୩୨ତମ ରାଜ୍ୟସ୍ତରୀୟ ଶିଶୁ ସାହିତି୍ୟକ ସମ୍ମିଳନୀ

 ପୁରୀ : ସ୍କୁଲରେ ଥିବା ପାଠାଗାରକୁ କ୍ରୀୟାଶୀଳ କରି ଶିଶୁଙ୍କୁ ପଠନ ମନସ୍କ କରାଇବା ସହିତ ପ୍ରତି ବ୍ଲକ୍ରେ ଶିଶୁ ପାଠାଗାର ଓ ସଂଗ୍ରହାଳୟ ଖୋଲାଯିବାକୁ ରାଜ୍ୟସ୍ତରୀୟ ଶିଶୁ ସାହିତି୍ୟକ ସମ୍ମିଳନୀରେ ଗୁରୁତ୍ୱାରୋପ କରାଯାଇଛି । ୟୁଥ୍ ହଷ୍ଟେଲ ସମ୍ମିଳନୀ କକ୍ଷରେ ଓଡ଼ିଶା ସାହିତ୍ୟ ଏକାଡ଼େମୀ ଓ ଶ୍ରୀକ୍ଷେତ୍ର ଶିଶୁ ସାହିତ୍ୟ ସଂସଦର ମିଳିତ ଉଦ୍ୟମରେ ଆୟୋଜିତ ୩୨ତମ ଶିଶୁ ସାହିତି୍ୟକ ସମ୍ମଳନୀ ଅନୁଷ୍ଠିତ ହୋଇଛି । ସଂସଦର ସଭାପତି ପ୍ରାଣକୃଷ୍ଣ ମହାପାତ୍ରଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ସମ୍ମିଳନୀକୁ ଶିଶୁକିଶୋର ସାହିତ୍ୟ ଏକାଡ଼େମୀର ସଭାପତି ପ୍ରଫେସର ଦାସବେନହୁର ଉଦ୍ଘାଟନ କରିଥିଲେ । ଅନ୍ୟମାନଙ୍କ ମଧ୍ୟରେ ଓଡ଼ିଆ ବିଶ୍ୱବିଦ୍ୟାଳୟ କୂଳପତି ପ୍ରଫେସର ସବିତା ପ୍ରଧାନ ମୁଖ୍ୟଅତିଥି ଭାବେ ଯୋଗଦାନ କରିଥିଲେ । ବିଶ୍ୱଭାରତୀ କେନ୍ଦ୍ରୀୟ ବିଶ୍ୱବିଦ୍ୟାଳୟ ଭାଷା ଭବନର ଅଧ୍ୟକ୍ଷ ପ୍ରଫେସର ମନୋରଞ୍ଜନ ପ୍ରଧାନ ମୁଖ୍ୟବକ୍ତା, କିସ୍ ବିଶ୍ୱବିଦ୍ୟାଳୟର ପ୍ରଫେସର ବିଜୟାନନ୍ଦ ସିଂ, ଗଙ୍ଗାଧର ମେହେର, ବିଶ୍ୱବିଦ୍ୟାଳୟର ପ୍ରଫେସର ଲମ୍ବୋଦର ସାହୁ, ସାହିତି୍ୟକ ନଗେନ୍ଦ୍ର ନାଥ ପଟ୍ଟନାୟକ, ଅଭ୍ୟର୍ଥନା କମିଟି ଅଧ୍ୟକ୍ଷ ପୂର୍ବତନ ନଗରପାଳ ସୁରେନ୍ଦ୍ର ନାଥ ଦାଶ ପ୍ରମୁଖ ମଞ୍ଚାସୀନ ଥିଲେ । ଅତିଥିମାନେ ଉଦ୍ବୋଧନ ଦେଇ କଲେଜ ଓ ବିଶ୍ୱବିଦ୍ୟାଳୟ ପାଠ୍ୟକ୍ରମରେ ସାମିଲ ହୋଇପାରିବା ଭଳି ଗବେଷଣାତ୍ମକ ନିବନ୍ଧ ରଚନା ଉପରେ ଗୁରୁତ୍ୱ ଦେବାକୁ ଶିଶୁ ସାହିତି୍ୟକଙ୍କୁ ପରାମର୍ଶ ଦେଇଥିଲେ । ଶିଶୁ ସାହିତ୍ୟ ସରଳ, ସାବଲିଳ ଏବଂ ଶିଶୁ ମନଲାଖି ହେବା ଉଚିତ୍ ବୋଲି