ଜୁଆଆଡ୍ଡାରେ ପୁଲିସ ଚଢ଼ାଉ; ୩ ଗିରଫ
Jitendra Sahu
ଭୁବନେଶ୍ୱର, ୧୩ା୧୧ : ବେଆଇନ୍ ଭାବେ ଜୁଆଆଡ୍ଡା ଚାଲିଥିବା ବେଳେ ଖବର ପାଇ ମାଡି ବସିଲା ବାଲିଅନ୍ତା ଥାନା ପୁଲିସ । ଘଟଣା ସ୍ଥଳରୁ ୩ ଜଣ ଜୁଆଡିଙ୍କୁ ଗିରଫ କରିବା ସହ ସେମାନଙ୍କ ଠାରୁ ତାସ, ୧୦ ହଜାର ଟଙ୍କା, ୩ଟି ମୋବାଇଲ ଫୋନ୍ ଜବତ କରାଯାଇଛି । ହେଲେ ବାକି କିଛି ଜୁଆଡି ପୁଲିସକୁ ଚକମା ଦେଇ ଫେରାର ହୋଇଯାଇଥିଲେ । ଗିରଫ ୩ ଅଭିଯୁକ୍ତ ହେଲେ, ବାଲିଅନ୍ତା ପଣସ ପାଟ୍ଟଣାର କିଶୋର ଚନ୍ଦ୍ର ସାହୁ, ପ୍ରଦିପ୍ କୁମାର ସାହୁ ଓ ପ୍ରଭାତ କୁମାର ସାହୁ । ଆଜି ସମସ୍ତଙ୍କୁ କୋର୍ଟ ଚାଲାଣ କରାଯାଇଛି ।
ସୂଚନା ଯୋଗ୍ୟଯେ, ଗତକାଲି ବାଲିଅନ୍ତା ଥାନା ଅଧିକାରୀ ରବିନ୍ଦ୍ର ମେହେରାଙ୍କ ନିଦେ୍ର୍ଦଶ କ୍ରମେ ଥାନାର ଏକ ପେଟ୍ରୋଲିଂ ଟିମ ନିଜ ଅଞ୍ଚଳରେ ସନ୍ଧ୍ୟାକାଳୀନ ପେଟ୍ରୋଲିଂ କରୁଥିବା ବେଳେ, ୩ ଅଭିଯୁକ୍ତଙ୍କ ସମେତ କିଛି ସହଯୋଗୀ ମିଶି ଭାର୍ଗବୀ ନଦୀକୂଳରେ ଥିବା ମା ମାଟି ହାଣ୍ଡିଶାଳ ନିକଟରେ ବେଆଇନ୍ ଭାବେ ଜୁଆ ଖେଳୁଥିଲେ । ଏହି ଖବର ପେଟ୍ରୋଲିଂ ଟିମ ଖବର ପାଇ ଅଚାନକ ସେଠାରେ ଚଢ଼ାଉ କରିବା ସମୟରେ ଘଟଣା ସ୍ଥଳରୁ ୪ ଜଣ ଫେରାର ହୋଇଯାଇଥିବା ବେଳେ ୩ ଜଣଙ୍କୁ ଟିମ କାବୁ କରିବାରେ ସଫଳ ହୋଇଥିଲା । ଏହି ସମୟରେ ଖେଳ ଚାଲୁଥିବା ପାଲିରୁ ପୁଲିସ ୩ଟି ମୋବାଇଲ, ୧୦ ହଜାର ଟଙ୍କା, ତାସ ଜବତ କରି ୩ ଅଭିଯୁକ୍ତଙ୍କୁ ଥାନାକୁ ଆଣିଥିଲେ । ପରେ ଏନେଇ ପୁଲିସ ମାମଲା ରୁଜୁକରି ଆଜି ସମସ୍ତଙ୍କୁ କୋର୍ଟ ଚାଲାଣ କରିଛି ।
