ଜବାହର ନବୋଦୟର ବାର୍ଷିକ କ୍ରୀଡ଼ା
Rasmita Behera
ଆନନ୍ଦପୁର:କେନ୍ଦୁଝର ଜିଲ୍ଲା ପିଏମଶ୍ରୀ ଜବାହାର ନବଦୋୟ ବିଦ୍ୟାଳୟର ବାର୍ଷିକ କ୍ରୀଡ଼ା ଉଦଘାଟିତ ହୋଇଯାଇଛି । ଅଧ୍ୟକ୍ଷ ପି.ମଣିକଣ୍ଡନଙ୍କ ଅଧ୍ୟକ୍ଷତାରେ ସ୍କୁଲ ପରିସରରେ ଆୟୋଜିତ କ୍ରୀଡା ସମାରୋହକୁ ଅତିଥି ଭାବେ ଯୋଗ ଦେଇଥିବା ଜିଲ୍ଲା ପରିଷଦ ଉପାଧ୍ୟକ୍ଷ ସୋମନାଥ ଦାସ ଉଦ୍ଘାଟନ କରିଛନ୍ତି । ବାର୍ଷିକ କ୍ରୀଡାତ୍ସୋବ ଉପଲକ୍ଷେ ଅତିଥି ପତାକା ଉତ୍ତୋଳନ କରିବା ପରେ ଛାତ୍ରଛାତ୍ରୀ ଦ୍ୱାରା ପ୍ରଦର୍ଶିତ ପ୍ୟାରେଡ ବୁଲି ଦେଖିଥିଲେ । ଏହ ଅବସରରେ ଅତିଥି ଯାଜପୁର ଓଡିÿଶା ଆଦର୍ଶ ବିଦ୍ୟାଳୟର ଅଧ୍ୟକ୍ଷ ଦିଲ୍ଲୀପ୍ ସାହୁ, ହଦଗଡ ପିଏମଶ୍ରୀ ଜବାହାର ନବୋଦୟ ବିଦ୍ୟାଳୟ ଅଧ୍ୟକ୍ଷ ପି. ମଣିକଣ୍ଡନଙ୍କ ଏବଂ ଉପାଧ୍ୟକ୍ଷ ଉପେନ୍ଦ୍ରନାଥ ମଲ୍ଲିକ୍ ଛାତ୍ରଛାତ୍ରୀମାନଙ୍କୁ କ୍ରୀଡାର ମହନୀୟତା ସମ୍ପର୍କରେ ଉଦ୍ବୋଧନ ଦେଇଥିଲେ । ବିବାଦମୁକ୍ତ କ୍ରୀଡ଼ା ପ୍ରଦର୍ଶନ ପାଇଁ ସ୍ପୋର୍ସ କ୍ୟାପଟେନଙ୍କ ଶପଥପାଠ ପରେ ବିଭିନ୍ନ ଇଭେଣ୍ଟର ଅଶଂ ଗ୍ରହଣକାରୀ ପ୍ରତିଯୋଗୀ ସେମାନଙ୍କର ଦକ୍ଷତା ପ୍ରଦର୍ଶନ କରିଥିଲେ । ୧୦୦ମିଟର ଦୌଡ, ଡିସକସ, ଜାବଲିନ୍ ଥ୍ରୋ ଭଳି ୧୨ପ୍ରକାର ଇଭେଣ୍ଟରେ ଶତାଧିକ କ୍ରୀଡାବିତ୍ ଭାଗନେଇ ସେମାନଙ୍କର ଦକ୍ଷତା ପ୍ରଦର୍ଶନ କରିଥିଲେ । କ୍ରୀଡା ଶିକ୍ଷକ ସରୋଜା ଦେବୀ ଏବଂ ପବନ କୁମାରଙ୍କ ତତ୍ତ୍ୱାବଧାନରେ ସ୍ପୋର୍ସ ଇଭେଣ୍ଟ ପରିଚାଳନା ହୋଇଥିଲା । ପିଏମଶ୍ରୀ ଜବାହାର ନବଦୋୟ ବିଦ୍ୟାଳୟ ହଦଗଡର ଓଡ଼ିଆ ଭାଷା ଶିକ୍ଷକ କ୍ରୀଡ଼ାକୁ ପରିଚାଳନା କରିଥିଲେ ।
