ପରିବର୍ତ୍ତନ ଫାଉଣ୍ଡେସନ ପ୍ରତିଷ୍ଠା ଦିବସ
Rasmita Behera
ନବରଙ୍ଗପୁର: ନବରଙ୍ଗପୁର ପୌରପରିଷଦ କଲ୍ୟାଣ ମଣ୍ଡପରେ ପରିବର୍ତ୍ତନ ଫାଉଣ୍ଡେସନ ସଭାପତି ନିନି ବାବୁ ତ୍ରିପାଠୀଙ୍କ ଅଧ୍ୟକ୍ଷତାରେ ପ୍ରତିଷ୍ଠା ଦିବସ ପାଳିତ ହୋଇଛି । ଏହି ଅବସରରେ ମୁଖ୍ୟଅତିଥି ସମାଜସେବୀ ତଥା ଫାଉଣ୍ଡେସନର ମୁଖ୍ୟ ଉପଦେଷ୍ଟା ଜଗନ୍ନାଥ ମହାପାତ୍ର ଯୋଗ ଦେଇଥିବାବେଳେ, ଅନ୍ୟତମ ଅତିଥି ଝାଡେଶ୍ୱର ଖାଡଙ୍ଗା, ଓଡ଼ିଶା ଓକିଲ ସଂଘ ଉପସଭାପତି ନରସିଂହ ତ୍ରିପାଠୀ, ରାଜ୍ୟ ଅମଲା ସଂଘର ସଭାପତି ତ୍ରିପତି ବାଲାଜୀ ସାହୁ, ପାପଡ଼ାହାଣ୍ଡି ପଞ୍ଚାୟତ ସମିତି ଉପସଭାପତି ସୁଶାନ୍ତ ବେହେରା, ଜିଲ୍ଲା କ୍ରୀଡା ସଂଘ ସହସମ୍ପାଦକ ମନୋଜ ପଟ୍ଟନାୟକ, ସମାଜସେବୀ ସିରାଜ୍ଉଦ୍ଦିନ ଅହମ୍ମଦ, ଜାଫର କାଦ୍ରିୟ, ଦିନଦୟାଲ ଜୈନ ଏବଂ ସ୍ୱର୍ଣ୍ଣାଲତା ପଟ୍ଟନାୟକ, ପି. ଭେଙ୍କଟ, ସୁଧାକର ପାଢୀ, ନଗେନ୍ଦ୍ର ପଟ୍ଟନାୟକ ପ୍ରମୁଖ ମଞ୍ଚାସିନ ଥିଲେ । ପ୍ରାରମ୍ଭରେ ସଭାପତି ଶ୍ରୀ ତ୍ରିପାଠୀ ଫାଉଣ୍ଡେସନ ଗଠନ ହେବାର ଲକ୍ଷ ଏବଂ ଉଦେ୍ଦଶ୍ୟ ସମ୍ପର୍କରେ ଉପସ୍ଥାପନ କରିଥିବା ବେଳେ, ସଂଘ ସଦସ୍ୟ ଫାଲଗୁନୀ ପାତ୍ର କାର୍ଯ୍ୟପନ୍ଥା ସମ୍ପର୍କରେ ଆଲୋଚନା କରିଥିଲେ । କାର୍ଯ୍ୟକ୍ରମରେ ବିଭିନ୍ନ ସ୍ତରରେ ନବରଙ୍ଗପୁର ଜିଲ୍ଲାକୁ ସ୍ୱତନ୍ତ୍ର ପରିଚୟ ସୃଷ୍ଟି କରିଥିବା ବ୍ୟକ୍ତି ଏବଂ ଅନୁଷ୍ଠାନଙ୍କୁ ଅତିଥିଙ୍କ ଦ୍ୱାରା ମାନପତ୍ର ଦେଇ ସମ୍ମାନିତ କରାଯାଇଥିଲା । ଶେଷରେ ପରିବର୍ତ୍ତନ ଫାଉଣ୍ଡେସନ ସଭାପତି ନିନୀବାବୁ ତ୍ରିପାଠୀ ଧନ୍ୟବାଦ ଅର୍ପଣ କରିଥିବା ବେଳେ, ସଦସ୍ୟ ବିକ୍ରମ ଦାସ କାର୍ଯ୍ୟକ୍ରମ ପରିଚାଳନା, ସୁଧୀର କୁମାର ସିଂ, ସୋମେଶ ଖରା, ଶୀତଳ ପାଣିଗ୍ରାହୀ, ଟାକୁନା ବେହେରା, ଆଲୋକ ସାହୁ, ରବି ପ୍ରସାଦ, ଅଭିଳାଷ ନାୟକ, ରବୀନ୍ଦ୍ର ତ୍ରିପାଠୀ, ଅଭିନାଶ ମହାପାତ୍ର, ପିୟୁଷ ଜୈନ, ସୁମିତ ପାଳ, ଉପେନ୍ଦ୍ର ଷଡ଼ଙ୍ଗୀ ସମେତ ଅନ୍ୟ ସଦସ୍ୟ ସହଯୋଗ କରିଥିଲେ ।
