ପୁଲିସ ଉପସ୍ଥିତିରେ ବ୍ୟବସାୟୀଙ୍କୁ ଆକ୍ରମଣ
Rasmita Behera
।ା ପ୍ରଭାନୁ୍ୟଜ ।ା ସିଂହପୁର: ଏହି ଥାନା ଅନ୍ତର୍ଗତ ସିଂହପୁର ବଜାରରେ କାଳୀପୂଜାର ଅସ୍ଥାୟି ଦୋକାନୀଙ୍କୁ ପୁଲିସ ଉପସ୍ଥିତିରେ ସ୍ଥାନୀୟ ଯୁବକ ଆକ୍ରମଣ କରିଥିବା ନେଇ ଥାନାରେ ଅଭିଯୋଗ ହୋଇଛି । ପୁଲିସ ଅଭିଯୋଗକୁ ଭିତ୍ତିକରି ମାମଲା ରୁଜକରିଛି । ଅଭିଯୋଗ ମତେ ଗତକାଲି ରାତି ପ୍ରାୟ ୯ସମୟରେ ସିଂହପୁର କାଳୀ ପୂଜାରେ ଦୋକାନ ପକାଇଥିବା ସରୋଜ କୁମାର ସାହୁଙ୍କୁ ସିଂହପୁର ଗ୍ରାମର ଅର୍ଜୁନ ଯେନାଙ୍କ ପୁଅ ଅଭିମନୁ୍ୟ ଚାନ୍ଦା ମାଗିବା ସହିତ ର୍ଦୁବ୍ୟବହାର ଦେଖାଇଥିଲା । ତେବେ ବ୍ୟବସାୟି ସଂଘକୁ ପୂଜା ପାଇଁ ନିଦ୍ଧାରିତ ଅର୍ଥରାଶି ପ୍ରଦାନ କରାଯାଇ ଦୋକାନ ପକାଯାଇଛି ଅନ୍ୟ କୈାଣସି ବ୍ୟକ୍ତିଙ୍କୁ ଚାନ୍ଦା ଦେବିନାହିଁ ବୋଲି କହିବାରୁ ଅଭିମନୁ୍ୟ ବ୍ୟବସାୟିଙ୍କୁ ନିଜର ୧୦ରୁ ଉର୍ଦ୍ଧ ସହଯୋଗୀଙ୍କ ସହିତ କାଠ ଫାଳିଆରେ ଆକ୍ରମଣ କରିଥିଲେ । ଆକ୍ରମଣରେ ପୁଲିସ ଉପସ୍ଥିତି ରହିଥିବା ଏକ ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେଉଛି । ପୁଲିସ କର୍ମୀଙ୍କ ଉପସ୍ଥିତିରେ ଏଭଳି ଆକ୍ରମଣ ଘଟିଥିଲେ ମଧ୍ୟ ପୁଲିସ ଏଯାବତ ଅଭିଯୁକ୍ତଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ଗ୍ରହଣ କରିନଥିବାରୁ ସାଧାରଣରେ ଅସନ୍ତୋଷ ପ୍ରକାଶ ପାଉଛି । ଅନ୍ୟ ପକ୍ଷରେ ଏହି ଆକ୍ରମଣରେ ବ୍ୟବସାୟି ସରୋଜ ସାହୁଙ୍କର ଗୋଡ ଭାଙ୍ଗିଯାଇଥିବା ଜଣାପଡିଛି । ଏହି ଘଟଣାରେ ପୁଲିସ ତୁରନ୍ତ କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ ଅଭିଯୋଗକାରୀ ନିବେଦନ କରିଛନ୍ତି ।
