ବିଭିନ୍ନ ସ୍ଥାନରେ ୯୦ତମ ଓଡ଼ିଶା ଦିବସ ପାଳିତ ": ଓଡ଼ିଆ ଭାଷା ସାହିତ୍ୟର ପ୍ରସାର ପ୍ରଚାର ଜରୁରୀ'

 ସାରସକଣା : ମୟୂରଭଞ୍ଜ ଜିଲ୍ଲା ସାରସକଣା ବ୍ଲକ ସ୍ଥିତ ସୀମାନ୍ତ ମହାବିଦ୍ୟାଳୟ ପରିସରରେ ଆଜି ମହାଆଡମ୍ବର ସହକାରେ ଉତ୍ତର ଓଡିଶା ଉପାନ୍ତ ସାହିତ୍ୟ ସମ୍ମିଳନୀ ଆୟୋଜିତ ହୋଇଥିଲା । ସରକାରଙ୍କ ଓଡ଼ିଆ ଭାଷା ସାହିତ୍ୟ ଓ ସଂସ୍କୃତି ବିଭାଗ ଆନୁକୂଲ୍ୟରେ ଉତ୍ତର ଓଡିଶା ଉପାନ୍ତ ସାହିତ୍ୟ ସମ୍ମିଳନୀ କମିଟି ସହଯୋଗରେ ଉକôଳ ଦିବସରେ ଆରମ୍ଭ ହୋଇଥିବା ଏହି ଭାଷା ସାହିତ୍ୟର ସଙ୍ଗମ ଦୁଇଦିନ ଧରି ଚାଲିବ । ଓଡ଼ିଆ ଭାଷା, ସାହିତ୍ୟ ତଥା ଅସ୍ମିତାର ଏହି ମହାକୁମ୍ଭର ଆରମ୍ଭରେ ଏକ ବିଶାଳ ସାଂସ୍କୃତିକ ଶୋଭାଯାତ୍ରାର ଆୟୋଜନ ହୋଇଥିଲା । ଏହି ଅବସରରେ ବିଧାୟକ ଭାଦବ ହାଁସଦା, ବରିଷ୍ଠ ନେତା ତଥା ଆଇନଜୀବୀ ସଂଜୀବ ମହାନ୍ତି, ସୀମାନ୍ତ ମହାବିଦ୍ୟାଳୟ ଅଧ୍ୟକ୍ଷ ପଦ୍ୟୋତ କୁମାର ପାଲ ଉପସ୍ଥିତ ହୋଇ ଯୁବକ ଯୁବତୀଙ୍କୁ ସଙ୍ଗଠନର ଲୋଗୋ ପ୍ରଦର୍ଶିତ ଟି ସାର୍ଟ ପ୍ରଦାନ କରି ସାଂସ୍କୃତିକ ଶୋଭାଯାତ୍ରାର ଆରମ୍ଭ ହୋଇଥିଲା ।  ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଗୃହ ଓ ନଗର ଉନ୍ନୟନ  ବିଭାଗ ମନ୍ତ୍ରୀ ଡ଼ କୃଷ୍ଣଚନ୍ଦ୍ର ମହାପାତ୍ର ଯୋଗ ଦେଇଥିଲେ । ସମ୍ମାନିତ ଅତିଥି ଭାବେ ବାରିପଦା ବିଧାୟକ ପ୍ରକାଶ ସୋରେନ, ଏଡିଏମଓ ଡ଼ ବିଜୟ ଦାସ, ସୀମାନ୍ତ ମହାବିଦ୍ୟାଳୟ ଅଧ୍ୟକ୍ଷ ପଦ୍ୟୋତ କୁମାର ପାଲ, ବିଡ଼ିଓ ସୁମନ ରାଜା ମହାନ୍ତି, ବିଶିଷ୍ଟ ସାହିତ୍ତ୍ୱିକ ଦିଗମ୍ବର ଗିରି, ସମ୍ପାଦକ ଭରତ ଚନ୍ଦ୍ର ମହାନ୍ତ ତଥା କାର୍ଯ୍ୟକାରୀ ସଭାପତି ପଦ୍ମନାଭ ସାହୁ ପ୍ରମୁଖ ମଞ୍ଚାସୀନ ହୋଇଥିଲେ । 
