ବିଧବା ମହିଳାଙ୍କୁ କୁକର୍ମ ଓ ହତ୍ୟା ଧମକ, ଅଭିଯୁକ୍ତ ଗିରଫ
Rasmita Behera
ସୁକିନ୍ଦା : ଏହି ଥାନା ଅଞ୍ଚଳର ଜଣେ ବିଧବା ମହିଳାଙ୍କୁ କୁକର୍ମ ଓ ହତ୍ୟା ଧମକ ଦେବା ଅଭିଯୋଗରେ ସୁକିନ୍ଦା ପୁଲିସ ଜଣେ ଜେଲ ଫେରନ୍ତା ଅଭିଯୁକ୍ତକୁ ଗିରଫ କରିଥିବା ଜଣାପଡ଼ିଛି । ସୂଚନା ମୁତାବକ ଦୁଧୁଯୋରୀ ପଞ୍ଚାୟତ ମଙ୍ଗଳପୁର ଗ୍ରାମର ମାଳତୀ ମହାନ୍ତ ନାମକ ବିଧବା ମହିଳା ଓ ତାଙ୍କ ପରିବାରକୁ ମଙ୍ଗଳପୁର ଗ୍ରାମର ରାଜୁ ମହାନ୍ତଙ୍କ ପୁଅ ବିଜୟ ମହାନ୍ତ ଓରଫ କାଳୁ କୁକର୍ମ ଓ ଜୀବନରୁ ମାରିଦେବାକୁ ଧମକ ଦେଇଥିବା ନେଇ ମହିଳା ସୁକିନ୍ଦା ଥାନରେ ଅଭିଯୋଗ କରିଥିଲେ । ଗତ କିଛି ମାସ ପୂର୍ବରୁ ସଂପୃକ୍ତ ଯୁବକ ଏହି ମହିଳାଙ୍କୁ ବଳାକôାର ଉଦ୍ୟମ କରିବା ଓ ମାଡ଼ମାରି ଲହୁ ଲୁହାଣ କରିଥିବା ଅଭିଯୋଗରେ ଗିରଫ ହୋଇ ୭ମାସ ଜେଲ୍ ଦଣ୍ଡ ଭୋଗି କିଛି ଦିନ ପୂର୍ବରୁ ଜାମିନରେ ଆସିଥିବା ଜଣାପଡିଛି । ଜେଲରୁ ଫେରିବା ପରେ ଅଭିଯୁକ୍ତ ବିଜୟ ବିଧବା ମହିଳା ମାଳତିଙ୍କ ଘରେ ପହଞ୍ଚି ପୁଣି ଧମକ ଦେଇଥିବା ଅଭିଯୋଗ ହୋଇଥିଲା । ଅଭିଯୋଗରେ ମାଳତୀ ଓ ତାଙ୍କ ପରିବାର ସମସ୍ତଙ୍କ ଜୀବନ ପ୍ରତି ବିପଦ ଥିବା ଦର୍ଶାଇବା ସହ ଏହି ଘଟଣାରେ ମଙ୍ଗଳପୁର ଅଞ୍ଚଳର କିଛି ଯୁବକ ବିଜୟକୁ ସହଯୋଗ କରୁଥିବା ଲେଖିଛନ୍ତି । ସୁକିନ୍ଦା ପୁଲିସ ଶନିବାର କୁନାକୁ ଗିରଫ କରି ଥାନାରେ ଅଟକ ରଖି ଘଟଣାର ତଦନ୍ତଜାରୀ ରଖିଛି ।
