଧୀଦଳ ନେତା ରାହୁଲ ଗାନ୍ଧି, ଏଆଇସିସି ଅଧକ୍ଷ ଖଡ଼ଗେ, ସାଧାରଣ ସମ୍ପାଦକ କେସି ବେଣୁଗୋପାଳ, ଜାତୀୟ ଯୁବ କଂଗ୍ରେସ ସଭାପତି ଉଦୟଭାନୁ ଚେବଙ୍କୁ କୃତଜ୍ଞତା ଜ୍ଞାପନ କରିବା ସହିତ ବଳିଷ୍ଠ ଯୁବନେତା ଶ୍ରୀଜେନାଙ୍କ ନେତୃତ୍ୱରେ ସାରା ଭାରତ ଓ ଓଡିଶାରେ ଯୁବକଂଗ୍ରେସ ସଂଗଠନ ସୁଦୃଢ ହୋଇପାରିବ ବୋଲି ଆଶା ପ୍ରକାଶ କରିଛନ୍ତି ।
