୧୯୯୩ ବ୍ୟାଚ୍ ଛାତ୍ରଛାତ୍ରୀଙ୍କ ବନ୍ଧୁମିଳନ
Rasmita Behera
ଭଣ୍ଡାରୀପୋଖରୀ : ବାରିକପୁର ସରକାରୀ ଉଚ୍ଚ ବିଦ୍ୟାଳୟର ୧୯୯୩ ବ୍ୟାଚ ଛାତ୍ରଛାତ୍ରୀଙ୍କ ବନ୍ଧୁମିଳନ ପର୍ବ ମଧ୍ୟ ଇଂରାଜୀ ବିଦ୍ୟାଳୟର ପ୍ରାକ୍ତନ ପ୍ରଧାନ ଶିକ୍ଷକ ଗୟାଧର ସାମଲଙ୍କ ଅଧ୍ୟକ୍ଷତାରେ ରବିବାର ଅନୁଷ୍ଠିତ ହୋଇଯାଇଛି । ପ୍ରଭୁ ମର୍ଯ୍ୟାଦା ପୁରୁଷ ଶ୍ରୀ ରାମଚନ୍ଦ୍ର ଓ ବାବା ଆଖଣ୍ଡଳମଣିଙ୍କ ନିକଟରେ ଦୀପ ପ୍ରଜ୍ୱଳନ କରାଯାଇଥିଲା । ଯେଉଁ ସାଥୀ ଓ ଶିକ୍ଷକ ମାନେ ଆମକୁ ଛାଡି ଇହଲିଳା ସମ୍ବରଣ କରିଛନ୍ତି, ସେମାନଙ୍କ ଉଦେ୍ଦଶ୍ୟରେ ଏହି ଦୀପ ପ୍ରଜ୍ୱଳିତ କରାଯାଇଥିଲା । ଏଥିରେ ସମସ୍ତ ଅବସରପ୍ରାପ୍ତ ଗୁରୁମାନଙ୍କୁ ଆମନ୍ତ୍ରିତ କରାଯାଇ ସମ୍ବର୍ଧନା କାର୍ଯ୍ୟ ସମାପନ କରାଯାଇଥିଲା । ଉକ୍ତ ସଭାରେ ପୁରୁଣା ଦିନର ଗୁରୁମାନଙ୍କ ସହ ବିତାଇଥିବା ଜୟଦେବ ସେନାପତି ଗୁରୁମାନଙ୍କ ସହ ବିତାଇଥିବା ସ୍ମରଣୀୟ ମୁହୂର୍ତ୍ତ ବିଷୟରେ ସ୍ମୃତି ଚାରଣ କରିଥିବାବେଳେ ଆବାହକ ସଂଗ୍ରାମ କେଶରୀ ବିଶ୍ୱ ।ଳ, ସଭାପତି ଶଶିକାନ୍ତ ଦେ, ଉପସଭାପତି ଶଶିକାନ୍ତ ବେହେରାଙ୍କ ନେତୃତ୍ୱରେ ସମସ୍ତ ଛାତ୍ରଛାତ୍ରୀ ଗୁରୁମାନଙ୍କୁ ଉତ୍ତରୀୟ ଏବଂ ଉପଢୌକନ ପ୍ରଦାନ ପୂର୍ବକ ନିଜର କୃତଜ୍ଞତା ଜ୍ଞାପନ କରିଥିଲେ । ହିମାଂଶୁ, ବିରଞ୍ଚି, ଶରତ, ସୁଦୀପ୍ତ, ପ୍ରକାଶ, ପରେଶ୍, ରଂଜନ, ଗଗନ, ପ୍ରମୋଦ, ସଂଜୟ, ପଦ୍ମଲୋଚନ, ଚନ୍ଦ୍ରଶେଖର, ଚିତ୍ତରଞ୍ଜନ, ଦୀନବନ୍ଧୁ, ସୁମନ୍ତ, ଧନେଶ୍ୱର, ସନ୍ତୋଷ, ପ୍ରଦୀପ, ଶ୍ରୀଧର, ପ୍ରଫୁଲ୍ଲ ,ଭରତ, ପ୍ରସନ୍ନ, ସରୋଜ, ସୁରେଶ, ଅମରେନ୍ଦ୍ର, ରଞ୍ଜିତା, ସ୍ନେହଲତା, ମମତା, ରାଜଶ୍ରୀ, ସବିତା, କୁସୁମାଞ୍ଜଳି, ଗୀତାଞ୍ଜଳି, ଗୀତା ରାଣୀ, ପ୍ରଭାବତୀ, ରୀନାରାଣୀ, ସନ୍ଧ୍ୟାରାଣୀ, ଉମାମଣୀ, ଭାରତୀ ଇତ୍ୟାଦି ପ୍ରମୁଖ ଭୂମିକା ଗ୍ରହଣ କରିଥିଲେ ଏବଂ ସମସ୍ତ ଛାତ୍ରଛାତ୍ରୀଙ୍କର ଅକ୍ଲାନ୍ତ ପରିଶ୍ରମରେ ଉକ୍ତ କାର୍ଯ୍ୟକ୍ରମ ସଫଳତାର ସହ ସମ୍ପାଦିତ ହୋଇଥିଲା ।