ବାଲେଶ୍ୱର: ଜିଲ୍ଲା ସଦର ମହକୁମାସ୍ଥିତ ଜିଲ୍ଲାପାଳଙ୍କ କାର୍ଯ୍ୟାଳୟର ନୂତନ ଅଡିଟୋରିୟମ ସଭାଗୃହଠାରେ ଜିଲାସ୍ତରୀୟ ଓଡ଼ିଶା ଦିବସ ପାଳିତ ହୋଇଯାଇଛି । ଏହି ଅବସରରେ ବିଧାୟକ ବାଲେଶ୍ୱର ସଦର ମାନସ ଦତ୍ତ, ଅଧ୍ୟକ୍ଷ ଜÿିଲ୍ଲା ପରିଷଦ ନାରାୟଣ ପ୍ରଧାନ, ଜିଲ୍ଲାପାଳ ସୂର୍ଯ୍ୟବଂଶୀ ମୟୂର ବିକାଶ, ଅତିରିକ୍ତ ଜିଲ୍ଲାପାଳ ସୁଧାକର ନାୟକ, ଅତିରିକ୍ତ ଜିଲ୍ଲାପାଳ ହେମନ୍ତ ସିଂ, ବାଲେଶ୍ୱର ଉପଜିଲ୍ଲାପାଳ ମଧୁସ୍ମିତା ସାମନ୍ତରାୟ ପ୍ରମୁଖ ମଞ୍ଚାସୀନ ଥିଲେ ।
ବଡ଼ସାହି: ୧୯୩୬ ମସିହା ଏପ୍ରିଲ ୧ ତାରିଖରେ ସ୍ୱତନ୍ତ୍ର ଉକôଳ ପ୍ରଦେଶ ଗଠନ ହୋଇଥିଲା । ସେହିଦିନ ଠାରୁ ଏପ୍ରିଲ ମାସ ୧ ତାରିଖକୁ ଉକôଳ ଦିବସ ଭାବେ ପାଳନ କରାଯାଇ ଆସୁଛି । ଏବେ ଉକ୍ତ ଦିବସକୁ ଓଡ଼ିଶା ଦିବସ ଭାବେ ପାଳନ କରାଯାଉଛି । ସମ୍ବାଦ ସାହିତ୍ୟ ଘର ପକ୍ଷରୁ ଆଜିର ଦିବସକୁ ଓଡ଼ିଶା ହସ୍ତତନ୍ତ ଦିବସ ଭାବେ ପାଳନ କରାଯାଇଥିବା ବେଳେ ସ୍ଥାନୀୟ ବଡ଼ସାହି ବ୍ଲକ୍ ସମ୍ବାଦ ସାହିତ୍ୟ ଘର ମଧ୍ୟ ସଦସ୍ୟ ସଦସ୍ୟାଙ୍କୁ ନେଇ ପାଳନ କରାଯାଇଛି ।
ଆସିକା: ଓଡ଼ିଆ ଅସ୍ମିତାର ବାର୍ତ୍ତା ନେଇ ଆସିକା ବିଜ୍ଞାନ ମହାବିଦ୍ୟାଳୟରେ ଉଦ୍ଭିଦ ବିଜ୍ଞାନ ବିଭାଗର ପ୍ରାଧ୍ୟାପିକା ନନ୍ଦିତା ଦାସଙ୍କ ପୌରହିତ୍ୟରେ ଏକ ମନୋଜ୍ଞ ପରିବେଶ ମଧ୍ୟରେ ଉକôଳ ଦିବସ ପାଳିତ ହୋଇଛି । ଏହି ପରିପ୍ରେକ୍ଷୀରେ ଯୁବ ରେଡକ୍ରସ ଶାଖାର ଉପଦେଷ୍ଟା କାର୍ଯ୍ୟକ୍ରମକୁ ସଂପୂର୍ଣ୍ଣରୂପେ ସମ୍ପାଦନା କରିଥିଲେ । ଅଧ୍ୟାପକ ସାରଥି