ଅଜଣା ଟ୍ରକ ଧକ୍କାରେ ଯୁବକଙ୍କ ମୃତୁ୍ୟ
Rasmita Behera
ାା ପ୍ରଭାନୁ୍ୟଜ୍ ।ା ନୀଳଗିରି, : ଗତ ୧ତାରିଖ ବିଳମ୍ବିତ ରାତ୍ରି ପ୍ରାୟ ଦୁଇ ଘଟିକା ବେଳେ ଏକ ଅଜଣା ଟ୍ରକ ଧକ୍କାରେ ଘଟଣା ସ୍ଥଳରେ ଯୁବକର ଶୋଚନୀୟ ମୃତୁ୍ୟକୁ ନେଇ ଅଞ୍ଚଳ ସ୍ତବ୍ଦ ହୋଇ ଯାଇଛି । ଘଟଣା ଅନୁଯାଇ ନୀଳଗିରି ଥାନା ଅନ୍ତର୍ଗତ ସାନଅତା ଗ୍ରାମର ସ୍ୱର୍ଗତ ଦିଲ୍ଲୀପ ରାଉତଙ୍କ ସାନ ପୁତ୍ର ବାବାଲି ଓରଫ କିଶୋର କୁମାର ରାଉତ (୨୮) ରାତି ପ୍ରାୟ ଦୁଇ ଘଟିକା ସମୟରେ ଘରକୁ ଫେରୁଥିବା ବେଳେ ଏକ ଅଜଣା ଟ୍ରକ ଆସିବାରୁ ବାବାଲି ଗାଡ଼ି ଆଗରେ ଛିଡା ହୋଇ ଗାଡ଼ି ଅଟକାଇବାକୁ ଚେଷ୍ଟା କରୁଥିବା ବେଳେ ଉକ୍ତ ଟ୍ରକ ନଅଟକି ବାବାଲିକୁ ଧକ୍କା ଦେଇ ଦ୍ରୁତ ବେଗରେ ନୀଳଗିରି ସଜନାଗଡ଼ ରାସ୍ତାରେ ଫେରାର ହୋଇ ଯାଇଥିଲା । ଧକ୍କା ଦେବା ଫଳରେ ରାସ୍ତା ପାର୍ଶ୍ୱକୁ ଛିଟିକି ପଡିବାରୁ ମୁଣ୍ଡ ପଛପାଖ ପିଚୁରି ବାଡେଇଯାଇଥିଲା । ଶକ୍ତ ଆଘାତ ଯୋଗୁଁ ଘଟଣା ସ୍ଥଳରେ ଉକ୍ତ ଯୁବକର ମୃତୁ୍ୟ ହୋଇ ଯାଇଥିଲା । ପରେ ନୀଳଗିରି ଡାକ୍ତର ଖାନା କୁ ଅଣାଯାଇଥିଲେ ହେଁ ଡାକ୍ତର ମୃତ ଘୋଷଣା କରିଥିଲେ । ଏନେଇ ଅଞ୍ଚଳ ବାସି ସ୍ତବ୍ଧ ହୋଇପଡ଼ିଛନ୍ତି । ନୀଳଗିରି ଥାନା ପକ୍ଷରୁ ୨୮୩/୨୪ ମୂଳେ ଏକ ଅପମୃତୁ୍ୟ ମାମଲା ରୁଜ୍ଜୁ କରି ଶବ ବ୍ୟବଚ୍ଛେଦ କରି ପରିବାର କୁ ହସ୍ତାନ୍ତର କରି ତଦନ୍ତ ଜାରି ରଖିଛି ପୁଲିସି ।
