ଡିଭାଇଡର ଉପରେ ମାଡ଼ିଗଲା ଟ୍ରକ, ଅଳ୍ପକେ ବର୍ତ୍ତିଲେ ଚାଳକ
Rasmita Behera
3691
ହିଞ୍ଜିଳିକାଟୁ: ହିଞ୍ଜିଳିକାଟୁ ୫୯ ନଂ ଜାତୀୟ ରାଜପଥରେ ସୋନପୁର ଛକରେ ଏକ ୧୮ ଚକିଆ ଟ୍ରକ ଭାରସାମ୍ୟ ହରାଇ ଡିଭାଇଡର ଉପରକୁ ଚଢ଼ି ଯାଇ ଲାଗିଥିବା ଲୁହା ବାଡ଼କୁ ଛିନ୍ଛତର କରି ଦେବା ସହ ଟ୍ରକ ଆଗ ଭାଗ ସମ୍ପୂର୍ଣ୍ଣ ନଷ୍ଟ ହୋଇଯାଇଛି । ମାତ୍ର ଅଳ୍ପକେ ବର୍ତ୍ତି ଯାଇଛନ୍ତି ଚାଳକ ଓ ହେଲ୍ଫର । ଚାଳକ ଜଣକ ହେଲେ ବିହାର ରାଜ୍ୟର ମୁଜାଫରପୁର ଜମାଲପୁର ଅଞ୍ଚଳର ବିଘ୍ନ କୁମାର (୨୪) । ଏହି ଟ୍ରକରେ ଲୁହା ସାମଗ୍ରୀ ବୋଝେଇ ହୋଇଥିଲା । ଟ୍ରକଟି ଆସିକା ଅଭିମୁଖେ ଯାଉଥିବା ବେଳେ ଏହି ଦୁର୍ଘଟଣା ଘଟିଛି । ଭାଗ୍ୟବଶତଃ ମଧ୍ୟାହ୍ନରେ ରାସ୍ତାରେ ଲୋକଙ୍କର ଯିବା ଆସିବା ବହୁତ୍ କାମ ରହିଥିଲା । ତେଣୁ ଏକ ବଡ଼ ଦୁର୍ଘଟଣାରୁ ରକ୍ଷା ମିଳିଛି । ଏହି ରାସ୍ତାରେ ବାରମ୍ବାର ଦୁର୍ଘଟଣା ଘଟି ଧନଜୀବନ ନଷ୍ଟ ହେଉଥବାରୁ ବାଇପାସ୍ ରାସ୍ତାର ଆବଶ୍ୟକତା ଜରୁରୀ ହୋଇପଡିଛି ବୋଲି ସାଧାରଣରେ ଦାବି ହୋଇଛି ।
