ଆନ୍ତଃ ମହାବିଦ୍ୟାଳୟ ପୁରୁଷ ହକି ପ୍ରତିଯୋଗିତା ଉଦ୍ୟାପିତ
Rasmita Behera
ଯାଜପୁର ଟାଉନ : ରବିବାର ଉକôଳ ବିଶ୍ୱବିଦ୍ୟାଳୟ ଆନୁକୁଲ୍ୟରେ ଆନ୍ତଃ ମହାବିଦ୍ୟାଳୟ ପୁରୁଷ ହକି ପ୍ରତିଯୋଗୀତା ଯାଜପୁର ହକି ଟ୍ରେନିଂ ସେଣ୍ଟରରେ ନରସିଂହ ଚୌଧୁରୀ ସ୍ୱୟଂଶାସିତ ମହାବିଦ୍ୟାଳୟ ଦ୍ୱାରା ଅନୁଷ୍ଠିତ ହୋଇଯାଇଛି । ପ୍ରତିଯୋଗୀତାରେ ୯ଗୋଟି ଦଳ ଭାଗ ନେଇଥିଲେ । ଫାଇନାଲ ଖେଳରେ ସରକାରୀ ଶାରୀରିକ କ୍ରୀଡା ମହାବିଦ୍ୟାଳୟ ଭୁବନେଶ୍ୱରକୁ ହରାଇ ନିଶ୍ୱାସ କଲେଜ ଭୁବନେଶ୍ୱର ବିଜୟୀ ହୋଇଛି । ଏହି ପ୍ରତିଯୋଗିତାରେ ନରସିଂହ ଚୌଧୁରୀ ସ୍ୱୟଂଶାସିତ ମହାବିଦ୍ୟାଳୟର ବିଜୟ କୁମାର ସୋଏ ଶ୍ରେଷ୍ଠ ଖେଳାଳି ଭାବେ ପୁରସ୍କୃତ ହେଇଛନ୍ତି । ଉକ୍ତ ପ୍ରତିଯୋଗୀତାକୁ ଖେଳ ଶିକ୍ଷକ ରଞ୍ଜନ ସୁତାରଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ଅନୁଷ୍ଠିତ ହୋଇଯାଇଛି । ଉଦ୍ୟାପନୀ ଉସôବରେ ନରସିଂହ ଚୌଧୁରୀ ସ୍ୱୟଂଶାସିତ ମହାବିଦ୍ୟାଳୟ ଅଧ୍ୟକ୍ଷ ଡକ୍ଟର ରଞ୍ଜନ ବେହେରା ମୁଖ୍ୟ ଅତିଥି ଭାବେ ପୁରସ୍କାର ବିତରଣ କରିଥିଲେ । ଅନ୍ୟ ସମ୍ମାନିତ ଅତିଥି ଭାବେ ଜିଲ୍ଲା କ୍ରୀଡା ଅଧିକାରୀ ଫକିର ମୋହନ ତୁଡୁ, ଦିବ୍ୟଲୋଚନ ସିଂହ ଯୋଗ ଦେଇଥିଲେ । ଅମୂଲ୍ୟ ବେହେରା, ଜ୍ୟୋତିର୍ମୟ ନାଥଶର୍ମା, ରିତେନ୍ଦ୍ର ବିଶ୍ୱାଳ, ଜିତେନ୍ଦ୍ର ମହାନ୍ତି, ପ୍ରକାଶ ଲଲା, ଲୋକନାଥ ମହାପାତ୍ର, ସଂଜୀବ ଭଦ୍ର ଓ ମହେଶ୍ୱର ବିଶ୍ୱାଳ ଖେଳ ପରିଚାଳନା କରିଥିଲେ । ଖେଳ ଶିକ୍ଷକ ରଞ୍ଜନ ସୁତାର ଧନ୍ୟବାଦ ଅର୍ପଣ କରିଥିଲେ ।
