ସୀମାନ୍ତରେ ୩ ମାଓବାଦୀ ଗିରଫ
Rasmita Behera
ାା ପ୍ରଭାନୁ୍ୟଜ୍ ।ା ମାଲକାନଗିରି: ମାଲକାନଗିରି ସୀମାନ୍ତ ଛତିଶଗଡର ବିଜାପୁରରେ ନକ୍ସଲ ବିରୋଧୀ ଅଭିଯାନରେ ବେଳେ ନେମେଡ ଅଞ୍ଚଳରୁ ତିନି ମିଲିସିଆଙ୍କୁ ଗିରଫ କରିଛି ପୁଲିସ । ସୂଚନା ଅନୁଯାୟୀ ବିଜାପୁରରେ ଜିଲ୍ଲାରେ ନକ୍ସଲ ବିରୋଧୀ ଅପରେସନ୍ ଜୋରସୋରରେ ଚାଲିଥିବା ବେଳେ ସୁରକ୍ଷାବାହିନୀ ନେମେଡ ଅଞ୍ଚଳରୁ ତିନି ଜଣ ମିଲିସିଆ ସଦସ୍ୟଙ୍କୁ ଗିରଫ କରିବାରେ ସଫଳ ହୋଇଛନ୍ତି । ଜିଲ୍ଲାରେ ଚାଲିଥିବା ନକ୍ସଲ ବିରୋଧୀ ଅଭିଯାନରେ ନେମେଡ ଥାନା ଅନ୍ତର୍ଗତ ରାଣାପାରା ଜଙ୍ଗଲରୁ ଏହି ନକ୍ସଲଙ୍କୁ ଗିରଫ କରାଯାଇଥିବା ବେଳେ ସେମାନଙ୍କ ନିକଟରୁ ବିସ୍ଫୋରକ ସାମଗ୍ରୀ, ପୋଷ୍ଟର, ନିତ୍ୟ ବ୍ୟବହ୍ରୁତ ସାମଗ୍ରୀ ଆଦି ଜବତ କରାଯାଇଛି । ଗିରଫ ତିନି ଜଣ ସକ୍ରୀୟ ନକ୍ସଲ ହେଲେ ସୋନୁ ଓୟମ(୩୫), ସନୁ ଲେକାମ(୪୦), ମାଣ୍ଡୋ ଓରଫ ମାଣ୍ଡୁ ହପିଆ (୪୮) । ଜଙ୍ଗଲ ମଧ୍ୟରେ ଏମାନେ ଲୁଚି ରହିଥିବା ବେଳେ ପୁଲିସ ପକ୍ଷରୁ ତଲାସି ଅଭିଯାନ ବେଳେ ସମସ୍ତଙ୍କୁ ଗିରଫ କରିବାରେ ସଫଳ ହେବା ସହ ସମସ୍ତଙ୍କୁ କୋର୍ଟ ଚାଲାଣ କରାଯାଇଥିବା ନେଇ ଜଣାପଡିଛି ।
