ଗୋରୁ ବୋଝେଇ ଟ୍ରକ-ପିକ୍ଅପ ଜବତ
Rasmita Behera
।ା ପ୍ରଭାନୁ୍ୟଜ ।ା ଆନନ୍ଦପୁର: ଆନନ୍ଦପୁର ପୁଲିସ ୪ ଗୋରୁ ବୋଝେଇ ଟ୍ରକ ଓ ପିକଅପ ଜବଦ କରିଛି । ଜବଦ ଗାଡ଼ିରୁ୧୩୦ଟି ଗୋରୁଙ୍କୁ ପୁଲିସ ଉଦ୍ଧାର କରିଛି । ସୂଚନା ଅନୁଯାୟୀ ଗୁରୁବାର ବିଳମ୍ବିତ ରାତିରେ ଗୋ ସଂପଦ ଚୋରା ଚାଲାଣ ହେଉଥିବା ନେଇ ପୁଲିସକୁ ଖବର ମିଳିଥିଲା ।ଏସଡିପିଓ ପ୍ରଶାନ୍ତ କୁମାର ବେହେରାଙ୍କ ନିର୍ଦେଶରେ ଆନନ୍ଦପୁର ଥାନା ଅଧିକାରୀ ଲକ୍ଷ୍ମୀକାନ୍ତ ପ୍ରଧାନ ସଦଳ ବେଳେ ଭିନ୍ନଭିନ୍ନ ସମୟରେ ଗୋରୁ ଗାଡିଙ୍କ ପିଛା କରି ଦୁଇଟି ଗୋରୁ ବୋଝେଇ ଟ୍ରକ ଏବଂ ଦୁଇଟି ପିକଅପ ଭ୍ୟାନକୁ ଆନନ୍ଦପୁର-କରଞ୍ଜିଆ ରୋଡ଼ କୋଡ଼ପୋଡା ଛକ ନିକଟରେ ଜବଦ କରିଥିଲେ । ଜବଦ ପିକଅପ ଓଡ଼ି୧୧ଏଏ-୩୯୮୮ ଏବଂ ଓଡ଼ି୦୯ଏଏ-୨୮୪୭ରେ ୩୦ଗୋଟି ଗୋରୁ ଫକୀରପୁରରୁ ଚାଲାଣ କରାଯାଇଥିବା ବେଳେ ଏହାକୁ ଏକ ବୋଲେରୋ ସୁରକ୍ଷା ଦେଇ ମାଫିଆ ନେଇ ଯାଉଥିଲେ । ସେହିପରି ଅନୁଗୁଳ କଟକ ରୋଡ଼ରୁ ଓଡ଼ି୩୪ଏନ-୫୫୬୦ ଏବଂ ଓଡ଼ି୦୯ଏଏ-୭୨୧୧ ନମ୍ବର ଦୁଇଟି ୧୨ ଚକିଆ ଟ୍ରକରୁ ୧୧୦ଟି ଗୋରୁ ରାଜ୍ୟ ବାହାରକୁ ବାହାରକୁ ଚାଲାଣ କରାଯାଉଥିଲା । ଏନେଇ ଦୁଇଟି ପୃଥକ ପୃଥକ ମାମଲା ରୁଜୁ ହୋଇଥିବା ବେଳେ ଘଟଣାରେ ସମ୍ପୃକ୍ତି ନେଇ ସମ୍ପୃକ୍ତ ୪ଜଣ ଡ୍ରାଇଭରଙ୍କ ସମେତ ମୋଟ ୧୧ଜଣଙ୍କୁ ପୁଲିସ ଅଟକ ରଖିଛି । ତେବେ ସମ୍ପୃକ୍ତ ଗୋରୁ ମାନଙ୍କୁ ବାଲେଶ୍ୱର ପଞ୍ଚଲିଙ୍ଗେଶ୍ୱର ଏବଂ କେନ୍ଦୁଝରରେ ଥିବା ଗୋଶାଳାକୁ ପଠାଯାଇଥିବା ନେଇ ଏସଡିପିଓ ଶ୍ରୀ ବେହେରା ସୂଚନା ଦେଇଛନ୍ତି ।