ଗୋମାଙ୍ଗ ଓ ଯୁକ୍ତ ଦୁଇ ଜାତୀୟ ସେବା ଯୋଜନା ଅଧିକାରୀ ପବିତ୍ର ଧାଙ୍ଗଡାମାଝୀ ସମ୍ମାନିତ ଅତିଥି ରୂପେ ମଞ୍ଚାସୀନ ଥିଲେ । ପ୍ରଥମେ ମଞ୍ଚାସୀନ ଅତିଥିଙ୍କ ଦ୍ୱାରା ଓଡ଼ିଶା ସ୍ୱତନ୍ତ୍ର ପ୍ରଦେଶର ସାରଥି ଉକôଳମଣି ଗୋପବନ୍ଧୁ ଦାଶ ଏବଂ ଉକôଳ ଗୌରବ ମଧୂସୁଦନ ଦାଶଙ୍କ ପ୍ରତିଛବିରେ ପୁଷ୍ପମାଲ୍ୟ ଅର୍ପଣ କରାଯାଇଥିଲା । ଓଡ଼ିଆ ଅସ୍ମିତାକୁ ବଜାୟ ରଖି ଓଡ଼ିଶାକୁ ବିଶ୍ୱ ଦରବାରରେ ସ୍ୱତନ୍ତ୍ର ପରିଚÿୟ ସୃଷ୍ଟି କରିପାରିଥିବା ଏହି ମହାପୁରୁଷମାନଙ୍କ ଅବଦାନକୁ ସ୍ମୃତିଚାରଣ କରିଥିଲେ ବୋଲି ଅତିଥିମାନେ କହିଥିଲେ ।
ଖଇରା: ବାଲେଶ୍ୱର ଜିଲା ଖଇରା ବ୍ଲକ ଅଧୀଣ ବର୍ଣ୍ଣନା ଓ ରଟିଣା ପଞ୍ଚାୟତରେ ଓଡିଶା ଦିବସ ପାଳିତ ହୋଇଯାଇଛି । କାର୍ଯ୍ୟାଳୟ ପରିସରରେ ପୂର୍ବତନ ସରପଞ୍ଚ ରଘୁନାଥ ପତ୍ରୀଙ୍କ ପୌରହିତ୍ୟରେ ଆୟୋଜିତ କାର୍ଯ୍ୟକ୍ରମରେ ରଟିଣା ସମିତିସଭ୍ୟା ଛବିଲତା ମହାପାତ୍ର, ପ୍ରଦୀପ ପର୍ଶୁରାମ ବେହେରା,  ମାଧବାନନ୍ଦ ପଣ୍ଡା,ପ୍ରମୁଖ ଯୋଗ ଦେଇ ଉକ୍ରଳ ପ୍ରଦେଶ ଗଠନର ବରପୁତ୍ରମାନଙ୍କ ସ୍ମୃତି ଚାରଣ କରିଥିଲେ । 
ବୁଗୁଡ଼ା: ସ୍ଥାନୀୟ ସରସ୍ୱତୀ ଶିଶୁବିଦ୍ୟା ମନ୍ଦିର ପକ୍ଷରୁ ସ୍ୱପରିସରରେ ପବିତ୍ର ଉକôଳଦିବସରେ ପ୍ରଥମ ଦିବସ ଉସôବ ପାଳିତ ହୋଇଛି । ପ୍ରଧାନାଚାର୍ଯ୍ୟ ଆଟଲ୍ ଲିଙ୍ଗରାଜଙ୍କ ପୌରୋହିତ୍ୟରେ ଅନୁଷ୍ଠିତ ଉକ୍ତ କାର୍ଯ୍ୟକ୍ରମରେ ଅତିଥି ଭାବେ ପରିଚାଳନା ସମିତି କୋଷାଧକ୍ଷ ତ୍ରିଲୋଚନ ସାହୁ ଯୋଗ ଦେଇଛାତ୍ରଛାତ୍ରୀଙ୍କୁ ମାର୍ଗଦର୍ଶନ କରିବା ସହ ସ୍ୱତନ୍ତ୍ର ଉକôଳ ପ୍ରଦେଶ ଗଠନର ଇତିହାସ ସମ୍ପର୍କରେ ଆଲୋକପାତ କରିଥିଲେ ।