ଶ୍ରୀଜଗନ୍ନାଥ ମନ୍ଦିରର ବାର୍ଷିକ ଉତ୍ସବ
Rasmita Behera
ଦାନଗଦୀ: ଏହି ବ୍ଲକ ଅନ୍ତର୍ଗତ ଗୋଲା ଗାଁ ଠାରେ ଶ୍ରୀ ଜଗନ୍ନାଥଙ୍କର ବାର୍ଷିକ ଉତ୍ସବ ଅନୁଷ୍ଠିତ ହୋଇଯାଇଛି । ମାନତୀରା ମଣ୍ଡଳ ଅନ୍ତର୍ଭୁକ୍ତ ଗୋଲାଗାଁ ଚାରଣ ଶାଖାର ବାର୍ଷିକ ଉତ୍ସବରେ ଆନ୍ତର୍ଜାତୀୟ ଚାରଣ ଗୋଷ୍ଠୀ ପୁରୀର ଚାରଣ ମାନେ ଉପସ୍ଥିତ ଥିଲେ । ଉକ୍ତ ଉତ୍ସବରେ ଗ୍ରାମବାସୀ, ହାତୀବାରି, ମାନତୀରା, ଯଖପୁରା, ବାଳୁଙ୍ଗାବନ୍ଦୀ, ଖରଡ଼ି, ରାବଣା, କେନ୍ଦୁଡ଼ିପ ଚାରଣ ଶାଖାର ସଭ୍ୟ ଭାଇ ଭଉଣୀଙ୍କ ଦ୍ୱାରା କଳସ ଶୋଭାଯାତ୍ରା, ସଂକୀର୍ତ୍ତନ, ସାମୂହିକ ସ୍ୱାଧ୍ୟାୟ ବିଷ୍ଣୁ ସହସ୍ରନାମ, ଭଗବତ ଗୀତା ପାଠ, ସଂପୁଟ, ଭାଗବତ ସଭା, ହନୁମାନ ଚାଳିଶା ପାଠ କରାଯାଇଥିଲା । ଭାଗବତ ସଭାରେ ଅନ୍ତର୍ଜାତୀୟ ଚାରଣ ଗୋଷ୍ଠୀ, ପୁରୀର ପରିଚାଳକ ବଂଶୀଧର ପରିଡ଼ାଙ୍କ ଅଧ୍ୟକ୍ଷତାରେ ମାନତୀରା ମଣ୍ଡଳର ସଂଗଠକ ହରେକୃଷ୍ଣ ମଲ୍ଲିକ ପରିଚାଳନା କରୁଥିଲେ । ପରିଚାଳକ, ସଭାପତିଙ୍କ ସମେତ ଜଗନ୍ନାଥ ସଂସ୍କୃତି ଦର୍ଶନ ତଥା ସଂପ୍ରତି ସୁସ୍ଥସମାଜ ପାଇଁଶ୍ରୀମଦ୍ ଭାଗବତର ଆବଶ୍ୟକତା ଏକାନ୍ତ ଅପରିହାର୍ଯ୍ୟ ପ୍ରସଙ୍ଗ ଉପରେ ଆଲୋକପାତ କରିଥିଲେ ଚାରଣ ଇଂ ଦେବବ୍ରତ ସିଂହ । ଉତ୍ସବରେ଼ ଗ୍ରାମର ସନ୍ତୋଷ ବେହେରା କର୍ତ୍ତା ଭାବେ କାର୍ଯ୍ୟ ସମ୍ପନ୍ନ କରିଥିବା ବେଳେ, ରମେଶ ସାହୁ, ଗଣେଶ୍ୱର ଦାସ, ରଙ୍କନାଥ ବାରିକ, ଉପେନ୍ଦ୍ର ସାହୁ, ବିଦ୍ୟାଧର ସାହୁ, ଧନେଶ୍ୱର ନାୟକ, ସୁଦାମ ନାୟକ, ନିତ୍ୟାନନ୍ଦ ନାୟକ ସମେତ ଚାରଣ ସେବା ଦଳର ମୁଖ୍ୟ ସଂଯୋଜକ ଗଣେଶ୍ୱର ବେହେରା ଯୋଗ ଦେଇ ସହଯୋଗ କରିଥିଲେ ।
