ସଡକ ଦୁର୍ଘଟଣାରେ ଜଣେ ମୃତ
Editor
ନୂଆପଡା, : ନୂଆପଡା ଜିଲ୍ଲା ବୋଡେନ ଥାନା ଅନ୍ତର୍ଗତ ଭଇଁଷାବାନି ପଞ୍ଚାୟତ ପାଟଦରା ଘାଟି ମଥାନ ପାହାଡ ଟର୍ଣ୍ଣିଂରେ ଜଣେ ବାଇକ ଆରୋହୀଙ୍କ ଭାରସାମ୍ୟ ହରାଇ ୪୦ ଫୁଟ ଘାଟି ତଳକୁ ଖସି ପଡିବା ଫଳରେ ଘଟଣା ସ୍ଥଳରେ ମୃତୁ୍ୟ ଘଟିଛି । ମୃତକ ହେଲେ ବଲାଙ୍ଗୀର ଜିଲ୍ଲା ମାନ୍ଦାଳା ପଞ୍ଚାୟତ ଖୋକସା ଗାଁର ସଞ୍ଜୟ ବେହେରା (୩୪) । ପକେଟରେ ଥିବା ଭୋଟ ପରିଚୟ ପତ୍ରରୁ ଠିକଣା ଜଣା ପଡିଛି । ପ୍ରକାଶ ଯେ, ଗୁରୁବାର ସଞ୍ଜୟ କୌଣସି କାମରେ ପାଟଦରା ଗାଁକୁ ଯାଇ ସନ୍ଧ୍ୟାରେ ଫେରିଥିଲେ । ସେହି ସମୟରେ ପାଟଦରା ଘାଟି ମଥାନ ପାହାଡ ଉପର ଟଣ୍ଣିଂ ପାଖରେ ଭାରସାମ୍ୟ ହରାଇ ୪୦ଫୁଟ ତଳକୁ ଖସି ଏକ ପଥର ଉପରେ ପଡିଥିଲେ । ହେଲେ ଲୋକେ ବେଖିବା ବେଳକୁ ମୃତୁ୍ୟ ହୋଇ ଯାଇଥିଲା । ରାତ୍ରି ସମୟ ହୋଇ ଥୁବାରୁ କେହି ଜାଣି ପାରିଲେ ନାହିଁ । ଶୁକ୍ରବାର ସକାଳେ ସେହି ରାସ୍ତା ଦେଇ କିଛି ଲୋକ ଆସୁଥିବା ବେଳେ ଏହା ଦେଖି ବୋଡେନ ପୋଲିସକୁ ଖବର ଦେଇଥିଲେ । ବୋଡେନ ପୁଲିସ ଓ ଅଗ୍ନୀଶମ ବିଭାଗ କର୍ମଚାରୀ ମାନେ ଘଟଣା ସ୍ଥଳକୁ ପହଞ୍ଚି ମୃତ ଦେହ ଉଦ୍ଧାର କରିଥିଲେ । ପରିବାର ଲୋକ ପହଞ୍ଚି ନ ଥୁବାରୁ ଗତ କାଲି ସବ ବ୍ୟବଚ୍ଛେଦ ହୋଇପାରିନି ଫଳରେ ମୃତଦେହ ବୋଡେନ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ପଡି ରହିଛି । ମୃତଦେହ ଉଦ୍ଧାର ସମୟରେ ବୋଡେନ ଥାନା ସବଇନ୍ସିପେକ୍ଟର ମଞ୍ଜୁଲତା ଖେଡେଙ୍ଗା ଓ ଧରଣୀଧର ଦାସ, ହାବିଲଦାର କୃତିବାସ ପାନ, କନେଷ୍ଟେବଳ ମୋହନ ଶବର ତଥା ଅଗ୍ନୀଶମ ବିଭାଗର ହାବିଲଦାର ସୁରୁଚି ପ୍ରଧାନ, ସୁନୀଳ କୁମାର ବେହେରା, ଫାୟାରମେନ୍ ଦିଲେ ଜାନି, ପିତାମ୍ବର ଭୋଇ, ପିତାମ୍ବର ଜଗଦଳା ପ୍ରମୁଖ ଦୀର୍ଘ ସମୟ ଅକ୍ଲାନ୍ତ ପରିଶ୍ରମ କରି ଘାଟି ତଳରୁ ମୃତଦେହ ଉଦ୍ଧାର କରିଥିଲେ ।
