ଓଏସ୍ଡି ସମର କ୍ୟାମ୍ପ ଉଦ୍ୟାପିତ
Rasmita Behera
ଧର୍ମଶାଳା: ଏହିବ୍ଲକ ନେଉଳପୁର ନୀଳସୁନ୍ଦର ନୋଡାଲ ହାଇସ୍କୁଲ ପରିସରରେ ଓଡିଶା ଏସଡିପିଏ ପକ୍ଷରୁ ଏକ ସମର କ୍ୟାମ୍ପ ଅନୁଷ୍ଠିତ ହୋଇଯାଇଛି । ୧୮ତାରିଖରୁ ଆରମ୍ଭ ହୋଇଥିବା ଏହି କ୍ୟାମ୍ପ ୨୦ତାରିଖରେ ଉଦଯାପିତ ହୋଇଛି । କ୍ୟାମ୍ପରେ ଯୋଗ ଦେଇଥିବା ଖେଳାଳି କୋଚ ମାନଙ୍କ ଦ୍ୱାରା ବିଭିନ୍ନ ପ୍ରକାର କ୍ରୀଡା ପ୍ରଶିକ୍ଷଣ ନେଇଥିଲେ । ରାଜସ୍ଥାନ ଜୋଦପୁର ଠାରେ ୨୩ ତାରିଖରୁ ୨୬ ତାରିଖ ପର୍ଯ୍ୟନ୍ତ ହେବାକୁ ଥିବା ଜାତୀୟ ସ୍ତରୀୟ ଖେଳ କୁଦରେ ଏହି ଖେଳାଳିମାନେ ଭାଗ ନେବେ । କ୍ୟାମ୍ପରେ ଯାଜପୁର, କଟକ, କେନ୍ଦ୍ରାପଡ଼ା, ଢେଙ୍କାନାଳ,ପୁରୀ ଓ ଜଗତସିଂହପୁର ଆଦି ୬ଗୋଟି ଜିଲାରୁ କବାଡି, ଫୁଟବଲ ଓ ଭଲି ଖେଳରେ ଯୋଗ୍ୟ ବିବେଚିତ ହୋଇଥିବା ୪୬ଜଣ ଖେଳାଳି ଅଂଶ ଗ୍ରହଣ କରିଥିଲେ । ଏସଡିପିଏ ସଭାପତି ପ୍ରତାପ କୁମାର ବଳଙ୍କ ସଭାପତିତ୍ୱରେ ଅନୁଷ୍ଠିତ ଉଦଯାପନୀ ଉତ୍ସବରେ ମୁଖ୍ୟ ଅତିଥି ଭାବେ ଧର୍ମଶାଳା ବିଧାୟକ ହିମାଂଶୁ ଶେଖର ସାହୁ, ସମ୍ମାନିତ ଅତିଥି ଭାବେ ସାଧାରଣ ସମ୍ପାଦକ ଜଗଦୀଶ ସାମଲ, ନୋଡାଲ ଅଫିସର ଶାନ୍ତନୁ କୁମାର ପୃଷ୍ଟି, ଯୁଗ୍ମ ସମ୍ପାଦକ ସେକ ସାକିର ଯୋଗ ଦେଇ ଖେଳାଳିମାନଙ୍କୁ ଉତ୍ସାହିତ କରିଥିଲେ ।
