ମେଧାବୀଙ୍କୁ ସମ୍ବର୍ଦ୍ଧନା
Rasmita Behera
ବାଲିଚନ୍ଦ୍ରପୁର: ବଡ଼ଚଣା ଶିକ୍ଷା ମଣ୍ଡଳ ଅଧିନସ୍ଥ ବାଲିଚନ୍ଦ୍ରପୁର ସରସ୍ୱତୀ ଶିଶୁ ବିଦ୍ୟାମନ୍ଦିର ଚଳିତ ଶିକ୍ଷା ବର୍ଷ ୨୦୨୩/୨୪ରେ ସଦ୍ୟ ପ୍ରକାଶିତ ହାଇସ୍କୁଲ ସାଟିଫିକେଟ ପରୀକ୍ଷା ଫଳାଫଳରେ ବିଗତ ବର୍ଷ ପରି ଶତ ପ୍ରତିଶତ ସଫଳତା ହାସଲ କରିଅଛି । ଏହି ଅବସରରେ ବିଦ୍ୟାଳୟ ପ୍ରାଙ୍ଗଣରେ ବିଦ୍ୟାଳୟ ପରିଚାଳନା ସମିତି ସଭାପତି ବସନ୍ତ କିଶୋର ସାହୁଙ୍କ ସଭାପତିତ୍ୱରେ ଆହୁତ ମେଧାବୀ ଅଭିନନ୍ଦନ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଅଭିନନ୍ଦନ କାର୍ଯ୍ୟକ୍ରମରେ ବିଦ୍ୟାଳୟରେ ସର୍ବାଧିକ ନମ୍ବର ରଖି ସୁନାମ ଅର୍ଜିଥିବା ଏ-୧ରେ ଉତୀର୍ଣ୍ଣ ହୋଇ ଦୁଇ ଜଣ ଛାତ୍ରଛାତ୍ରୀଙ୍କୁ ଆର୍ଥôକ ପ୍ରୋତ୍ସାହନ ସହ ପୁଷ୍ପଗୁଚ୍ଛ ଓ ଉତରୀୟ ପ୍ରଦାନ ପୂର୍ବକ ଶୁଭେଚ୍ଛା ଅଭିନନ୍ଦନ ଜଣାଇବା ସହ ଉଜ୍ୱଳ ଭବିଷ୍ୟତ କାମନା କରାଯାଇଥିଲା । ବିଦ୍ୟାଳୟର ଉପସଭାପତି ଗୟାଧର ସାହୁ, ସଂପାଦକ ନାରାୟଣଚନ୍ଦ୍ର ପଣ୍ଡା, ପ୍ରଧାନ ଆଚାର୍ଯ୍ୟ ସତ୍ୟାନନ୍ଦ ପଣ୍ଡା, ସହ ପ୍ରଧାନ ଆଚାର୍ଯ୍ୟ ପ୍ରଶାନ୍ତ କୁମାର ରାଉତ ଓ ସମସ୍ତ ଆଚାର୍ଯ୍ୟ ଆଚାର୍ଯ୍ୟା ଉପସ୍ଥିତ ରହି ସମସ୍ତ କୃତି ଛାତ୍ରଛାତ୍ରୀଙ୍କୁ ଅଭିନନ୍ଦନ ଜଣାଇବା ସହ ଉଜ୍ୱଳ ଭବିଷ୍ୟତ କାମନା କରି ଥିଲେ । ଅଥିତି ପରିଚୟ ବରିଷ୍ଠ ଆଚାର୍ଯ୍ୟ ରମେଶ ଚନ୍ଦ୍ର ବିଶ୍ୱାଳ ଏବଂ ଧନ୍ୟବାଦ ଆଚାର୍ଯ୍ୟ ମନୋରଞ୍ଜନ ମହାନ୍ତି ପ୍ରଦାନ କରିଥିଲେ ।