ମତବ୍ୟକ୍ତ କରିଥିଲେ । ମଞ୍ଚ ପରିଚାଳନା କରିଥିଲେ ସଂସଦ କାର୍ଯ୍ୟକାରୀ ସଭାପତି ବୀରେନ୍ଦ୍ର ମହାନ୍ତି । ଉପସଭାପତି ରମେଶ ଚନ୍ଦ୍ର ଦାସ ପ୍ରାରମ୍ଭିକ ସୂଚନା ପ୍ରଦାନ କରିଥିବାବେଳେ, ଅତିଥି ପରିଚୟ ଓ ସ୍ୱାଗତ ଭାଷଣ ପ୍ରଦାନ କରିଥିଲେ ଡ. ହେମନ୍ତ କୁମାର ଛୋଟରାୟ । ଏହି ଅବସରରେ ବିଭୂତି ଭୂଷଣ ପଟ୍ଟନାୟକଙ୍କ ଲିଖିତ ପୁସ୍ତକ ପିଲାଙ୍କ କାହାଣୀ, ଜୟକୃଷ୍ଣ ସାହୁଙ୍କ ପୁସ୍ତକ ମାମୁଁ ଘର ଗାଁଟି ଅତିଥିଙ୍କ ଦ୍ୱାରା ଉନ୍ମୋଚିତ ହୋଇଥିଲା । ସମ୍ମିଳନୀରେ କେନ୍ଦ୍ରାପଡ଼ା ବିଶିଷ୍ଟ ଶିଶୁ ସାହିତି୍ୟକ ଡ. ଲିଙ୍ଗରାଜ ରଥ, ବୌଦ୍ଧର ଧ୍ରୁବଚରଣ ଘିବେଲା, ରେଢାଖୋଲର କନ୍ଦର୍ପ ବେହେରା, କଣାସ ବ୍ଲକ୍ର କୃପାସିନ୍ଧୁ ବିଶ୍ୱାଳ, କଳାହାଣ୍ଡିର ଶ୍ରୀନିବାସ ବେହେରା, ଯାଜପୁରର ପ୍ରଭାତ ନଳିନୀ ସାହୁ, ପୁରୀର କଳ୍ପନା ମିଶ୍ରଙ୍କୁ ଶ୍ରୀକ୍ଷେତ୍ର ଶିଶୁ ସାହିତ୍ୟ ସମ୍ମାନରେ ସମ୍ମାନିତ କରାଯାଇଥିଲା । ସମ୍ବର୍ଦ୍ଧନା ପର୍ବ ପରିଚାଳନା କରିଥିଲେ କବି କ୍ରିଷ୍ଣା ମହାପାତ୍ର । ଦିବଙ୍ଗତ କବି ହରିହର ମିଶ୍ର, ସନୁୀଲ ରଥ, ଭବାନୀ ପ୍ରସାଦ ବଳିୟାରସିଂଙ୍କ ସ୍ମୃତିରେ ନିରବ ପ୍ରାର୍ଥନା କରାଯାଇଥିଲା । ଭଗବତୀ ବିଦ୍ୟାନିକେତନର ବିଦ୍ୟାର୍ଥୀମାନେ ସ୍ୱାଗତ ସଂଗୀତ ପରିବେଷଣ କରିଥିବା ବେଳେ, ଭକ୍ତି ସଂଗୀତ ଗାନ କରିଥିଲେ କଣ୍ଠଶିଳ୍ପୀ ପ୍ରୀତୀଶା ମହାପାତ୍ର । ପ୍ରଭାତ ଚନ୍ଦ୍ର ରଥ, ମିନତୀ ପଟ୍ଟନାୟକ, ଅନ୍ନପୂର୍ଣ୍ଣା ଦେବୀ, ଲକ୍ଷ୍ମୀକାନ୍ତ ଦଳେଇ, ଶ୍ୟାମପ୍ରକାଶ ସେନାପତି, ଦୁର୍ଗାବତୀ ପ୍ରଧାନ, କୈଳାସ ବିଶୋଇ, ପ୍ରଜ୍ଞା ସାହୁ, ପୂଜା ସାହୁ, ରଶ୍ମି ବେହେରା ଓ ଜଳନ୍ଧର ବିଶୋଇ ପ୍ରମୁଖ କାର୍ଯ୍ୟକ୍ରମ ପରିଚାଳନା କରିଥିଲେ । ଲକ୍ଷ୍ମୀକ୍ଷର ମାଝୀ ଧନ୍ୟବାଦ ଅର୍ପଣ କରିଥିଲେ ।