ମୁକ୍ତ ବିଚାର ମଞ୍ଚର ଆଲୋଚନାଚକ୍ର
Rasmita Behera
ନୂଆପଡା : ଖଡ଼ିଆଳର ମୁକ୍ତ ବିଚାର ମଞ୍ଚ ଆନୁକୂଲ୍ୟରେ ପ୍ରତି ମାସରେଏକ ଆଲୋଚନାଚକ୍ର ଅନୁଷ୍ଠିତ ହୁଏ । ଏହି କ୍ରମରେ ରବିବାର ଦିନ ‘ଇରାନ ଉପରେ ଇସ୍ରାଏଲର ଆକ୍ରମଣ ଯଥାର୍ଥ' ଶୀର୍ଷକ ଉପରେ ଖଡ଼ିଆଳ ପାଟଣା କ୍ଷେତ୍ରୀୟ ସମାଜ ଭବନ ପରିସରରେ ଆଲୋଚନାଚକ୍ର ଅନୁଷ୍ଠିତ ହୋଇଥିଲା । ମଞ୍ଚ ପରମ୍ପରା ଅନୁସାରେ ପୁଣ୍ୟତୋଷ ମୁଣ୍ଡ ଓ ଭଗତ ସିଂହ ବିଷୟ ସପକ୍ଷରେ ତଥା ଡ. ବିକେ ପତି ଓ ଆଦିତ୍ୟ ନାରାୟଣ ପଣ୍ଡା ବିଷୟବସ୍ତୁ ବିପକ୍ଷରେ ଯୁକ୍ତି ବାଢିଥିଲେ । ପୂର୍ବତନ ଆୟକର ଅଯୁକ୍ତ ଶ୍ରୀକାନ୍ତ ଚଟର୍ଜୀ ସଭାପତିତ୍ୱ କରିଥିଲେ । ଆଲୋଚନା ବୈଠକରେ ସହରର ଅନେକ ବୁଦ୍ଧିଜୀବୀ ଉପସ୍ଥିତ ରହି ପ୍ରଶ୍ନ ଉତ୍ତରରେ ସକ୍ରିୟ ଯୋଗଦାନ କରିଥିଲେ । ସର୍ବଶ୍ରୀ ସାମୁଏଲ ଦାନୀ, ଅଶ୍ୱିନୀ ପାଢ଼ୀ, ସୁଶାନ୍ତ ବିଶି, କାର୍ତ୍ତିକ ବାଗ, ଠାକୁର ଦାସ ମହାନନ୍ଦ, ନନ୍ଦ କିଶୋର ପ୍ରଧାନୀ, ନନ୍ଦଲାଲ ବାରିକ, ଆଲୋକ ରଥ, ଭାନୁ ସୁନାନୀ, ସତୀଶ ପଟନାୟକ, ଆକାଶ ସୁନାନୀ, ଅଧ୍ୟାପିକା ମୀନା ସାହା, ପ୍ରମୁଖ ଉପସ୍ଥିତ ଥିଲେ । ଶେଷରେ କିଶୋର ବାଗ ଧନ୍ୟବାଦ ପ୍ରଦାନ କରିଥିଲେ ।
