ସୀମାନ୍ତରେ ଜଣେ ମାଓବାଦୀ ମୃତ, ୩ ଗିରଫ
Rasmita Behera
ମାଲକାନଗିରି: ମାଲକାନଗିରି ଜିଲ୍ଲା ସୀମାନ୍ତ ଛତିଶଗଡ ସୁକୁମା ଜିଲ୍ଲାରେ ଡିଆରଜି ବାହିନୀ ଓ ମାଓବାଦୀଙ୍କ ମଧ୍ୟରେ ଗୁଳି ବିନିମୟ ଘଟି ଜଣେ ମାଓବାଦୀ ମୃତୁ୍ୟ ହୋଇଥିବା ଜଣାପଡିଛି । ଶନିବାର ସକାଳେ ଗୁଇନ୍ଦା ବିଭାଗର ବିଶେଷ ସୂଚନା ଅନୁସାରେ ସୁକୁମା ଜିଲ୍ଲା ଟେଟରାଇ ଓ ତେଲନାଇ ଜଙ୍ଗଲରେ ମାଓବାଦୀଙ୍କ ବୈଠକ ·ଲିଥିବା ଖବର ପାଇଥିଲେ । ଏହି ଖବର ଆଧାରରେ ଡିଆରଜି ବାହିନୀ ସୁକୁମା ଜିଲ୍ଲାର ଟେଟରାଇ ଓ ତେଲନାଇ ଜଙ୍ଗଲ ଅଭିମୁଖେ ସର୍ଚ ଅପରେସନ କରିଥିଲେ । ଟେଟରାଇ ଜଙ୍ଗଲରେ ସର୍ଚ ଅପଗରେସନ କରୁଥିବା ସମୟରେ ମାଓବାଦୀମାନେ ଜବାନମାନଙ୍କୁ ଦେଖି ପ୍ରଥମେ ଗୁଳି ·ଲଣା କରିଥିଲେ । ପାଲଟା ଜବାବରେ ଜବାନମାନେ ମଧ୍ୟ ଗୁଳି ·ଲଣା କରିଥିଲେ । ମାଓ ବୈଠକରେ ପାଖାପାଖି ୨୫ ରୁ ଉଦ୍ଧ୍ୱର୍ ମାଓବାଦୀମାନେ ଉପସ୍ଥିତ ଥିବା ଜଣାପଡ଼ିଥିଲା । ତେବେ ଜବାନଙ୍କ ଆକ୍ରମଣକୁ ସାମନା କରି ନ ପାରି ମାଓବାଦୀମାନେ ଛତ୍ରଭଙ୍ଗ ଦେଇଥିଲେ । ତେବେ ସର୍ଚ୍ଚ ଅପରେସନ ଜାରି ରହିଥିବା ବେଳେ ଜଣେ ମାଓବାଦୀଙ୍କ ମୃତଦେହ ଠାବ ହୋଇଥିବା ଜଣାପଡ଼ିଛି । ସେଠାରୁ ବିପୁଳ ପରିମାଣରେ ଅସ୍ତ୍ରଶସ୍ତ୍ର ମଧ୍ୟ ଜବତ କରାଯାଇଥିବା ଜଣାପଡିଛି । ଅପରେସନ ସରିବା ପରେ ସମ୍ପୂର୍ଣ ତଥ୍ୟ ପ୍ରଦାନ କରାଯିବ ବୋଲି ସୁକୁମା ଏସ୍ପି ସୁଚନା ଦେଇଥିଲେ ।
ସେହିପରି ଭାବରେ ମାଲକାନଗିରି ଜିଲ୍ଲା ସୀମାନ୍ତ ଛତିଶଗଡର ବିଜାପୁର ଜିଲ୍ଲାରୁ ପୁଲିସ ୩ ମାଓବାଦୀଙ୍କୁ ଗିରଫ କରିବାରେ ସଫଳ ହୋଇଛି । ଗିରଫ ମାଓବାଦୀମାନେ ହେଲେ ମୁନା ମୁରମା (୩୨) ମିଳିଶିଆ କମାଣ୍ଡର , ରାଜୁ ମୁରମା (୩୧) ଡିଏକେଏମ୍ଏସ୍ ସଦସ୍ୟ, ଲକ୍ଷମୁ ମୁରମା (୩୯) ଭୁମକାଲ ମିଲିଶିଆ ସଦସ୍ୟ ବୋଲି ଜଣାପଡ଼ିଛି । ସୂଚନା ଅନୁଯାୟୀ ବିଜାପୁର ଜିଲ୍ଲା ତୋୟେନାର ଅଞ୍ଚଳରେ ସୁରକ୍ଷାକର୍ମୀ ଦ୍ୱାରା ପାଟ୍ରୋଲିଂ କରୁଥିବାବେଳେ ଏହି ୩ ଜଣ ମାଓବାଦୀଙ୍କୁ ଗିରଫ କରିଥିଲେ ।
