ଠେଲାଗାଡି ଚୋରି କରି ୨ ସିକୁ୍ୟରିଟି ଗାର୍ଡ ଗିରଫ
Jitendra Sahu
ଭୁବନେଶ୍ୱର, ୨୦ା୪ : ଗୋପବନ୍ଧୁ ଛକରୁ ଜଣେ ଦୋକାନୀଙ୍କ ଠେଲାଗାଡିକୁ ଚୋରି କରିଥିବା ଅଭିଯୋଗରେ ଖଣ୍ଡଗିରି ଥାନା ପୁଲିସ ୨ ଜଣ ସିକୁ୍ୟରିଟି ଗାର୍ଡଙ୍କୁ ଗିରଫ କରି କୋର୍ଟ ଚାଲାଣ କରିଛି । ଗିରଫ ୨ ଅଭିଯୁକ୍ତ ହେଲେ, ପୁରୀ ଜିଲ୍ଲାର ସୁରେଶ ପଢ଼ିଆରୀ ଓ ଯାଜପୁର ଜିଲ୍ଲାର ମନୋଜ କୁମାର ମଲ୍ଲୀକ । ଏମାନଙ୍କ ଠାରୁ ଚୋରି ହୋଇଥିବା ଠେଲାଗାଡିକୁ ମଧ୍ୟ ଜବତ କରାଯାଇଛି । ପରେ ଥାନା କେସ ନମ୍ବର, ୨୮୫ରେ ମାମଲା ରୁଜୁକରି ଦଫା ୩୭୯,୩୪ ଆଇପିସି ଧାରାରେ କୋର୍ଟ ଚାଲାଣ କରାଯାଇଛି ।
ସୂଚନାଯୋଗ୍ୟଯେ, ଅଭିଯୋଗକାରୀ ସୁକାନ୍ତ ମୁଦୁଲି ଗତ ତିନି ବର୍ଷ ହେବ ଗୋପବନ୍ଧୁ ଛକ ନିକଟରେ ଠେଲାଗାଡି ସହାୟତାରେ ଚାର୍ଟ ବ୍ୟବସାୟ କରନ୍ତି । ଗତ ୧୦ ତାରିଖ ରାତିରେ ସେ ଦୋକାନ ବନ୍ଦ କରି ଘରକୁ ଯାଉଥିବା ବେଳେ, ଦୁଇ ଭିନ୍ନ ଭିନ୍ନ ସଂସ୍ଥାରେ ସିକୁ୍ୟରିଟି ଗାର୍ଡ ଭାବେ ଚାକିରି କରୁଥିବା ଦୁଇ ଅଭିଯୁକ୍ତ ବିଳମ୍ବିତ ରାତିରେ ଅଭିଯୋଗକାରୀଙ୍କ ଉକ୍ତ ଠେଲାଗାଡିକୁ ୨ଟି ବାଇକରେ ସେଠାରୁ ଚୋରିକରି ନେଇ ଇନଫୋସିଟି ଅନ୍ତର୍ଗତ ଡିଏଲଫ୍ ପଛ ପାଶ୍ୱର୍କୁ ସ୍ଥାନାନ୍ତର କରିଥିଲେ । ତା ପରଦିନ ସନ୍ଧ୍ୟାରେ ଅଭିଯୋଗକାରୀ ଦୋକାନ ଖୋଲିବା ଲାଗି ଯାଇଥିବା ବେଳେ ତାଙ୍କ ଠେଲାଗାଡି ଚୋରି ହୋଇଯାଇଥିବା ଯାଣିବାକୁ ପାଇଥିଲେ । ପରେ ସେ ଏନେଇ ଖଣ୍ଡଗିରି ଥାନାରେ ଅଭିଯୋଗ କରିଥିଲେ । ଅଭିଯୋଗ ପରେ ପୁଲିସ ମାମଲା ରୁଜୁକରି ତଦନ୍ତ ଚଳାଇ ଦୁଇ ଅଭିଯୁକ୍ତଙ୍କୁ ଗିରଫ କରିବା ସହ ଇନଫୋସିଟି ଅଞ୍ଚଳରୁ ଠେଲାଗାଡିକୁ ଉଦ୍ଧାର କରାଯାଇ ଅଭିଯୋଗକାରୀଙ୍କୁ ହସ୍ତାନ୍ତର କରାଯାଇଛି ।
